【網遊】詩聖神話: 第二十六章：溫馨日常
『咁......呢對姊妹就係你講緊嘅人？』我聽到這個消息，有如晴天霹靂。首先，我完全想不到剛才巧遇的就是陸雪晴說的那兩人。其次，也是最重要的部份，我家要多兩個美女入住。
『請蘇傾國小姐立即嚟到車站服務處，你嘅妹妹喺度等緊你。重複一次，請蘇傾國小姐立即嚟到車站服務處，你嘅妹妹喺度等緊你。』
廣播由一把公式化的女聲道出，不過聲線很甜，要不是車站廣播語調比較平淡我猜她的嗓子應該不錯。
車站廣播打斷我們的對話， 蘇傾國得知妹妹在找她有點忘形：『傾城 ~ 家姐嚟搵你啦 ~ 』
蘇傾國一奔而出，不過只有雙腿在跑，身體完全沒有任何移動，雪晴拉住她校裙近腰位置的一角，像是教訓一個到處亂跑的小孩：『傾國姐 ~ 你係咪又想走失等你個妹擔心呀？』
這個叫蘇傾國的女生到底可以路痴到甚麼程度？幹麼雪晴要拉住她不許跑？
『唉，唯有過服務處一躺啦。』雪晴單手掩面作嘆氣狀。
『對唔住囉，雪晴 ~ 』我還想著蘇傾國為什麼要向雪晴道歉，可是她馬上小拳在自己太陽穴位置輕輕一槌，吐出小舌裝一下可愛。
全程雪晴也拉著蘇傾國的手，像一個害怕孩子走失的母親一樣，她將來一定是個很愛小孩子的賢妻良母吧，那我跟她將來......呸呸呸，拖都沒拍就想著結婚我這想頭可太大了吧！
『雪晴，佢嘅路痴屬性真係有咁犀利？』我禁不住腦海的疑問，輕拍一下她。
『你冇見過啫，佢可以好誇張架，返學唔係佢細妹睇實都可以轉個頭就唔見人架！』她看過來我那邊，沒有拖著蘇傾國的手放在嘴角並刻意壓低聲量，生怕蘇傾國聽到。
啊......現實中真的有這樣的人嘛...…
一個和蘇傾國一模一樣的女孩在車站服務處前面來回踱步，待我們靠近的時候終於展開愁眉：『家姐 ~ 』雙胞胎姊妹來一個電視劇式的擁抱重逢，彷彿世界剩下她們兩個那樣。
『家姐呀，你去咗邊呀，搞到我好擔心你呀 ~ 』『對唔住囉傾城 ~ 』
聽著她們的對答，我發現這個妹妹是一個過份擔心的母親才對吧？人們常說雙胞胎有心靈感應，不過我想要是像蘇傾國一樣迷糊的姐姐，甚麼感應都是沒用。
『多謝你呀，你帶返我家姐返嚟。係啦，啱啱唔記得問你個名添！』蘇傾城解開對姐姐的擁抱面朝我說道，手上依然拖住蘇傾國。
『徐銘恆，銘刻個銘，永恆個恆。』
『咁點解銘恆你會同雪晴一齊嘅？』蘇傾城說著容易令人誤會的詞語。
『哩層呢......佢咪係我尋日同你睇起嗰個人囉！』雪晴搶著回答。
『吖！！』蘇傾城嬌呼：『啫。啫係、你就係清語！？？你就係嗰個清語』
好樣的，陸雪晴！又把我的身份亂說！看我今晚不好好修理你！
『嗯。』既然她知道了我唯有照直回應。我這份兼職實際上沒多少人知道，我連智障都沒有告訴他，不知道為什麼雪晴找到我。
『咁，請你幫我簽個名啊！』蘇傾城在某個地方掏出一本筆記和一枝墨水筆。
欸？幹嘛？
『雪晴！宜家發生咩事呀！』求救呀！雪晴！求救呀！
『呀，唔記得咗同你講，傾城佢係清語嘅fans嚟架，尋日佢咁快應承就係因為聽到可以同清語一齊玩囉 ~ 』這種事你早說嘛！
『幫我啦幫我啦幫我啦！』蘇傾城捧著白板在距離我不足十厘米的地方跳著。
『好啦！怕咗你啦！』我接個筆記和墨水筆，在上面畫了隻龜。
『多謝你呀！！』蘇傾城將有我簽名的筆記抱於殘念的胸部前。我感覺我好像騙了一個無知的小女孩。
所謂的工作室成員集齊後就事不宜遲，即刻趕回家。傾國傾城的行裝很簡便，跟陸雪晴昨日帶了一大個旅行喼上我家完全不同。至於雨煙......她也有旅行喼就是了，不過還是沒雪晴的誇張。
現在站在我旁邊的不是雪晴，而是難掩興奮之心的蘇傾城。她知道我是清語後一把嘴問了很多問題：『咁你將來有咩打算呀？仲有你宜家會唔會將目標集中喺天道呀？仲有仲有......』她一次過說了太多問題，我根本沒可能答完。
『唔好唔理我呀！！』雪晴從後面撲上我的背上，要是具象點的話，她應該是一隻小貓。
『做咩......』
『雪晴佢妒忌呀。』雨煙在我耳邊加鹽加醋，轉頭拖著傾國姐：『傾國姐，我地一齊行啦。』
雨煙這句話刻意說給我聽，聽起來就是『傾國姐 ~ 我地唔阻住佢地三個嘅修羅場啦 ~ 』可惜迷糊屬性發揮到極點的蘇傾國是個K.Y.，一點都聽不出她的弦外之音。
--------------------------------------------------------------
『用我屋企唔係唔得，不過我得翻一間雙人房啦，啫係話有一個要同人同房！』我一擺屋主的架子向坐在梳化的眾女說教。
『我同姐姐一向都係一齊瞓，我地要咗雙人房佢得唔得呀？』傾城這樣問我。
『我又冇咩意見嘅，』剩下的雨煙一副深思熟慮的神色，突然亮燈：『係啦！我自己住一間房，恆恆同小雪兒一齊住咪得囉！』
大姐你的腦子在想什麼？這建議肯定有問題吧！還有別再說恆恆啦！好噁心！
『建議駁回！』我和雪晴異口同聲的說。
『嘖，我仲諗住等我撮合你地兩個添，明明連講駁回都咁同步......』雨煙捉弄失敗。
『咁啦，雨煙用雪晴一間房，傾國傾城雙人房，我自己一間啦。』我嘗試總結。
『唔好將我同家姐嘅名亂咁用四字詞總結呀！』傾城稍微提出控訴。
めんどくせぇ ...…
『欸木頭。』雪晴俏臉仍舊很紅，腼腆地叫我。
『嗯？』
『尋日我話煮野食嘅......』她頓了一頓，再說：『你可唔不以同我一齊去買野呀......』
怎麼了今日的陸雪晴？為什麼都不能好好說話？
『冇問題呀，但係點解係我？』我實在不解。雪晴沒有回應，只是一直瞪著我。
『係、係！你地兩個就一齊去買野啦！我地喺遊戲入面等你地吓！』雨煙起身要把我和雪晴推出去，不過她一個人不夠力：『傾國姐！小傾城！幫手推佢地啦！』
『好呀！我地嘅晚餐靠你兩個啦！』 傾國傾城連同雨煙把我和雪晴推出門外。
喂！你們這三個好傢伙！不要反客為主啦！
『咁我就期待一下你地嘅晚飯吓，嗯哼。』雨煙迅速將大閘關上，我完全反應不來，手指還差點被夾到。被三個小惡魔拒於門外，其實我是有鑰匙的，但陸雪晴就站在我身邊也不好意思拿出來。
『行啦......』雪晴聲音細得像蚊子飛過。
『唉，冇辦法吖。』兩人並肩而行，但不敢注視對方，話也說不到兩句。
--------------------------------------------------------------
我帶著雪晴去了我家附近的一間連鎖超級市場，話說香港要買餸煮飯除了連鎖超級市場最多之外，還有甚麼地方好去嘛，何況自己一個還可以，要帶著雪晴走還是超級市場好。
『你尋日都冇話想我整咩喎。』雪晴總算冷靜下來。
『西班牙炒飯？』我不知道什麼原因對外國餸的第一印象是西班牙炒飯。
『仲有呢？』
『意粉？』
『仲有呢？』
『嗯......唔好逼我啦，我一時間諗唔到咁多呀。』放過我吧陸雪晴，我對西餐的認識只是小學等級。
『咁你講你想食咩啦！』我想吃什麼？正當我在想的時候，雪晴察覺到她好像講了不太對的說話，羞紅了臉。
『一係焗批啦！』我腦海閃過一個英式焗薯批的影子，衝口而出。
『一於係咁！你尋日睇限我唔識煮野食吖，我今日就整畀你睇！』雪晴自豪地說道。
與一個女孩在超級市場一邊推車仔一邊討論晚飯吃什麼的溫馨場面，滿滿的既視感。慢著！這既視感、像是一對新婚......咳咳咳咳......