曾經同一個女仔大戰咗幾年: 25

「我覺得幾好笑呀，我中意個男主角嘅勇往直前，但個女主角會唔會蠢咗啲呀？」我說。 


這是一天，我和阿古約好了要交換讀書報告的日子。 


「我都好中意男主角，但女主角咁樣好得意。」她回應。 


「但太蠢，咁都唔知男主角嘅心意。」 




「你唔中意蠢嘅女仔呀？」她問。 


「唔中意呀。」 


「喔⋯⋯」 




「咁你睇成點？你嘅回應呢？」我轉話題。 


她沒有說話，反而又在書包翻找東西。 


為什麼說一句話又要翻書包？ 




誰料到，她會從書包拿出一疊紙出來，紙上佈滿密密麻麻的字。 


我以為是中文作文比賽。 


「你畀作文比賽我做咩？」 


「哩個係.....讀書報告。」 


「讀書報告？」 




她到底寫了幾多字？ 


「你......」 


我沒想過她會認真成這樣。 


「你寫咗幾多字呀？」我問。

「4467字。」 


我失笑，她有點不知所措，我繼續問道：「咁你咪寫咗好耐，點解一本漫畫都可以寫咁多。」 




「因為......因為每一章都可以講好多野......例如哩章，」她輕力地打開漫畫，翻到其中一章，跟我解釋說：「個男仔寧願殺咗佢愛嘅人去復仇，女嘅原來係甘心，我就覺得好驚訝，佢裡面.....」 


她開始滔滔不絕地解釋，也只有漫畫能打開她的口。 


「好啦。我明啦。」 


「對唔住呀⋯⋯係咪好多？」 


我只是沒有預料到她會弄出一份報告而已。 




「如果你唔想睇都無所謂⋯⋯」 


「唔會啦，我一定會好好睇哂。」我說。 


「嗯......」她低頭回應。 


那一晚回家，我就把阿古的報吿看完一遍。發現她是認真的女生，甚至比我想像中更細心，每一個細節都能觀察到，然後加入自己意見解釋。 


自此，我和阿古開始會互相交換大家喜歡漫畫，然後交換心得。 




為了尊重她，我也開始把自己的意見寫成文字報吿，再互相交換。

有了漫畫作渠道，我們的關係開始破冰，熟悉起來。大家傾談的內容和東西也多了。 


她除了會跟我分享漫畫外，還有她家中的趣事，原因她家是開雜貨店的，每天許多客人上門，也有不少奇怪客人，或者是感動的事。 


我喜歡聽她的分享，從她微弱的聲線中聽到一個一個的小故事，我覺得在當時來說，是一種享受。 


「然後個客人就......拎返返黎。」 


「咁好人？」 


「係呀！我都覺得佢好好！」她瞪大眼睛說。 


「其實你唔戴眼鏡好似幾好睇。」 


「我.......」她就沒有話說。 


「你最近好似同阿古好熟咁。」徐嘉恩說。 


我們一同乘著巴士回家，她坐在窗口的位置，托著頭問我。 


「你呷醋呀？」 


「痴線，邊個呷你醋。」 


「咁唔係做咩咁問。」 


「我廢事你蝦佢，人地咁好。」 


「我不嬲都唔會蝦女仔。喂，不如我地鬥估出面有幾多架的士。」 


她回望一下外面的馬路，然後自信地說：「六架。」 


「七架。」 


她又再數一次，不解地問：「邊度有七架呀？」

「哩度都有架，有人塊臉紅到成架的士咁......」我說完馬上離開座位。 



「食屎啦范統！」她追著我，著勢要打我，我們兩個在巴士的上層追逐躲避。 



「喂！靜啲啦！哩度巴士黎架！」有一個中年大叔罵我們。 


「OH SORRY.」我們馬上道歉，竄回座位後，大家開始互相指責。 


「最衰都係你！」「妳囉！」 


「妳唔追我咪無數囉。」「你玩我先嘅！」 


「喂范統。」她忽然叫我名字，止住了爭吵。 


「做咩？」 


「都係無野啦。」