[真人真事][新手]我和女神的故事: 25

啊善，你真係好正，當然我無講出口，因為講完出口我驚無啖好食，有時我係到諗如果當初我早啲識啊善而唔係識依晴既話，到底依加既我會又係點樣呢？我相信一定會好開心。。。 

啊善『傻仔b~，做咩呆左係到阿？諗咸濕野阿？』 

我『係阿我諗緊咸濕仔，一直瘋狂錫你啊打算』 

啊善無理到我，佢面紅左轉身煮佢既飯，而我坐係沙發到望住啊善佢，我係到諗其實啊善又識煮飯，性格又咁好不如飛左依晴佢，接受啊善算啦哈哈，好可惜我有今日咁既自信心，唔係啊善，而係依晴帶比我，佢一直同我講你認真啲做任何事啦，其實你掂架，仲介紹埋啊美比我識，好可惜依加啊善竟然做埋啲咁既行為。。。開始對我冷淡？定係一開始就無認真過純粹只係帶比我自信而離開我？ 

突然間啊美Whatapp我，『喂傻仔做緊咩』 





我唔想理佢，所以我讀完佢就無回，相反啊善呢邊都差唔多煮好飯，雖然佢煮既野係好簡單，普通既蝦仁炒蛋，炒碟菜，用罐頭煲金黃栗米湯比我飲，無錯呢餐飯的確簡單，但係見到佢咁為我，平時唔多煮野既佢都咁落力煮飯比我食，我真係好開心，多謝你阿啊善。 

啊善『喂，傻佬，食得飯啦』 

我立即過去幫啊善拎餸，呢個畫面就好似老婆同老公先會做咁樣。 

我地整好哂所有野，準備食飯個陣。 

啊善突然錫落我塊面同我講『多謝你阿，傻佬』 





我『下？做咩咁講啊你』 

啊善『見我煮完飯辛苦過黎幫我拎野，仲唔抵錫？』 

我『車，係男人都應該幫啦係咪先』 

啊善『。。。我以前男朋友唔會囉，仲話我煮野好難食』 

我『唔好拎我同佢比啦，我性格好咁多，唔好諗佢啦，食飯先啦』