〔異能〕〔餐廳〕《忘憂草》（齒輪兄弟會：庖丁）: 10.苦禪

————————————————————————————————————————— 

「先生，安卡的生命反應喺變成不死鳥之後消失左喺地獄街區。」一個陰影站在漢尼拔身後滙報。 

「呵呵…首先係『施』嘅黑矛，宜家係『辛尼』嘅安卡，再加上嗰批送死嘅殺手，一個可以有咁高戰力嘅法國籍異能者，你蓋恩曾經身為法國最強異能組織嘅高層居然唔知佢存在？你想我點向施同辛尼解釋？點向王解釋？抑或係你自己用條命黎解釋？」漢尼拔聽到滙報後轉身，雙目緊盯著蓋恩。 

轟隆！ 

說話的同時天上響起了一下悶雷，漢尼拔緊盯蓋恩的雙目在雷光下彷彿掠過一絲精光。 





「……先生，法國喺我走之前的確係冇速度系異能者離開。」 

「你仲！……咪住先，你話速度系能力者？」 

「係嘅先生，你當時係問速度系異能者。」 

「咁唔係速度系嘅呢？」 

「……」 





「呵呵…蓋恩，希望你知道自己嘅『身份』，身為叛徒你係應該以洩露佢地資料為己任。」 

「……有嘅先生，『聖殿』有付合條件嘅人宜家離開左法國。」 

「係邊個？」 

「……係編號『XIX』(19)」 

「雙頭龍？！」至此，漢尼拔終於忍不住失態 





「……係，先生。」 

「呵呵…我明白啦，你返出去先啦，呢件事我會親自向王佢地滙報。」漢尼拔揮手下逐客令。 

「係。」蓋恩躬身，慢慢隱入黑暗中。 

「呵呵呵…今代獸靈拉海爾身邊竟然係雙頭龍……」 

—————————————————————————————————————————

轟隆！ 

我和傑克呆呆地看著地上變成焦炭的安卡，只見他渾身漆黑地躺在地上，偶爾抽一抽搐，從嘴中吐出一口黑氣。 

「解懷……我唔知原來你識召雷……」 





「唔關我事，我咩都未做。」 

剛才當我正想發動異能把安卡從天上打落時，天空突然劈下一道天雷，狠狠地轟在安卡身上。安卡發出一聲慘叫後便從天上墜落，掉在我和傑克面前。 

「善哉，善哉。」 

「你我相見是緣，你替我擋雷是份。若你有未了塵緣，就讓我替你了吧。了生死，成佛道，安心走吧施主。」 

只見一個約莫十七八歲的小和尚，雙手合十站在安卡正在抽搐的「屍體」前，一臉愁眉苦臉地對著安卡道。 

聽這和尚的說話，安卡是因為他才被雷劈？這傢伙到底是誰？ 

「請問小師傅點稱呼？」我雙手合十向他問道 





「施主有禮，小僧法號苦禪。」 

「解懷，點解苦禪哥哥冇頭髮嘅？」 

「呢位小施主，小僧並唔係冇頭髮，只係剃度，剃度係為左去除煩惱同錯誤嘅習氣，去掉人間嘅驕傲怠慢之心……去除一切牽掛，一心一意修行……」 

「解懷，佢好怪……」傑克小聲對我說

我打斷了傑克的抱怨，聽他的話，安卡是他擊下來的，應該是友非敵，盡量還是別得罪他。 

「咁請問苦禪小師父點解會喺呢到呢？」 

「小僧我今日跟隨師父外出化緣，誰不知黎到呢度兜兜轉轉都出唔返去，天上又偶有天雷，唯有留喺室內暫避。喺呢個時候聽到出面有爭執聲，諗住出黎勸解一下，點知就見到呢位大鳥施主……唉… 阿彌陀佛 。」苦禪言畢合十施了一禮。 

他這樣說，意思是天雷不關他事嗎？只不過不幸被結界所困？算了，先把安卡解決了吧。我隨即看向安卡，雙目流露出一絲殺意。傑克像感應到什麼般打了一個寒顫，用擔憂又懼怕的大眼睛看著我，可惜我沒有看見。苦禪亦像感應到什麼般把視線從安卡身上移向我。 





「施主，小僧要告辭啦。」 

「小師傅慢行。」 

「施主，你我相見是緣，奉勸你一句，放下屠刀，立地成佛。今日孽為他日果……」言畢，一道天雷轟在苦禪身上 

苦禪被劈後毫髮無傷，搖頭道：「睇黎我上世的孽種得太重了。施主我先行告退啦。」然後伴隨著天雷飄然離去。 

目送苦禪離開後良久，我方才回過神來，放下屠刀嗎？我看著安卡若有所思…好吧，先留你一命。就這樣我拖著安卡的身體和傑克回家。剛才追逐時不知不覺已經到家門口了，也方便了我把安卡運回來。只是這算什麼…… 

我呆呆看著在冒煙的屋頂，回想剛才苦禪所說的天雷，不會吧……

由於電箱被雷劈壞了，舖面的燈光全都不能點亮，幸好廚房當初被傑克破壞得太多而安裝了獨立供電，因此在傑克的提議下我們在餐桌上點上蠟燭照常營業。 





「小傑克話左你架啦，仔打老豆會俾雷劈架！」 

「我邊有打中過你呀！仲有呀，你都唔係我老豆！」 

「你睇下你……」 

叮嚀。 

「唔好意思，請問你地有冇開門架？」 

我回頭看向門口的女客人，不禁一呆。 

很多年後，我對著我的枕邊人訴說當時的事。 

「嗰一日，我見到我一生最愛嘅人。」