[真人真事][新手]我和女神的故事: 22

啊善突然叫我「啊b，呢題我唔識野可啦可以教我」

我睇到個條係啊善自己寫上去，所以覺得伏伏地我就話「下 我唔識英文架你問第二個啦」

啊善係我耳邊講「你唔教我，我話比全班知今日放飯既事嘻嘻」

我大叫「唔好啊」

老師望住我話「呢位同學 做咩事呢」





我「無啊，我岩岩發夢」

啊傑「你做乜鳩啊」

我「發夢之嘛」

我望一望啊善佢笑緊。。。。。 

啊善一笑完既時候，我就同啊善講『好啦，怕左你啦唔識邊題啊煩人？』 





啊善『呢題囉』我望一望上面寫住Today Ar Suen kiss Ar b True Or False 

我心諗呢啲咩英文黎架。。啊善咁既成績啲英文咁既。。 

我就玩野同佢講『Not Given』 

呢個時候啊善大聲講『喂啊Ｂ佢』我立即打停左佢說話，同佢講『咩料啊你，痴左線？』 

啊善『咁你答啦』 





我『True..』 

啊善就話『抵錫』之後又咀左埋黎 

啊傑佢地話『嘩，啊善做咩錫條毒撚？』 

我『乜撚野錫我啊？？我眼入沙佢幫我吹，你係咪打機打上腦開始有幻覺？？』個時我面好紅 

啊傑話『咪扮啦，睇住啊善錫你』 

啊善『咪玩啦，啊B佢沙入眼我幫佢吹，我點會錫條毒撚呢？』我心諗你條仆街係咪tbb出黎點解咁扮得 

最後啊傑佢地都係相信我同啊善係無錫過。。