某天我脫毒了，走上了情聖之路: 第六十八章 - 單身
因家樂既運氣，
我真係抽到健身窒簡介會，
但似乎家樂既運一次過比晒我。
佢怨左我好幾日，
話我拎晒佢啲運。
日子過得好快，
小櫻真係同左果個叫Lancelot既男仔拍拖，
柔柔都一樣同左自己中意既人一齊。
至於我.....
就成日留係gym房.....
主要係想避開小櫻.....
而家次次見到佢都係到我講佢男朋友既野，
老實講真係聽到有啲厭.....
講番gym房，唔係好想再講小櫻住....
原來gym房真係無乜女仔...
大多只有師奶唔係男人。
同我預想既有啲唔同，
我以為啲大隻佬會好臭串卑視我呢啲排骨仔。
但原來佢地個個都鐵漢柔情，見我新仔唔識做又好肯教我點玩。
有個大佬個樣仲好似郭富城...
起初我都有諗佢地係咪基.....
但果種剛陽麻甩味......
想基都難....
「真係大隻左啲。」家樂係到研究我手臂。
「岩岩開始玩，邊會咁快有野睇?」
「你今日又去?」家樂問。
「係，好似上左癮咁，唔去唔舒服。」
家樂用一個妒忌既眼神望住我。
每日放學我都會做陣gym先番屋企。
漸漸變左一種精神寄托。
只係幾個月已經有大幅度既進步。
但我同小櫻既友情好似退步左。
啲人話女仔拍拖後會無左朋友，睇黎係真。
不過最近見小櫻好似唔太開心。
好好奇，但唔知點開口問佢。
「小櫻。」我敲敲佢房門。
「係。」小櫻探頭出黎。
「有野想問問你。」
小櫻心有疑惑。
「入黎傾。」
我走小櫻房間，
依舊既整潔。
「唔好掛住睇間房，你想問.....？」小櫻稍有尷尬。
「你...你最近係咪有啲唔開心？」
「Ummmm.......少少啦......」
「發生左咩事？....講唔講得嫁？」
「.......」小櫻沉默了片刻。
「拍拖既事?」
小櫻輕輕點頭就一直望住地下。
「嗌下交好平常嫁姐........」
「唔係呀...我覺得.....佢近排好似怪怪地咁.....」小櫻苦惱。
我側頭表示不明白。
「佢對我好好，但呢排佢有時會好暴躁咁，好似變左第二個人咁。」
「拍得耐左現真身姐。」
「唔係，佢講野既口吻，就口頭禪都唔同埋。」
「你講佢好似又人格分裂咁.....」
「可能真係.......」小櫻個樣十分擔憂。
「你當真？如果真係有既都入左青山啦。」
「係咪嫁....？」
「係....咁佢有無打你？」
「咁又無........」
「咁咪得，可能佢呢排唔開心姐....」
「嗯.....」
其實拍拖都幾煩.....
又擔心自己會唔會對人唔好，
又怕對方會唔會唔再中意自己。
諗諗下其實單身都幾好，
中意去邊就去邊。
其實我地為咩去追住愛情走?