【網遊】詩聖神話: 第四十七章：釣水魚
我實在太累了，所以就算腦內有著千千萬萬種事情都無阻我的眼皮垂下，昏昏沉沉的睡了。
到我一覺醒來已經是晚餐時間，我是被客廳女孩們的聲音吵醒的。
『噢噢，雨煙姐，今日晚飯好豐富啊！』聽聲音就知道是傾城。
『嗯，小雨你今日食咗咩藥呢？好有住家嘅感覺呀！同姐姐講，你係咪有新戀情！』傾國姐驚嘆。
『呀！』雨煙尖叫，想必是傾國姐出動龍爪手逼供了。
『唔好呀！』雨煙的聲音聽著就春心蕩漾：『傾城你又係，唔好叫我雨煙姐呀，我同你同年架！傾國你都係啦？』
『我呀......』傾國姐陷入沉思，我想像到她現在側著頭一臉迷罔的表情應該很可愛：『我冇所謂呀，反正我係傾城嘅家姐。』
『咁好心你似翻個家姐先啦。』雪晴插嘴，她是另一個知道傾國姐其實很依賴妹妹的女孩。
『嘻嘻 ~ 』傾國姐像個小女孩般笑著。
『小雪，你做咩望住啲餸呀？』調戲完雨煙後傾城問。
雪晴被傾城突然一問嚇到了：『欸，冇、冇嘢呀。只係估唔到亂炒一通嘅菜都可以咁香啫，我之前都唔知可以咁。』
原來雪晴跟雨煙都是入得廚房出得廳堂的好女仔啊。
『小雪兒 ~ 』雨煙不懷好意，想必擺出了個狡猾笑臉：『聽講男仔鍾意識炒兩味家常便飯嘅女仔多過揀飲擇食嘅女仔架 ~ 』
『做咩同我講啲......』雪晴突然醒覺：『呢層唔使你理呀，佢點都會鍾意我架！』
小雪呀小雪，你踩中雨煙的陷阱了。
果然不出我所料，雨煙乘勢追擊：『咁啫係小雪兒有鍾意嘅人啦？』
我聽見其餘三個女孩在偷笑。
『好煩呀好煩呀！我去叫死木頭食飯先啦！』雪晴光速逃離現場。幹，借我過橋啊！
『我又去，因為係我今日叫佢睇住今晚有咩好嘢架。』雨煙還在開玩笑。
『唔使啦，我自己得啦！』雪晴做了個鬼臉，用腳步聲就知道她正氣沖沖的跑過來。
我好像先裝睡比較好，不然這間屋的隔音那麼差，可不就被她發現我偷聽到她被傾城姐調戲？
『木頭，起身啦，唔好再瞓啦！』雪晴一下子拍開了房門，『啪』的一聲嚇得我心臟都要跳出來了。
情況有點不妙，以雪晴現在的狀態，難不成我要成為犧牲品？
雪晴像隻嬌滴滴的母獅一樣低吼著，腳步聲離我愈來愈近，最後在床邊停了下來，呼吸上下起伏：『再唔起身我就打你啦！』
她說完沒多久，我聽見破風聲在我耳邊迴響，伴隨她大喝一聲，這不太妙啊！
我趕緊睜開眼，只見雪晴可愛的臉上有一絲怒意，雙拳緊握直闖我沒有護住的下腹，差一點就是某個最痛的位置！
我連忙喝停雪晴：『唔好打啦！我醒啦，我真係醒啦！』
可惜雪晴被雨煙調戲後決意將不忿和醋勁恨恨的化作怒火向我發洩，已經是我叫不停的狀態了，我無助地看著那小粉拳如錘子般重重地擊在我下腹。
『啊啊啊！』這一拳打得我內臟都快要碎開幾塊，小美女的蠻力可不是開玩笑的。
『謀殺親夫呀！』我忍痛學著某個韋爺的名言，雪晴知到我又在調戲她給我來多兩發招牌重拳，打得有點爽，我開始懷疑我到底是不是個抖M。
我坐在床邊，雪晴剛才的蠻力將她的體力都耗盡了，只得乖乖地伏下來任由我抱住，暴力女神瞬間變回一隻小鳥依人的貓咪。
『木頭，雨煙同我講咗啦。』她把頭側向一邊所以我看不到她現在的表情，不過醋勁應該沒有散盡。
難道是雨煙跟我告白的事嗎？不要啊，我不要那麼快就變誠哥啊！誠哥死得早， 誠哥保佑我。
這時應該稍為探口風才對：『佢講咗咩呀？』
『你為咗我搏命一打二十嘅事囉，』她責怪道：『仲要搞到自己登出之後攰到郁唔到，又唔肯叫我嚟，正衰人。』
好在雨煙沒有說什麼不該說的事，算她有點良知。不過她這樣幫我賺雪晴的好感度真的好嗎？
我撫摸雪晴的頭，但她好像一副欲言又止的樣子，不過肚子餓得打鼓，一於少理跟著她出客廳。
不得不說如果雪晴的廚藝是個大廚的話，那雨煙的廚藝就是個賢惠的妻子，雖然只是家常便飯卻吃得眾人津津有味，自從家人移民以來我都沒試過這種賢妻廚藝。
-----------------------------------------------------
休息過後如常上線，這晚的目標我已經不太想衝級了，上了等級榜的心態就是不同，程天雲被這麼一殺掉出榜外，想必是憤恨難當。白河那邊的任務也晚點再算，畢竟有更迫切的事情要處理。
之前打那個任務除了換了我和雪晴一身白狼套裝以外，還掉落了兩件我們都好東西，連同再之前打出的槌子，我決定打鐵趁熱，趁主流玩家還在二十級左右賣出去，雖說是紫裝，但再拖下去我怕只會降價得厲害。
我是有想過如果裝備不合用的話丟給智障和C班去死團那邊啦，不過想著想著，貨幣兌換系統快要開通了，可得先為工作室打點錢再說。
我翻開背包，見有三件物事以前沒有留意過，便把屬性貼在隊伍中與小美女們分享。
冰舞之淚 ( 特殊物品 )
簡介：三千年前殞落的魔王冰澪妃 – 冰舞所流下最後一滴眼淚化成的結晶，滿載了她的悲慟，且擁有強大的魔力，用途不明。
當我再一次看到這東西之時我不禁為這遊戲背後可歌可泣的故事慨嘆。
閃光弓 ( 弓 )
需求等級：35
攻擊力：80 – 86
敏捷：50
特技：
閃光箭：凝聚一支強力的光箭穿透目標。( 冷卻時間：10分鐘 )
簡介：三千年前守護者 – 白河的愛弓，曾是他保護愛人的利器。
出橙裝了，我也傻眼了，想不到東西比任務送的武器還要強很多倍，最令人氣憤的是這玩意我們沒一個能用！
『小雪，不如件嘢咁勁，唔好賣吖，我哋搵人要咗佢。』我突然有『肥水不流外人田』的自私想法。
『唔得！你要為我哋工作室著想，一定賣到個好價錢！』雪晴堅定說。
就是嘛...…
既然決定了賣掉，那看完下一件先吧。
白雪披肩 ( 披肩 )
需求等級：28
防禦力：20
智慧：35
特技：
凜冬之觸 ( 被動 )：裝備者冰系法術威力提升20%
聽說遊戲會有特殊裝備，沒想到這下就出現在我眼前。這披肩是法師的好東西，而且傾城看得口水直流，反正為了補償她被白河秒掉，就順理成章給了她。傾城接到後興奮地穿上了，白色的披肩襯得她更可愛了。
『你哋自己做自己嘢，我一個睇鋪得啦。』我對女孩們交待。
不，如果有美女光環加成的話人流應該直線上升吧。 所以我轉念又說：『不如你哋搵一個同我一齊睇啦。』
『木頭我陪你！』雪晴拉著我。
『我又嚟。』雨煙微笑說。
『主人，點可以唔計小蕾架！』小蕾突然飛出來。
『咁我都一齊算啦。』傾國傾城異口同聲，果然是雙胞胎。
我完全沒預料到因為我一句說話，結果全部人都擠在一起看鋪了。
一個美女的光環已經吸引無數男性，五個美女的光環疊在一起更加是史無前例地耀眼，我簡直感受到夾在五個女神中間的壓迫感，當然還有來自四方八面『和善的眼神』，使我冷汗直流。
市集的人都被女神們吸引來這邊，其他地攤的店主們原本憤恨難當的看著這一邊，但當他們看到四個女神頓時什麼脾氣也沒了。
地攤前擠得水洩不通，來者以看美女的人居多，只有少數對擺著的東西有興趣。
『靚女，介唔介意加個好友呀？』這是我聽得最多的句子，這次是一個MK所說。
『唔係買嘢就過主。』我擺出店主姿態。
『咩裝備咁巴閉呀？睇過！』又是這種喜歡看陳浩南的語氣，真有夠討厭。
他隨便掃視兩眼，隨即找茬說：『屌你咩？咁垃圾嘅裝備都吊到咁高價，撚有人買呀！都on99嘅。』
這定價算是合理了，用來釣釣水魚也好。
又是一個滿嘴粗口的死MK，我請他走也浪費口水，不過女孩們在，決不可以讓粗口汙染她們的耳朵。
『唔買就走啦你。』我說。
『屌！好撚勁咩？夠薑隻抽吖？』不只MK，還是個小學雞。
『小兄弟，你咁講就錯啦。』一把厚實的聲音在死MK後方響起，聽起來很熟悉。
一個全身重裝的騎士走上前，赫然是那個叫以理服人的大叔，我心裡不由得暗幹了一聲，難道這大叔要來找我誨氣？
『你乜水呀阿叔？』那個MK自己找死去。
『呢兩件裝備都可以算係頂級，貴有佢嘅道理，雖然其中一件只係二十幾級，但係勝在數值夠高，而且有特技，更加重要嘅係主流玩家都只係廿幾級。另外嗰把弓唔使講，目前為止橙武應該出唔多過十件，可想而知價值喺邊。』以理服人無視MK的挑釁分析道。
『估唔到大叔你係識貨之人，點呀？有冇興趣？』我笑著說，雪晴用厭惡的目光看著一臉奸商樣的我。
『我估唔到會見到銘恆小兄弟你啫，最近過得如何？』以理服人回我一個深邃的微笑。
『承你貴言。只係前輩竟然記得我？』我開了個玩笑。
『當然記得，仲有煙雨妹妹同晴空雪妹妹兩個靚女，同埋對陣嗰時你區區一個詩人就打贏我，真係唔簡單。不過我都冇放喺心啦。』以理服人說。
死MK知道自己夾在同登天榜的兩人中間也不再久纏，知難而退，我和以理服人變相面對面交談。
『我出二十個金幣買起你兩件裝備，小兄弟意下如何？』以理服人語出驚人，我這兩件東西真的值那麼多？
『大叔言重，只係兩件普通貨色啫，何以用重金買落？』我有一絲不解。
『唔貴唔貴，十五個金幣係把弓，五個係把槌，』以理服人的城府很深，我聽他繼續說：『何況如果我用二十個金幣可以結交一個朋友的，何樂而不為呢？』
『用利益嚟交朋友，真係夠曬特別。』我揶揄道。
『世上沒有永遠的朋友，也沒有永遠的敵人，只有永遠的利益。而且銘恆小兄弟為人係點，大叔我睇得到。』以理服人笑意更濃，我也只好跟著一起笑。
『你又真係有計，竟然可以有咁多靚女喺你身邊，連之前個女刺客都畀你收得貼貼服服，比我當年仲要威，哈哈！』以理服人說，眾女臉上頓時紅了三分。
『難得大叔肯既往不咎，後輩深深拜服。』我抱拳作禮。
『哈哈，有禮貌嘅青年人。嚟啦，大丈夫一言既出，駟馬難追，我就用二十個金幣同你買咗佢！』以理服人果真與我交易將十個金幣押了下來。
大叔雖然老謀深算，但看樣子不失一個好漢子，我爽快地跟他完成了交易，二十個亮燦燦的金幣落入背包，這遊戲賺錢艱難，不知道他為何有這麼多金幣，不過我也沒追問。
『咁後輩先多謝大叔你送錢畀我啦。』
『唔多唔多，長線投資啫，你應該都想用呢個遊戲賺錢啦，』以理服人笑意盈盈：『但願銘恆小兄弟唔好喺就嚟舉行嘅『落葉爭鋒』輸畀我哋孤舟釣客嘅好手。』
落葉爭鋒？