【網遊】詩聖神話: 第二十八章：被遺忘的種族
石陣中那個白髮少女發現到我的來臨，純潔無瑕的臉上浮現驚訝的表情：『你，係咩人？』
這應該是我的台詞才對吧？
她現在的表情就像是看到一個不是她預期會看到的人一樣，驚訝卻感受不到一絲感情。
『咁，你又係咩人？』我將白髮女孩的說話重新演繹一次。
『奇怪，你唔應該聽到我嘅呼喚......』白髮女孩口中喃喃有詞。
『啫係咩意思？』
『不，最初我應該係感應到嗰股力量我先開始呼喚.....難道千年之間我的魔力同感知力早就變咗？』她無視我的質問繼續自說自話。
『喂，你一直係到講咩呀？講啲野我都唔明嘅？』
最後，白髮女孩的目光終於肯正視我，但回應卻是依舊：『你，係咩人？點解你會聽到我嘅說話？』
『你問我我都唔知！但係你做咩要呼喚我呀？』我開始不知所措。
『我唔係要呼喚你，人類，我要叫嘅係同樣都係狼族嘅青狼。仲有，點解你身上會有青狼嘅力量？』白髮女孩擺出一副高高在上的姿態。
青狼？好像在哪聽過......對了，我手上戴著的不就是青狼戒嗎？
『你係咪講緊呢樣野呀？』我舉起左手好讓她看到我的戒指。
白髮女孩定睛一看，旋即陷入沉思：『唔會有錯啦，佢手上個樣野散發住青狼嘅力量，一定係我誤判嘅來源！』
『你！手上嘅戒指借點得嚟架？』白髮女孩神色凝重的問道。
『你答咗我你係咩人先！』先報上名堂來吧！
『我？我係白狼族嘅女王 – 白婭。咁宜家輪到你啦。』白髮女孩來個直截了當。
『我殺咗青狼。』如果這女孩也是狼的話，最壞的打算就是直接對陣，我也管不得那麼多，要是真的要打就殺個痛快。
怎料白婭完全沒有怒氣，嘴角向上蹺：『原來係咁，事情我明白啦。』
這劇本不太對吧？我可是殺了一隻狼的耶！怎麼你一點怒火？
『你一定好奇怪點解我唔嬲係唔係？只係一隻青狼，我都唔旨意佢會幫到啲咩。反而係你，弒狼者啊，幫助我拯救白狼一族啦。』白婭再一次讀懂我的心意。
拯救白狼一族？這是甚麼意思？我還是不太懂。
『你我的相遇或許係種緣份，你得到青狼嘅力量引領你同我相遇。啫係話我相信，你就係可以幫到我嘅人。』嘩！看這白髮少女潔白無瑕，簡直是仙女下凡，想不到原來不僅她的外貌是一位仙女，連談吐都玄之又玄，好教我一個凡人理不盡猜不透。
『請你過嚟啦，靠近我一啲。』白婭攤開她雪白的左手，邀請我過去她身邊。
我從樹叢後面走出來，站在距白亞一米左右的位置。
『你，有冇聽過白狼嘅傳說？』白婭問我。官方對遊戲的世界觀守口如瓶，我當然是沒有聽過，所以我搖頭稱無。
『咁等我同你講啦，』白婭平靜地說：『百年前，千年前白狼係其中一個狼族，不過佢唔同灰狼同青狼嗰類，白狼係狼族入面魔力最高，而且智慧最高嘅一族，佢地甚至係每一個族人都可以擁有屬於自己的人類形態。係嗰陣，白狼嘅部落曾經盛極一時，與不同聯盟都保持友好嘅合作關係。但係一切要數到三千年前嘅事，對，就係魔族的侵略，啫係你地講嘅第一次大戰。』
『第一次大戰？』我打斷一下她的說明。
白婭續道：『對，第一次大戰，應該好出名至係架，因為嗰場戰爭最後由十個登上神階嘅聯盟種族將魔族擊退並且將佢地封印於極北嘅封魔山脈以外永世不得越界，同大部分都重新歸入混沌。』
對了，這就是小蕾說過十個天道英雄的故事，不過我記得最後他們全都殞落了。
『就喺嗰個時候，身為狼族而且擁有狼族中最強力量嘅白狼都參戰......唔係，唔應該咁講。應該係話魔族嘅侵略令大陸上所有嘅人都一定要參戰，分別就只係你可唔可以活到最後。如果話十聖者係戰爭慘勝嘅最大功臣，咁白狼一族至少都排喺第三第四左右。』
『你地咁勁又點要我幫忙？』
『事情仲未完。雖然白狼一族的的確確，完完整整咁擊退八魔王嘅其中三個，但係咁樣已經足夠令白狼族元氣大傷。就喺第一次大戰差唔多完嘅時候，出現第四個魔王『冰澪妃 – 冰舞』，一個白狼已經冇辦法打敗嘅魔王。』白婭補充道。
『冰澪妃 – 冰舞？』我重複著這個陌生的名字。
『白狼族，全滅。』她認真地說出這五個字。
『白狼族全滅？等陣，咁白婭你呢？你唔係話你係白狼咩？』太奇怪了，既然全滅的話那為什麼我現在可以和你說上話？
『我係特別嘅存在。翻去嗰陣，冰澪妃明明可以將白狼族殺曬，但係佢冇咁做，我唔知佢到底係唔想浪費白狼嘅力量定係純粹自己嘅惡趣味，總之佢冇殺到，反而將全個白狼族完完全全咁封印喺一個空間入面，永遠封印，榨取白狼嘅魔力。
白狼唔止被封印咁簡單，而係我地嘅存在都被抹殺，冇人記得曾經有個咁嘅種族，冇人知道我地嘅存在，連所有記載白狼族嘅文獻都被抹消。』
這其實有點像灼X的夏娜那個火炬設定嗎？
『然後就係我，我係白狼嘅女王，魔力最大嘅嗰個。冰澪妃嘅封印只係封住咗我一半嘅靈魂，亦啫係話一半嘅我同其他人一齊被封印喺嗰個空間入面，而另一半嘅我，對，就係宜家同你講緊野，百年、千年嘅歲月，就係為咗等一個人，一個可以幫我嘅人。』
『之前咁耐都冇人搵到你咩？』
白婭豎起兩隻手指：『原因有兩個，第一，我唔想信任求其一個隨意經過嘅人。第二，在發現我之前，其他人係聽唔到我同睇唔到我，除咗宜家嘅你。當然宜家你發現咗我，我都可以比其他人見到......嗚！』
白婭在說明的途中突然倒下來，我旋即伸手把她拉進懷裡。
好冷。白婭的體溫為什麼這麼低？除了體溫低，白亞的身體也很柔軟，一捏就碎的感覺，想不到遊戲連這種女孩的觸感都那麼真實。她的白髮不斷輕撫我的手臂，弄得有點癢癢的。
『有啲失禮添，講野耐得濟，魔力唔係好夠。』白婭在我懷中輕輕的說道。
『嘛，其實冇所謂。』
『我可以送你入去封印白狼族嘅空間，你就救佢地出嚟啦。』白婭不再拘謹，靜靜地倚著我休息。
『主人！！』『死木頭！！』『恆恆！！』『清語先生！！』『妹妹嘅偶像！！』
不用想，雪晴她們跟我過來了。
『係邊個呀？』白亞嗔道，有點像偷情被抓而不爽的小情婦。
糟了！她們的聲音愈來愈近，我又不好意思推開虛弱的白婭。這樣下去我可是會死的！！
就在我想辦法的瞬間，一切都來得太遲了。幾個小美女撥開我剛才的樹叢，正對著某種意義上是在擁抱的我和白婭，呆立當場。
老實說，這種感覺就像偷情被抓包的男人一樣。是怎樣的感覺？就是『啊，死定了。』的感覺。
『呵呵呵 ~ 嘛 ~ 情況好似好得意咁哩 ~ 』傾國姐一個唯恐天下不亂之勢。
『主人收後宮嘅事小蕾唔會反對架 ~ 不過小蕾呢想聽下我嘅好主人到底要點解釋 ~ 』小蕾加入傾國姐那個唯恐天下不亂聯盟。
『我明白清語都係男人，好應該有呢種需要 ~ 但係可唔可以唔好瞞住我地自己一個嚟偷情呢 ~ 』傾城平和地笑著，但我肯定她這是笑裡藏刀。
『嘛，恆恆 ~ 哼哼 ~ 』雨煙簡單一句，學汪X荃話齋，嚇到我個心離一離。
『死 ‧ 木 ‧ 頭！！！』啊，暴力雪晴要回來了。
『佢地係咩人呀？』白婭問道，她應該不知道她這麼一句很容易就為這個狀況加鹽加醋。
『天誅！！』雪晴拳頭引弓衝過來，連環拳重重的打在我背上，痛得我快要吐血了。
可是打不到幾拳，雪晴的節奏開始慢下來，最後小手緊緊摟住我的腰：『明明你有我說應該夠曬架嘛......』
欸？我是聽錯什麼嗎？雪晴她好像說了什麼驚人的言論呀！？