曾經同一個女仔大戰咗幾年: 59

「飯桶，我有套戲想睇，你有無興趣？」那是陳心儀寄來的訊息。 


為什麼陳心儀會無緣無故找我。 


「咩戲呀？」 


「一頁台北。」她秒回我。 




「我地兩個人呀？」 


「咁你想幾多個？」 


「無呀，問下啫。」嘩，犯不著那麼攻擊性吧。 




反正近來也比較休閒，我就答應了陳心儀。 


「徐嘉恩，妳得唔得......」 


「Sorry呀，我急住要去搵一搵文老師，你有急事要講呀？」 




「無呀。」 


第二天上學時，徐嘉恩還是如常的避開我。 


甚至不知怎地，連座位也調開，她現在坐到遠遠的另一方。 


「其實妳係咪嬲咗我？」 


好想把這句問出口，卻又害怕，害怕得悉答案如我所願。 




「做咩又唔開心咁呀？晏晝出唔出去食飯？」阿古走到我們班問我。 


中四開始，我們便可以外出吃飯。因徐嘉恩這陣子的冷淡，我也多了跟阿古外出吃飯。 


不過學校附近也沒有什麼好餐廳，只有大快活、大家樂那些連鎖餐廳。 


阿古喜歡吃咖哩飯，我剛喜歡肉醬意粉。 


「你中唔中意睇戲架？」阿古在吃飯時問我。

「中意呀都。」 




「新上嗰套一頁台北呢咁？」 


「我今日去睇啵。」 


「真係架！？」她差在沒有把飯噴出來而已。「自己去睇？」 


「我同人去睇呀。」 


「喔.......」 




「做咩呀？」 


「無野呀......」 


吃完飯回校後，我仍是找不到一個機會可以跟徐嘉恩說話。 


她避人的技巧越來越高超。 


一日的學校生活又這樣過去。 




放學後，陳心儀著我自己先去戲院，我便奇怪為什麼不能等她然後一起去。 


「你行先就行先啦。」 


被她半推半迫又自己來到戲劇。 


結果等了半小時，她也未來到。

在期間我不斷打電話給她，但她就如普通女人一樣，每次也說差一點就到。 


連臨開場前五分鐘也是如此。 


最終開場了。 


「喂，陳心儀，開咗場啦仲唔到。」 


「下，佢真係無黎呀？」 


「邊個佢呀？」 


「徐嘉恩呀。我幫你約咗佢睇戲架。」 


「咁即係從來都係佢？」 


「不過佢事前唔知係你.....」 


我大概也知道是怎樣一回事。 


在戲院門外，我隨手把那兩張皺了的門票扔掉。 


像個笨蛋的等。 


「可唔可以陪我睇場戲？」忽然阿古的聲音從後面傳來。