曾經同一個女仔大戰咗幾年: 55

「你知唔知，其實同人分享自己內心最真實嘅想法同秘密，係一件好冒險嘅事。」我記得那天放學後，我們即興去看電影。 


戲後，下著微微細雨，雨絲被風吹得紛飛四竄，連徐嘉恩的髮絲也沾上了。 


她很感觸的說出這句。 


「點解咁講？」我問。 




「因為唔知到底嗰個人係咪真係信得過，唔知佢會唔會背叛你，當背叛咗就會好受傷，所以係一件好冒險嘅事。」 


「原來係咁。」 


「人表露自己最深處嘅事，等同將佢『自己都交畀你。』」 




「做咩今日咁感慨嘅？」 


她凝視著前路，雨把一切都霧化。 


「因為岩岩套戲掛。」 




老實說，我忘了電影是說什麼。 


「飯桶，你係咪一個可靠嘅人？」 


「我諗......係掛？」 


當時我不能不說出這一句，難度跟她說對呀我不可靠。 


可是長大一點發覺，原來「我可靠」這三隻字，很難說出口。

當你要不欺騙自己的時候。 




因為背後代表著的意義和責任...... 


「你記唔記得我爸爸媽媽離婚？」 


「嗯。」我點頭。 


「你記唔記得我有隻狗？」 


「嗯嗯。」 




她深深吸了一口氣後說：「其實我原本唔係哩個名架，當我隻狗死咗之後，我爸爸媽媽好快就離咗婚，我有段時間好唔開心，世界好似得返我一個。媽媽好快改嫁咗，我亦都要跟住改名。當名變咗，世界好像一切都變哂，狗仔唔係度，爸爸唔係度，一切好似由彩色變成黑白咁。好辛苦，每晚都會喊，每日都好似得自己一個。」 


我沒想過原來打擊是這麼大。 


「好慘.....」 


「好快，我就係街度流連，識咗一班朋友，佢地中意周街玩.....我都好受佢地影響.....」 


「當我第一次偷野時，我都唔記得係咩時候。只記得，係地鐵站一間OK便利店，係一枝可樂。當時一大群人，哄哄鬧鬧，因為玩完，每個人都喊口渴，然後去OK買飲品，由於人太多，我們幾乎將成個OK都窒滿，只有一個職員忘住收銀。 




因為我無帶錢出街，買唔到。 


「你唔飲野？」我地一群人當中，有一個叫美萊，大姐姐，係成群人嘅核心人物。

「無錢呀。」 


「簡單啦，想飲咩？」 


我原本以為佢要請我，點知佢轉身走向便利店，隨手就拎咗一枝可樂，就走出黎，而收銀職員忙住收錢，根本唔為意有一個人無畀錢。 




我呆咗，佢遞過來問：「做咩呀，唔要？」 


「你？唔係未畀錢咩？」 


「痴線，畀咩錢。佢都唔知。」 


「但......好似唔係咁好啵。」 


「有咩事呀，一枝可樂啫，佢賣咁貴賺咁多，你拎返一枝好公平。」 


我被佢說服咗。 


從嗰日起，我總是覺得欠美萊野，而也因此，我認為偷東西無咩大不了，正如美萊講，他們所賺的，過於他們所應得，我們只是拎返一啲。 


但最重要，偷野有種刺激感，大到我可以忘記唔開心嘅野。 


那種刺激感就係，你去偷竊時，就係一場挑戰，你會怕被人發現，戰戰兢兢，小心翼翼咁，眼需要觀四方，耳需要聽八方，先細心視察店裡有無閉路電視、位置，再睇老闆動向，趁佢唔留意出其制勝，偷到就好有刺激感。 


偷筆偷紙偷飲品偷野食。 


就是咁，偷野變成我人生其中一樣興趣。令我可以忘記隻狗既離開，爸爸媽媽既離婚.....」 


「你.....會唔會接受到一個咁樣嘅我？」她緊張地望著我問。