《青春怎會零創傷》: 第二章

「Cillia真係好正。」
「真係未見過人着校服都可以好似Vicky咁sexy。」
「我就覺得Heidi最pure最true。」
「佢地三個真係好好J，真係不愧為三朵金花。」

我並唔否認，我地三個個樣係真係幾吸晴。年中都有好多人想排隊申請入伍，拜於我地石榴裙下。一行入學校，班厹已經喺我地背後竊竊私語，但係其實佢地唔知道自己講得好大聲。老老實實，係會暗爽嘅，但係真係幾煩；仲有，三朵金花呢個名究竟係邊條仆街改？好撚老土。

言歸正傳，我今年好好彩咁樣分班分左同Cillia同Vicky同班。一黎唔怕識唔到新同學會悶；二黎唔洗拆散我地三個。新課室係四樓，其實每日咁樣行上行落都真係幾攰，但係每日都可以經過樓下三樓中六嘅課室，真係攰死都抵。

點解我咁講？一間學校，有女神，就當然唔少得男神啦。我地學校公認嘅男神係中六嘅劉煒燁，Edward。話就話係籃球隊，但係其實十項全能，範範都掂；仲要舊年係head prefect，真係冧死唔少女，我係其中一個。皆因我份人就好膚淺嘅，我實在抗拒唔到佢朴燦烈嘅髮型、彭于晏嘅面孔、仲有羅仲謙嘅body。我一直嘅願望就係可以喺佢畢業前同佢影張合照，但係三唔識七，我就真係開唔到口。





開學日，不外乎都係要出席返個開學典禮，比啲校監、校長、老師輪姦下對耳，就輕輕鬆鬆等放學。原定嘅放學時間係一點，大概到左中午十二點半，我同兩個八婆已經商討緊放學去邊到happy hour。

「喂放學不如去食餐好嘅，當慰勞下自己今日聽左咁多廢話。」Cillia問。
「好呀我冇所謂，食咩好呀？lunch buffet？」Vicky托住個頭答。
「我都冇所謂呀，放學即撇啦我好肚餓。」我摸住個肚一路講。

「叮！！！！」中五第一個放學嘅鐘聲響起，意味住啲咩？仲有成年有排捱。

「喂！Heidi！行得未呀又係你話肚餓，仲慢吞吞！我同Vicky唔等你架喇！」係！Cillia又大叫。仲要係企喺課室出面嘅走廊大叫。




「得啦就得喇！等埋呀！」
「我地走喇，你慢慢啦！」Cillia同Vicky同時大叫比仲喺課室執緊野嘅我聽，我聽得出佢地嘅語氣喺到偷笑緊，仲要係一路跑一路笑。唉，話你地on9驚你地嬲。

於是我加快手腳，一路塞啲垃圾入袋一路跑出課室。結果冇睇到課室出面原來有人咁岩行過，結果一下就撞左去佢心口。

「邊撚個柒頭發雞盲。」我心諗。
一向上望，係佢。Edward。呢個時候我同佢之間只有三厘米左右嘅距離，我塊面開始泛紅、心跳加快、講唔到野。
「對唔住呀，你冇事呀嘛？」佢率先打破僵局。
「冇…冇事呀。」我慌張咁搖頭。
「咁就好喇，見你好似好趕時間咁，唔阻你喇，byebye！」佢露出個真摯嘅笑容，然後轉身離開。





呢次，係我地第一次嘅對話。