曾經同一個女仔大戰咗幾年: 9

「你阻住我睇黑板呀范統。」徐嘉恩在我背後說。 


她今天扎了高馬尾，顯得更為清爽精神。 


通常女孩子都喜歡別人稱讚她們。 


「我覺得你扎高辮好好睇。」 




然後她竟對我說：「唔畀再望我。」 



「吓點解？」 


「無點解。總之唔準望。同堆你阻住我睇野。」 




「......」 


誰說女人是講道理的生物。 


今天說起身高問題，不知道是誰傳出來，說男朋友與女朋友之間的身高差如果是11cm.就代表著兩人會一生一世。 




我當然不相信這些。 


「徐嘉恩妳幾高？」小息時我問她。 


「關你咩事啫。」 


「問下妳幾高嘛。」 


「你知黎做咩？其實你都唔係好高啫。」 




「我唔係炫耀自己身高呀。」 


「咁你做咩......」她頓住，忍住笑說：「你唔係咁迷信呀？」 


「妳......妳諗多咗啦。」

「我好肚餓呀范統。」她摸著肚子說。 


「咁所以呢？」 




「我要食撈麵。」 


「痴線，我地今日都未比賽，你又知我輸硬。」 


「咁而家比。」她一副贏定的臉容。 


更讓我此戰許勝不許敗！ 


「我地鬥跳高！邊個掂得高當贏。」 




我高徐嘉恩半個頭左右，我有絕對優勢，相信此戰必定勝利。 


然後我一拍，就差不多到了黑板最頂層。
輕鬆勝利沒有難度。 


然後徐嘉恩一跳，我吃了一大驚。 


我沒有預想到，原來她可以跳得那麼高！ 


她一拍，就比我高一個手掌左右。 




她落地後沾沾自喜。 


我感覺到我完全啞口無語，下巴張開一個大洞，久久不能說話，最後硬著找話題說：「但你走哂光喎。」 


她顧環一下全班，然後說：「都係得你啫，我個撈麵得未？」 


「算妳好彩今次。」 


「哩啲係實力。」 


我只好轉身去買撈麵。 


「喂范統。」她忽然叫住我。 


「做咩？」 


「點睇，你都唔會高唔過我11cm。」 


「車。」