某天我脫毒了，走上了情聖之路: 第七十九章 - 原來我早已愛上你．黎若嵐
我睜開雙眼，
發現自己訓左係一張唔熟悉既床上。
我驚慌咁彈左起身，
望望四周….
四周既擺設話到比我聽，
呢到係一間女仔房。
我嘗試回憶之前既事同摸摸我乾澀既眼睛。
我終於醒起我何等羞恥咁………….
比條仆街抽晒水…..
我走出房門，
係大廳搜索唔到果條淫蟲，
我就輕輕推佢房門，
見到佢帶住耳筒咁打緊機。
超專心既佢完全無察覺我已經走到佢身後。
「嘩!!!」我雙大力拍打佢膊頭。
「嘩啊!!!」小狼大叫。
唔知點解每次整蠱佢，我都覺得好爽。
正當我以為佢擰轉面燥尻我既時候….
「醒啦? 」小狼溫柔咁問我。
我目定口呆咁望佢….
比著平時佢一定勁燥咁講「你做乜野呀又?」
「係咪肚餓?」小狼企左起身望住我雙眼。
搞到我周身唔聚財…..
「喂~」小狼篤篤我前額。
「我…我…..」我欲言又止。
佢一定係知左我既往事所以先咁對我?
佢....佢咁係可憐我?
我就係知道如果我示弱就會被人可憐，
我就係唔想咁!!
「我唔洗你可憐我!!」我推開小狼。
我跑出大廳。
「嵐嵐!」小狼捉住我隻手。
「你放手! 你唔好可憐我!」
佢既眼神…..
佢既眼神…. 眼神眼神眼神眼神眼神眼神眼神眼神
好討厭!!!
「我邊有可憐你?」
「你有! 早知唔講你聽，衰人! 」
我轉身就跑出屋外，走到後樓梯。
小狼亦緊隨其後。
「你唔好再跟住我!」我喝止小狼。
「你做咩? 我都係關心你。」
「我唔要呀! 」
話畢，我就繼續跑。
「黎若嵐你同我企係到!」
我下意識咁企左係到。
小狼行到我背後。
「去著番對鞋先啦。」
我以為佢會訓斥我，
解釋自己唔係可憐我。
佢踎低，示意想孭我。
「上黎啦，再行既話，對襪就污糟晒。」
我乖乖咁走上佢背脊。
我都唔知自己點解突然咁聽話，
只係呢一刻…..就呢刻想攤係佢背脊。
我入到去拎番自己野就走左。
番到屋企，
總係有一種奇妙既感覺，
我唔識形容，
但好奇怪，時喜時悲咁。
為左舒緩呢種感覺，
我決定訓覺!
我攤上床、合埋眼……
腦海閃過所有有關我同黃少朗既畫面。
果日…..
對於哥哥既離去，
我已經無辦法再忍受淚水，
為左唔想父母擔心，
我一個人坐左係大廈門口喊，
當時人流唔太多。
突然有個哥哥行埋黎慰問我，
因為我仲喊緊，
所以無理到佢。
佢見我無回應就比左盒朱古力我
我唔想比佢見到我個喊樣，
所以我低住頭同佢講多謝，
佢回左我一句就坐左係我身邊，
好似想陪下我咁….
佢無出聲，只係呆望住個街
我無意間將佢同我哥哥既身影重疊左。
個心突然跳得好快，
應該係察覺到啲人開始用奇異眼光望我地，
為左唔連累佢，我決定離開。
我唔太敢直視佢，講左byebye之後就轉身跑去。
無耐，我升左上表姐讀緊果間中學。
仲記得第一日番學就遲到。
有個哥哥同我一樣遲到，
佢好勁，跑得好快。
「加速啦，就遲啦。」佢同我講。
因為書包太重，
根本就無力跑，所以都無心機睇清佢個樣，
但佢竟然一手搶左我書包，同我一齊跑番去。
雖然最後都因為遲到而比人捉左去後台，
亦因為咁，我先可以睇清佢個樣貌。
估唔到佢就係當日陪我坐係大廈門口既哥哥。
我相信無咩人可以好似佢咁，
會因為幫人而放棄自己最大既利益。
如果佢果日唔係掛住幫我，佢一定唔會遲到。
後來發現佢同我住埋同一棟大廈。
每日同佢番學放學，就好似哥哥仲係到咁。
我真係好掛住我哥哥，好想再見佢，好想再同佢玩。
而我將呢一切既情感都投射晒落一個人到-----黃少朗。
雖然佢把口嫌我煩，但佢永遠都係我身邊，就好似哥哥咁……
我一路以為我真係佢妹妹….
但今日…..我察覺到…..
我對佢既感情原來唔係我一路所想咁。
究竟我係由一開始係咁，定係中途有所轉變?
我將我既心意講左比表姐聽。
同佢傾完之後，我更加肯定我發生左一件我從來都無諗過既事…
我中意左你，黃少朗。
我……應該點面對佢?