某天我脫毒了，走上了情聖之路: 第七十一章 - 被雙眼所牽引的眼睛
「簡直完美！！！」廖師傅望住我。
「哈，多謝....」
有無咁誇張？
定係佢純粹讚緊自己整出黎既衫？
「樂仔你點睇？」
「簡直係藝術品！」家樂和應廖師傅。
「咪玩啦=_=」
「小狼！」家樂不懷好意地笑。
「又點呀？」
家樂無答我，淨係係到陰陰嘴笑......
.
.
.
.
.
舞會當日充滿住我意想唔到既驚喜.......
.
.
.
.
「做咩笑得咁？」我問嵐嵐。
「嘿！經我一番努力我終於可以去舞會！」
「恭喜晒喎.....我唔會陪你去。」
「我洗鬼你陪，已經有人陪我去。」
「邊個咁扺得諗？」
「到時你咪知囉！」
嵐嵐冷係神秘咁唔答我。
整間學校都一直議論舞會既事。
始終第一次搞，
大家如此雀躍都好正常....
「聽日就係啦！咩心情！？」家樂興趣咁問我。
「無咩特別....」
我從來都係口硬心軟，
難得有咁盛事又點會唔興趣？
「其實你係咪男人黎？」
「你洗唔洗我而家就show比你睇？」
「兄弟，無謂獻醜。」家樂搭我膊頭。
「兄弟，我驚我一獻出黎係你覺得醜。」
「係！？入廁所睇過！」
「誰怕誰？」
怕？
其實我對聽日真係又驚又緊張。
我好少出席一啲大場合。
一多人我就周身唔聚財。
「小狼，果日係你屋企樓下等。」
「點解？」
「有驚喜。」
家樂又係到賣關子.....
「記住！6點係你樓下等！」家樂再三強調。
「得啦，驚死我走左去咁。」
番到屋企我沖個涼，
拎出度身訂造既西裝出黎，
Jel番個頭，到六點就出門。
「小櫻我出去啦。」我拍拍小櫻房門。
小櫻無應門。
佢放學就一直係房....
又同男友嗌交？
我係樓下等左大約五分鐘，
就見到一架好靚既七人車駛到我面前。
「Hey bro，上車。」家樂向我招手。
「你洗唔洗呀？」
「難得一次緊去盡！」
「呢架車係靚，但你係都揸架跑車黎呀，更正...係叫你司機揸。」
「你估我唔想咪，我老豆唔比....」
不過呢架車真係好舒服.....
舒到我唔小心恰著左.....
「醒啦喂！！！」家樂叫醒我。
進場前，我呆站係門前.....
心裡既興奮又緊張。
「拎左飛入得去啦，要企就番訓導處企啦。」家樂捉住我手腕。
場內有好多我唔識既人，
同時我係到搜尋帶無我識得既人，
猶其係嵐嵐，好想知係邊個背佢黎。
果然好多我學校既人...
但大部分都係男......
「好多靚女......」家樂漏晒口水。
如果無認錯果班應該係“聖芬蘭女子中學”。
呢間女子中學出晒名多靚女，
應該係港島區之冠。
場內空氣突然稍靜，
大家既目光都轉晒去入口...
入口處有四個十分標緻既女生進場。
「係“主光中學”既四星呀！」家樂極度興奮。
坦白講....
佢地真係好靚......
主光中學係東區出名最多靚女既中學，
而眼前呢四星就係該校既校花，
聞說已經有公司請左佢地組一隊女子組合。
「如果可以同佢地是旦一個跳到一隻舞就好啦....」家樂雙眼發晒光。
同時呢個都係我既心聲......
我繼續還望四周，
嘗試搜索嵐嵐既身影。
我feel到有人拉住我衫尾。
我轉身一望，
一個打扮得十分精緻、矮我半個頭既女生係我面前，
第一刻未能認出佢係邊個，
但佢既精緻度令我毫無保留地欣賞佢。
「你條死變態望夠未！？」一把熟悉既聲音....
天使既面孔，惡龍既咆哮......
「諗緊人類party點解會有隻怪獸係到。」
嵐嵐比我呢句話差啲激到爆血管。
「我咁可愛都恰，你先係怪獸！！變態戀童淫毒撚！！！！！」
嵐嵐眼角好似有點淚光。
我係咪過份？
「嵐嵐？」
一把我非常熟悉既聲音，
單衹熟悉，仲係一把我最中意聽到既聲音。
「表姐！黃小狼又恰我呀。」嵐嵐向柔柔撒嬌。
「小狼同你玩之嘛....小狼不嬲好錫啲妹妹，係咪呀小狼？」柔柔摸住嵐嵐頭哄佢，然後再問我。
「係.....係.......」
柔柔呢句話好似語中帶刺咁....
不過柔柔今日真係好可愛！
好想搣佢塊面！！！！
正當主持人開咪宣佈開始既一刻......
再一有艷壓全場既身影從大門走進....
我敢講佢絕力壓“主光四星”....
「你唔知佢會黎？」家樂問我。
.
.
.
.
.
.
「小狼！黃小狼！黃少朗！」
明明聽得家既聲，
但卻無能力作出任何反應.....
眼睛仍然被佢雙眼所牽引住....