慾望島: 慾望島-Part10

"哇" 一聲。

係藍衫外籍女人倒下後， 佢身邊果個女人發出左一聲驚叫聲。

我雖然聽唔到， 但從螢幕上, 佢口形上， 我完全感覺佢受驚嘅程度。

說時遲那時快， 當路人開始起哄時， 一架救護車已經到達現場。 救護員從車上走下來， 用熟練嘅動作同流暢嘅過程將外籍女人送走。

"放心， 我地只係將佢麻醉左， 好快就會醒返。" Edith 將我嘅注意力由窗口帶回佢身上， 並繼續講。





"如果有需要或者你想， 我地可以用真槍。 又或者， 如果你怕我地做假， 我地可以用你認識嘅人示範比你睇。 不過我估都唔駛啦~"

"係吖仲有， 據你所見， 頭先架救護車， 救護員都係我地嘅人。 此外， 政府機構， 醫院， 警務處， 消防處等等都有我地嘅人。 所以我地並唔驚你報警～"

Edith 所講每一字一句都準確地打入我心中。

無助，此刻嘅我絕對體驗到什麼叫無助。

"如果你無咩問題， 我地就準備開始。 期待你係[慾望島]入面嘅表現。 





祝你好運～"

Edith說罷， 正當我欲再問下去時, 我感到身體漸漸無力。

催眠氣體!!! 

老套嘅劇情。。。

我漸漸地失去知覺。





未知過左多少時間， 我從睡夢中醒來。

望望四周， 我清楚我自己正身處一間酒店客房中。 從電話上個時鐘顯示， 我大約用左三個鐘頭係見Edith 同被催眠呢件事上。

"呀。。。好攰呀。" 我輕手拍拍自己兩邊面， 同時走向洗手間洗個面， 令自己清醒一下。

當然， 我並無忽略天花板上面果兩個閉路電視。

洗完面， 我走去書枱前面， 見到一個粉藍色嘅小盒子。

上面有一個凸起， 燙金"C" 字。

仲有一張小咭紙， 寫住:  請好好保護你的Iphone, 祝你在[慾望島]有好表現。

此時此刻， 我並不感到驚恐， 憤怒， 慌張， 相反我腦中卻空白一片。





這份無奈是因為我正位於一個十分被動嘅處境。 接下來我所做每一個決定都要好小心， 以避免傷害或影響我身邊每一個人。