曾經同一個女仔大戰咗幾年: 44

「做咩咁好搵我走？」我們步向巴士站的方向時，我問。 


「唔得架咩，我地平時都係咁架啦。」 


「係，不過少好多啫。」 


我們好像比以前少了許多時間接觸。 




明明想靠近，為什麼會有越來越遠的感覺。 


「係你少搵我。」 


「我都叫少搵妳，妳咁多野忙，又風紀又戲劇。」 




「咁你都可以照黎搵我架嘛。」 


「上妳屋企呀？」 


「哈哈，如果你唔怕我爸爸嘅話。」 




怕呀，但我更怕沒有機會見妳。 


「不如去食啲野。」她提議。 


一提到食物她就很高興。 


我們去到商場的美食廣場，隨便的買了銀座的咖哩飯。 


而且徐嘉恩還要加大，相比之下我只是正常份量。 




「妳真係好食得。」

「多謝。」她燦爛地笑。 


「妳小心食窮妳老公。」 


「唔會啦。」她不經心地應我，專注吃飯。 


不會的意思是，她的老公有錢還是她不會有老公？ 


「你覺得文學堂點？」她問我。 




「呃，我覺得得作文有趣。」 


「唔係掛，其實好多都好好睇，你返去睇下啲詩詞啦，啲人好用心咁寫架。」 


「係咩？」 


忽然間，我們的視線都轉向一個婆婆，因為她在不遠處，用白色的飯盒收集別人吃剩的飯。 


「婆婆做咩？」我問。 




「佢好似係執人地剩返嘅飯黎食。」 


「咁慘？」雖然我不算富有，但看到這個畫面，才驚覺香港是有人面對生活極大的壓力。 


誰問誰會願意？ 


我還在空想時，徐嘉恩已經起身走開，過了不久她就買了另一個飯回來，送給婆婆。 


「婆婆，哩個送畀你呀。」

婆婆有點詫異，大概想不到這個商業化的冷淡城市中，竟然會有人送上溫暖。 


「多謝。」愣了半天，她吞吞吐吐地說出這話。 


徐嘉恩回來後，我忽然覺得她又漂亮了幾分。 


「做咩望實我？」她問。 


「我覺得妳靚咗。」 


「低B！唔畀望。」 


「婆婆雖然接受咗妳好意，都係照執啲飯返去食。」 


「生活嘛。」