曾經同一個女仔大戰咗幾年: 20

不出幾天，班主任已經制定好新的座位表。 


徐嘉恩仍是坐在我的後面。 


「點解......我唔明白。」她看到座位表有點難以理解。 


「緣份嘅野，妳識咩呀。」我奸笑回應。 




「究竟你係咪落咗咒怨係我身上？趕唔走嘅。」 


「你好想趕走我咩？」 


「你話呢？」 




「車，係會趕唔走架啦。但無論如何，今次係我贏咗。」我說。 


徐嘉恩：0勝 

范統： 1勝 


奪得新學期第一勝！ 




有如斯氣勢，看來下次的勝利也是我的。 


徐嘉恩不服氣地坐在我的後面。 


「不過都好彩，心儀係附近。」我聽見她在後面說話。

附近？ 


有人在我的身旁坐下，我一轉頭望去，就嚇了一大驚。 




「咦？媽呀，點解妳會係我隔離架？」我驚叫。 


我一直留意的只有徐嘉恩和自己的名字，沒留意我旁邊的正是陳心儀。 


「我唔可以係度架咩而家？！而家得你可以坐呀？」她叉腰反著白眼喝問。 


我想，牛魔王的老婆鐵扇公主看見陳心儀的潑辣也要向她下拜。 


她的潑辣程度果真不是一般人能承受。 




如果說，徐嘉思的野蠻是1級，陳心儀則是神級。 

我當然不敢當著她臉說，只怕又給她打到連我也變成神。 


「唔係，只係小弟受寵若驚啫，有此兩位美人相伴，在下三世修度。」 


「食屎啦你。」 




「咁粗俗架。」 


「你而家話邊個粗俗呀.......吓！」 


「緊係話舊屎啦，佢點襯得起，沉雁落魚閉花羞月，貌比東施嘅陳家大小姐呢？」我七情上面地說。 


「哼，算你啦。」她好像消了氣。 


只有徐嘉恩在背後咔咔大笑。 




「佢係鬧緊你呀心儀。」徐嘉恩篤破我的「恭維」。 


「喂妳做咩......」 


「啪！」 


......... 


救命。 


然後，我很清楚記得，那是數學堂時，MISS張如常地對著黑板寫公式，我如常一條懶蛇伏地枱面上聽書。 


「你過界呀。」陳心儀對我說。 


「吿我囉笨。」 


「啪！」 


......... 


救命，SOS。 


誰能打救我。 



我一整日左臉都滾滾燙燙，好像被火燒一樣。 


我開始有預感，這一個學期，我的日子會很不好過。