(奇幻)(愛情)(校園)龍之子: 九.炎彩靈

我趕快返到屋企，由於我係獨居既，所以屋企冇人。我坐係沙發，對住腦海既聲音講：「妳可唔可以解釋下發生左咩事？」
「主人，不如我用人既形態出來同你解釋？咁樣會方便D」
「原來妳可以化作人形，我冇咩所謂，妳方便就得。」
「主人，我出來啦！」同一句說話，但今次出現既唔係把劍，而係一個比我矮半個頭，留着馬尾，有着深紅色既頭髮。身穿紅色連身裙，赤着腳，臉頰有着一個梨窩，令她笑起來甜甜的。美中不足之處就係------她胸部仍未發育，我心裡喊了一聲可惜，不過，佢既笑容竟令我看得呆了。

「主人？」紅髮少女係我臉前揮了揮手。我即刻回過神來。
「係啦，我想問究竟發生左咩事？點解我會召喚到一把紅色既劍？點解妳會叫我主人？同埋妳係邊個？」我連珠砲發咁問左依幾個問題。

「等我慢慢解答妳既問題。」佢從容不迫咁回答。





「我答左妳最後一個問題先，我化身成劍嗰陣叫紅焰，之前已經講左比妳聽，不過，我係人形狀態嗰陣，主人你都係叫我彩靈啦，我全名叫炎彩靈。」「原來妳可以化身成劍？」「係呀，我可以化身成任何人或物件。」「咁點解妳會化身成女孩？」「因為我覺得主人你會鍾意呀！我靚唔靚呀，主人~」

我聽到佢既聲音，真係酥到骨子裡，令我心跳加速，為左避免依種情況繼續落去，我即刻轉移話題「妳幾靚呀！不如妳答左我尾二嗰個問題先？」「多謝主人贊賞！」彩靈甜甜一笑。
「至於點解叫你做主人，因為你就係主人呀！」
我聽到後，瞬間感到無語，咁樣都算答左我既問題。

「唉...主人你真係善忘，你唔記得幾年前，你救過一隻受傷左既貓？」彩靈好似有啲無奈。

我細想一下，不過卻記唔起依件事。





「主人！你居然唔記得依件事！」彩靈鼓起泡腮，少許生氣咁望住我。

「咁都已經係幾年前既事，而且又唔係特別重要，深刻既事。」我慌忙解釋。

彩靈見我慌張既樣子，不禁噗哧一笑。「主人，我冇嬲你啊，你唔使咁慌張呀。」

「妳居然係到扮野，搞到我咁慌慌張張。睇黎要比啲教訓妳先得。」

我伸手「吱」佢既腋下。
「哈…哈...主...主...人唔好...再...再整...整我...我啦。」




「邊個叫妳扮野呀？」正當我想停個陣，彩靈失去平衡，跌入我懷裡。

彩靈仰頭望着我，佢滿臉嬌紅，仍在喘氣。我再一次看得呆了，今次居然有想親吻佢既衝動。我不停同自己講：我已經有紫晴啦...唔好再搞其他女仔...

當我心入面仍在掙扎既時候，大門被打開左。