某天我脫毒了，走上了情聖之路: 第三十八章 - 手牽手
「睇你個樣開心番晒應該無野啦。」子欣又八掛我同柔柔既事。
「無事好耐啦。」
「就考試，唔好累左人就得。」
「放心，我地已經準備好一齊溫書渡過考試。」
「咁先得人驚，情侶通常都溫唔到書，只會係到玩。」
「我一直想問你，你明明無拍拖點解成個專家咁?」
「邊個同你講我單身嫁?」
「啊!!原來你有男朋友嫁?」我嚇到叫左出黎，好彩未開始上堂。
「喂，本小姐唔係好差姐，有男朋友有乜出奇?」
「有圖有真相!!」
「嗱。」子欣好順攤咁比左張相我睇。
「許…許杰!?」我再受刺激。
「係呀，教你bass果個。」佢一啲都唔出奇既樣表示左佢一早就知。
「點解無聽你地講既?」
「你都無問。」
世界…學校真細少。
「不過咁，岩岩你好似無否應你同柔柔已經係情侶。」
「唔…唔係，我地雖然坦然左，但仲未去到果個位。」我急忙解釋。
「你地都承認中意左對方，而又接受左啦，咁仲唔係男女朋友?」
「我唔知點解講，好似差啲野咁。」
「比啲勇氣啦，無理由咁拖住個女仔嫁嘛，唔同等佢開聲講咩。小狼兄。」
子欣的確講得好岩。
無理由要柔柔主動開聲”不如我地做男女朋友”嫁嘛。
可能佢係到等緊我開聲都未肯。
其實都知道對方點諗啦，我仲怕乜鬼?
放學果陣有幾次都想拖柔柔隻手，可惜失敗左。
唔知點解就黎拖到果陣覺得好尷尬就彈番轉頭。
「你今日點解怪怪地既?」柔柔問我。
「無呀，你錯覺。」
有啦! 試下搵條馬路過，然後拖住佢隻手衝過去!
一於咁咁。
點解條條馬路都係綠燈。
完全唔需要衝跑。
「你係咪唔舒服?」柔柔又問我。
「唔係呀。哈哈。」我望住佢傻笑。
「睇住呀!」柔柔叫停我。
原來我掛住諗野同回應佢，忘記左睇燈。
我隻手好似有啲野，應該係話比啲野捉住左。
我望落去。
原來係柔柔隻手!!
應該係岩岩情況太緊急佢拉住我。
我同佢都好快咁縮開左。
「對..對唔住呀。」柔柔突然道歉。
「做咩道歉?」
「我無問過你就捉住你隻手。」
「只要你想既話，可以隨時捉住我隻手。」我隻手遞前。
「但我而家唔想喎，嘻~」柔柔突然展現佢頑皮既一面。
「咁就等我黎啦!」我嘗捉住佢隻手。
「Wei ya，成個變態佬咁丫你。」
「你唔知我出左名變態咩?」
我地終於都拖住對方既手。
柔柔全程都紅住面，應該係第一次咁樣比人拖住手。.
雖然我唔係第一次拍拖，但呢種戀愛感，好似係第一次擁有。
我地全程都無講野，但個心已經好滿足。
「我…番上去啦。」
「番到上去再wts app我啦。」
「嗯! Bye bye小狼。」
「bye bye柔柔。」
我同柔柔終於一齊左，唔再係兄妹，唔再係朋友，而係一對戀人。
但我地都無克意公開，無克意周圍同人講我地一齊左，亦無克意去隱瞞。
只係覺得我地既感情只係我地兩個既事。
更何況係旁人眼中我地一早就已經成為左戀人。
「考試就到，係時候溫書啦!」柔柔提醒我。
「係! 下年要揀科，一定要拼盡全力!」
我地幾乎每一日放學都會去學校圖書館或者自修窒溫書。
因為DSE完左既關係，自修室都比較易搵到位。
「放開又一day，係時候去打機~」家樂彈出黎周撩人去打機。
「阿謙?森森? 小狼你要陪柔柔唔會去嫁啦?」
家樂真係好似唔洗溫書咁。
「我要番去溫書，考完先打啦。」阿謙拒絕家樂。
「森森呢?」
「黎緊揀科啦，你唔溫書，下年同唔到我地一齊唔好係到喊。」肥森都拒絕左。
「咁好啦，森森我地一齊溫書!!」
「我約左人。」
肥森竟然約人溫書!!?
「約左邊個?」我好奇問。
「係邊家既女孩?」阿謙問。
忘了一提，肥森其實好受女仔歡迎，我都唔知點解。
但有啲人雖然唔係靚仔，高大有型，但女性緣總係好好。
「仲洗問! 緊係張天欣啦!!」家樂把大到好似開左咪咁。
「我比你落樓下開廣播好唔好呀!?」肥森一巴星落家樂個粉腸到。
「係咪真係可以!!? 我相信呀欣聽到會好開心。」家樂繼續挑釁肥森。
「我要殺左你!!」
「冷靜呀肥森。」我同阿謙拉住呢隻叫肥森既巨熊。
「阿森，行得未呀?」突然有把好甜既女仔聲。
肥森突然冷靜落黎，chok左一chok。
「嗯，行得啦，唔好意思要你久等。」肥森講完就行左去。
「佢岩岩係咪chok聲?」我問阿謙同家樂。
「好似係。」阿謙好正經咁答我。
「得米囉得米囉。」家樂一路講一路各前行。
我同阿謙即刻拉住佢。
「你最好乖乖地番屋企。」我同阿謙恐嚇家樂。」
「Yes Sir!!!!」
好明顯家樂就想跟蹤肥森同天欣，然後拎啲笑柄黎恥笑呀肥森。
其實我都唔明點解家樂咁中意整蠱肥森。
有時我都懷疑呢種係咪家樂對肥森既愛的表現。
咁耐以黎都好似無聽講家樂有中意既人。
雖然佢有時會係到研究女同學既胸部….
究竟家樂係個咩人?
行到學門口見到柔柔已經係到等緊我。
佢離遠望住我微笑。
噢! 雅典娜唷!!!
「你笑得好淫。」家樂係我耳邊講。
「你講咩呀!?」
正當我準備打佢既時候，佢已經抱住奸笑咁跑走左。
睇黎應該係我諗多左，其實佢個個都中意整蠱。
只可能整蠱肥森係最好玩咁解。
「我好肚餓。」柔柔嘟起個嘴同我講。
「想食咩?」
問完佢之後，我地就落左去M記。
柔柔係一個咩都食既女仔黎。
只要佢覺得岩食，佢唔介意果樣野係咩來頭。
「小狼..啊….」柔柔拎住舊雞示意我擘大口。
「你做咩?」
「我聽FD講女朋友要餵下男朋友食野先開心。」
「你個咩FD黎?」
「同班同學。」
唔怪得- -。
見柔柔一番心意我就擘大口食左。
柔柔就眯埋微笑。
好可愛….
「啊!」我表示再來一個!!
「又要? 你食晒我食咩? 唔比!」柔柔收埋佢堆雞，鼓起胞腮。
果然係柔柔! 一個可愛既人無論做咩都係可愛!!!
「家姐。」突然有個女仔走黎抆住柔柔既衫袖。
「啊!!! 湘庭!!!!」柔柔好肉緊咁攬住呢個女仔。
望真啲呢個女仔個樣都幾標緻幾得意，同柔柔有啲似樣。
但我無聽過柔柔有呀妹喎。
「家姐，呢個大叔係邊個?」
算啦，我都係收番我岩岩既想法。
「我中三咋! 邊到似大叔呀!?」
「湘庭，你講野唔可以咁直嫁。」女仔後面既女人教訓佢。
不過佢句野既意思即係連佢都覺我似大叔嗎?
個女人後面好似仲跟住左一個男仔。
個男仔雖然五官端正，絕對係一個靚仔黎，大過左一定不得了，但氣場就好陰沈，令人毛骨悚然。
我同呢個男仔對視左一陣，個女人就拖住左個女仔帶埋同行既男仔走。
係果短短既時間入面，個男仔令我覺得好不安。
「小狼你做咩呆晒咁呀?」
「無呀，岩岩果個係?」
「係我堂妹同伯娘。湘庭係咪好好好好可愛呢?」
其實你可愛好多。
「都係既，咁個男仔呢?」
「男仔? 我無咩留意到。」
屌我唔係撞鬼丫嗎?
但個女人真係拖住佢走，莫非佢養鬼仔!!?
但我明明應該”閉”左眼，應該唔會再見到。
越諗越驚。
「啊! 個男仔好似係同湘庭由細玩到大嫁! 突然間醒唔起佢叫咩名tim。」
嚇死老子搵山拜，幾驚佢唔係人，雖然佢氣場真係成隻鬼咁。
柔柔食完之後，我地就手牽手去左鰂魚涌圖書館。
呢後時間確係人生中最開心最滿足既日子。
雖然唔知可以維持幾耐，但起碼呢一刻你我仍然手牽手。
我愛你，阮芯柔