[真人真事][新手]我和女神的故事: １２

個女仔『屌，比返你囉，咁小氣』 

我『講下笑姐咁認真既』 

依晴無視左佢既說話『係呢，啊B，我整既飯盒好唔好食？』 

我『好好食，仲有整得好靚好有心思，整左個心型出黎。。。』我心在想，係咪女神對我有意思呢，當然我呢條死毒撚，女神又點會對我有意思呢。。。 

依晴想講野既時候，個女仔插把口埋黎話『緊係有心思啦，佢整比男朋友架嘛，佢琴日開始整架啦，你唔係以為依晴特登整比你條肥毒撚下嘛哈哈？』 





我苦笑著說『當然唔敢諗呢啲啦，有飯食就算架啦』 

依晴『咪咁玩人啦啊河粉，人地好純品架哈哈，啊B，唔洗理佢架，我見整好左拎埋比你食，廢事浪費食物嘛，不過多謝你讚我整得好食又整有心思』 

我心諗屌，你人黎架喎叫乜撚野河粉，好撚MK...我唔敢講出口，因為我驚比佢屌撚仆街。。。。 

我問依晴『係呢，你過黎借書睇？睇開咩書』 

依晴『係啊，平時係屋企咁無聊就過黎綜合大樓四樓既圖書館借下書睇咁囉，你有無推介啊？』 





呢次仆街啦，我平時無乜睇開圖書，小說呢啲，如果我話我上高登睇開文，一定比個MK河粉話我死毒撚，唔知點解係MK既眼中上高登就一定係睇甜故，相信走唔甩比人話咸濕仔。。。 

記得小學既時候老師推介過一本圖書比我叫做老鼠記者，我打算同依晴講既時候諗一諗，呢本係我小學睇過既圖書，如果推介比佢會唔會比佢話小學雞。。。。。 

但我吐出左兩個字『老鼠。。。。。。。』之後我唔敢再講落去 

依晴笑住咁講『係咪老鼠記者啊？』 

我『係啊。。。你點知架，』 





依晴話『我之前有追開架，係依排無睇之嘛，原來你都鍾意睇老鼠記者架？姐係我地有共同既興趣哈哈』 

我『無啊，我以前有睇過，依加都無乜睇』 

依晴『搵一日一齊追返囉哈哈』依晴拎左本愛情小說，本書既書名係咩我都睇唔清楚，佢既動力實在太快。。

由依晴睇下借邊本借呢本之後，大約過左兩個鐘左右，我地三個都肚餓打算去食野，我望一望銀包得返張一百蚊，聽啊俊佢講女仔食既野特別貴，我就係到諗我夠唔夠錢比呢。。。。