[真人真事][新手]我和女神的故事: 8
我「唔好意思，但我叫你晴晴會怕醜，可能因為壘字既關係搞到我怕醜掛。。」
女神「乜你咁麻煩架，咁你叫我依晴啦」
我「咁好啦，依晴，係啦你地聽日洗唔洗返學」
依晴「聽日唔洗啊，做咩你想約我出街啊?怕醜仔」
我「唔係..想問下姐,好似我呢種毒撚又點會有機會同你出街呢」
依晴「好心你做人比?自信啦，岩岩自信心咁強，無啦啦又變成咁，係呢你係咪住藍田架?」
我「知道啦，係啊我係住藍田，做咩咁問」
依晴「不如一齊返學啦以後，因為我好大頭蝦成日遲到架哈哈」
我「下...」。
依晴「就咁話啦，聽日7點半你樓下等啦咁岩上次見到你 哈哈」
就係咁樣女神已經offline左，最後上線時間為下分11:00。
我好期待聽日同女神一齊返學，但我實在太緊張，完全不能夠入睡，好擔心聽日會唔知醒叫依晴起身。。
不斷回想起依晴岩岩同我傾計既過程我都不自覺笑左出口，唔得，我唔可以再諗落去，我聽日要叫我依晴起身架。。。再唔訓架唔夠精神既話唔知醒叫唔到依晴，依晴實會嬲死我，但我完全訓唔著有乜計，所以我決定催眠自己，不斷係咁話自己我係個毒撚，我係個毒撚，我係個毒撚，唔知講左幾多次，我訓著左。。。
到左第二日，我望一望個鐘，我屌，七點三啦大件事啦，點解我個鐘會無聲，呢個時候我真係想坐時光機回到十五分鐘以前打個電話比依晴。。。呢個時候依晴打左比我，我立刻拎起部電話接聽依晴既電話。
我『喂....』
依晴『起身未啊，懶訓豬哈哈』
我『對唔住...，我個鐘無聲搞到我起唔切身叫唔到你起身，唔好嬲我』
依晴『都估到你起唔到身架啦，成三點幾先訓，刷左牙未？換好衫未？我到左你樓下啦，買左早餐比你食。』估唔到原來依晴對我咁無信心，
我『落緊黎，比五分鐘我。』
到左第二日，我望一望個鐘，我屌，七點三啦大件事啦，點解我個鐘會無聲，呢個時候我真係想坐時光機回到十五分鐘以前打個電話比依晴。。。呢個時候依晴打左比我，我立刻拎起部電話接聽依晴既電話。
我『喂....』
依晴『起身未啊，懶訓豬哈哈』
我『對唔住...，我個鐘無聲搞到我起唔切身叫唔到你起身，唔好嬲我』
依晴『都估到你起唔到身架啦，成三點幾先訓，刷左牙未？換好衫未？我到左你樓下啦，買左早餐比你食。』估唔到原來依晴對我咁無信心，
我『落緊黎，比五分鐘我。』