某天我脫毒了，走上了情聖之路: 第五十一章 － 不願你離去

拐拐下番學真係唔掂。
最慘隔離仲有個煩西。

「你行快啲啦柒頭。」嵐嵐係前面催我。

「快到先得嫁!!」

一朝早仲要比嵐嵐激到噴血。

到左學校，




鐘聲響起，
臭口王竟然宣佈小櫻要離校既消息。
大家都好驚訝。
小櫻露出微笑掩蓋自己既不安。

只係剩番一星期嗎?
一星期後小櫻就要離開。
總覺得好心up。

一到小息大家都蜂湧到小櫻身邊。




小櫻不斷強顏歡笑。

「肥森，我地係咪要做啲野?」

「歡送會?」肥森反問我。

「小櫻同我講過佢好唔想離開呢到。我想係呢一星期比啲回憶佢帶走。」

「咁就一齊做!!」





我地搵左一日去家樂到打邊爐。

我地玩開果班同小櫻玩開果班都有出席。
家樂屋企真係好大，
真係載得曬全部人仲要有空間剩。

「小櫻，我好希望你係走之前可以比一個女神既擁抱我。」家樂挑逗小櫻。

「唔得喎，我淨係會攬我男朋友或者我中意既人。」小櫻拒絕家樂。

「個檸檬好大好酸呀!!!!」家樂悲鳴。

「Wooo!!!!咁小櫻係咪暗示有男朋友?」豪言叫囂。

「咩佢男朋友唔係小狼咩?」肥森造我…





「黃小狼你個勾二嫂反骨仔!!」家樂掐住我。

「殺左佢!!!」其他人都係到起哄。

「陳家樂你整親佢啦!!」小櫻叫停家樂。

「無啦無啦…….」家樂發出陣陣既哀號。

「WoooW」其他人繼續起哄。

「我地家既小狼就拜託你啦。」肥森同小櫻講。

「咪再玩人地啦。」我停止佢地。





小櫻已經尷尬到連野都講唔到。

「算啦算啦，下下都幫住人地。」肥森挖苦我。

我地一班人共渡左一個好開心既晚上。
我係群眾壓力之下負責送小櫻番屋企。
不過又唔完全基於群眾壓力之下既。

「咁快就到門口了。」我慨嘆。

「快樂不知時日過？」小櫻輕微挑逗既語氣。

總覺得小櫻對住一大班人既時候，時時都會唔出聲，講野好細聲。
面對我果陣就截然不同，講野直好多，語調豐富得多。





「真係快樂不知時過。」

「天下無不散之延席嘛。」

「你啲中文真係好到唔會有人信你中本妹。」

「懷疑我?」

「只係有啲難而置信姐。」

「真係有啲難而置信，我一路都以為自己會一直係日本。黎到既時候都以為自己會起碼畢業先走。」

「對唔住，又令你唔開心。」

小櫻搖一搖頭。





「我真係唔想走。」小櫻眼盈淚眶。

真心無諗過小櫻咁中意呢到。

「其實介唔介意我問點解你咁想留係到?」

小櫻愕然地望望我。

「因為……因為呢到有你地。」

聽到個”你”果陣我個心離一離，並進行左無盡既幻想。
但知道佢係講”你地”果陣，個心有啲失望。

「你終於知我地既重要性呢!!!!!!!」我冷自豪咁講。

「嘻，又無話係你功勞，你咁自豪做咩?」

「……..」

「又唔洗即刻咁失落既，你當然有你既功勞啦。」

「嘖，呢層當然啦!」我忍唔住暗爽。

「哈，你都幾易哄嫁喎，成個小朋友咁。」小櫻摸摸我頭。

「哎也!!!我唔係真係小朋友!」

「咁我可唔可以問你一樣野?」小櫻突然變得認真。

「哦，你問啦。」

「你有幾唔捨得我走?」

嘩!!!!
問得相當直接。
突如其來既直面敲擊令我個不斷搖晃。

「Errrr….」我低頭避開佢既視線。

「哈哈，我都係隨口問下，對唔住嚇親你。」

小櫻準備抽身離開。

我下意識捉住佢手腕。
小櫻驚訝地擰轉頭。

「對….對唔住。」因自己既冒昧而道歉。

我好快就放開左小櫻隻手。

小櫻收起驚訝既樣子，
望住我嫣然一笑。

我心頭因佢一笑而動了一L。

「其實我…我真係好唔想你走，但對唔住，明明應承過你會令你留下來……」

小櫻樹起佢既食指放係我嘴上，
令我停止說話。

「咁就已經夠，聽到你既心意已經好足夠。能夠得到你呢份思念就已經好足夠。」

「小…..小櫻……唔通你!?」

「有啲野唔講出黎會比較好。既然現實係殘酷就容讓佢成為一個夢，一直美下去，免受現實既催殘。」

「嗯，咁就當係我地兩人既小秘密。」

「無錯，一個只係專屬我地既秘密。」

我同小櫻帶住呢個秘密回到現實回到家中。
果晚起，小櫻就斷晒我地既聯絡。
似乎連機都唔比我送。
估唔到果晚係最後一次見小櫻。

唔知佢而家係咪執緊行李呢?
唔知佢而家有無喊呢?

再見了朋…..朋友