Silence: 《女人》

「有兩種女人很可愛，一種是媽媽型的，很體貼人，很會照顧人，會把男人照顧的非常周到。和這樣的女人在一起，會感覺到強烈的被愛。還有一種是妹妹型的。很膽小，很害羞，非常的依賴男人，和這樣的女人在一起，會激發自己男人的個性的顯現。比如打老鼠扛重物什麼的。會常常想到去保護自己的小女人。還有一種女人既不知道關心體貼人，又從不向男人低頭示弱，這樣的女人最讓男人無可奈何。」---張愛玲

而我就係愛上第三種女人，永遠唔會去你低頭，令我非常難熬。係香港，普通人會叫依種類型既女性做「港女」、「公主病」。而我並唔會用依種低層次去稱呼我女朋友，我會用三個字 —「武則天」。每一個人都要聽佢吩咐，除左我之外，就連家人同朋友，都無一幸免。除左要擔任一位男朋友既角色，仲要做埋ATM、工人、秘書、出氣袋⋯⋯同佢講野唔可以用正常人既邏輯，佢永遠都有一套自己既真理同觀念，雖然常人唔會明白，但你一定要，而且絕對不能反駁。你會問點解會搞成咁？全因一個字「寵」。當你一開始左愛情遊戲，你已習慣用左「寵」，佢一覺得所有野係理所當然，我可以同你講你同我一樣已經game over。你可以話男人寵女人天經地義，但如今淪落到狗都不如，毫無半點尊嚴，我可以反問你，「你，值唔值得？」。

人生有好多過路客，前任、暗戀對象、就算係現任都可以係，但係我地有無珍惜過？人可以無愛，但係不能夠無情。曾經何時，有人對你不停付出，但係最後變成知己或者淪落為陌生人，「你」有無珍惜過？世界上有好多人匪夷所思，佢地會感歎點解仲未有真愛出現，但係「你」有無留意周圍其實「佢」一早已經存在。等等，我講嘅「佢」並唔係厹（狗公）。我特別喜歡用厹去形容狗公，每一個拍拖嘅男生，你都會知女朋友身邊仲會有幾隻，當你地鬧交，厹最喜歡落井下石，火上加油，最後補刀「同佢講分手」。其實我覺得厹真係幾可笑，笑佢地天真定天生智商過低導致身體語言上出現大問題好？依我嘅武則天，厹過百，令我討厭嘅程度，真係哭笑不得。

廿一世紀，女性已經係我地不得不尊重。一對情人拍拖，要更加互相尊重。風再大，只要拖著你另一半嘅手，幾難都可以度過。無論佢有幾難搞，你都會容忍佢。因為「你」真係愛佢。