[真人真事][新手]我和女神的故事: 16

正當我想熄電話既時候，啊美發送一個信息比我 

啊美『係喎，唔記得左，早抖啦傻仔B(大笑)』 

我『做咩無啦啦叫我傻仔？。。BTW早抖，聽日見』 

啊美『無啊，覺得你好得意之嘛』 

我『下？。。得意？你係咪傻左啊？哈哈』 





啊美『毒撚比較純情覺得你得意唔出奇啊』 

我『車，又暗串我，快啲訓啦，再唔訓聽日無精神上堂，係呢其實你讀邊間學校，會順路咩？』 

啊美『依晴無話你知咩，我係同佢同一間學校，但我只係中三，你幾歲？』 

我『我都係中三。。』 

啊美『好啦，我訓先啦早抖(飛吻)』 





我『早抖』 

啊美『乜你咁冷淡架，比個飛吻我得唔得先(怕醜)』 

我『咁我小毒撚怕醜嘛。。。早抖囉(飛吻)....』 

啊美『算你啦哈哈（大笑）聽日見』 

我重複望一望啊美同我既對話，啊美現實咁粗魯，點解係Whatapp同我傾計既時候語氣唔同左。可能係因為我唔開心想哄返我開心？係喎佢係MK黎架喎，話唔定對個個男仔都係咁，不過同佢傾完之後我開心返無咁多野諗所以都幾多謝佢，其實啊美都幾靚女，佢對腳拍得住依晴，不過未見過佢紮頭髮個樣係點，唔知會唔會因為紮頭髮而改變佢呢？佢個樣係行成熟路線，而依晴就係行可愛路線，啊美既中分唔講野既時候，都幾似一個好老婆，佢好少係現實中笑，可能係琴日佢有啲笑唔出令到我見唔到佢笑，就算佢唔笑佢都有種氣質，唔通呢啲就係仙氣？  





唔知聽日既啊美會係點呢。。。好期待，夠鐘訓啦再唔訓聽日唔知醒就大件事，於事我就訓著左，我發左個夢，就係依晴叫我男朋友，之後就比人嘈醒左比個電話打黎。。。。。。 

我『喂，邊位啊！！！！』 

啊美用溫柔既聲音『啊Ｂ，起身啦，你今日約左本小姐架唔記得左啦？刷牙洗面，十分鐘後樓下等』我係到諗緊呢把聲咁溫柔既。。係咪依晴。。。 

由於當時我仲未訓醒加上我發夢諗起依晴叫我男朋友，我就沖口而出講左句『知道，女朋友』 

啊美佢係咁笑，但當時我唔知佢係啊美，因為我睇唔到個名只係直接聽左個電話，直到我刷完牙，就淫笑望返部電話，因為我以為係依晴，但當我望返個通話記錄原來係啊美。。。呢次仆街。。。。一陣要同佢解釋返。。 

話咁快我搞掂哂所有野，可以落樓 

落到我樓下既時候我遠望見到啊美我就行過去。 

我同啊美講『頭先。。』比佢插左口 





啊美笑住咁講『男朋友咁快落到黎既，去食早餐啦』 

我『頭先我發左個夢，所以先誤左你做女朋友。。。你想食咩啊？』 

啊美笑住『我想食腸仔。。。。。包啊男朋友』唔知點解我覺得呢句佢講好淫賤搞到我對佢有性幻想，買左個腸仔包同埋包奶比佢廢事佢口渴 

啊美『男朋友你都幾細心架喎，買埋包奶比我，好啦我地行啦，拖手仔好無？』 

我『唔好叫我男朋友啦痴線，拖手仔？。。。。』 

啊美笑住『玩下你之嘛毒撚哈哈，係啦頭先你發左咩夢？』