[真人真事][新手]我和女神的故事: 3

由學校去到商場呢段路途中大概要10分鐘左右，旁邊既女校多數都係要過馬路而過左馬路就會有條長欄杆隔開兩條路,我地係右面而女校既高Form就係我地既左邊透過中間我地能夠清楚睇到佢地既全身。我地相討左去邊食野，一致決定左去吉野家因為夠平夠飽，去到吉野家 都係照舊 和風牛肉飯 可樂少冰，當我決定左食咩既時候我去排隊。

係我既身後，係一個女校既高Form，真係好拎正，雪白既肌膚，溫柔既聲線，長長既秀髮，又長又白既美腿 簡直係世界級啊。。我唔敢同佢對望超過三秒左因為我個心跳得好快好緊張。

我同我班朋友講,「點解我地學校無咁高質素既姐姐」

我班朋友話「細聲?啦毒撚」

可能我太大聲既關係 個女仔係咁望實我都唔係幾好意思... 

差唔多排到我既時候，我發現吉野家裏面座位比較少因此我擔心我地搵唔到位坐，我就放低錢比個朋友，我朋友叫我去拎定位，然後我就行過去沙發個邊因為八人位只有沙發既位先有，我坐緊個時，佢地係咁望住個個女仔，一到傾一到笑原來班HIHI仔想打發我自私傾，唉佢地真係好仆街，唔經唔覺佢地買完拎緊過黎比我，個女仔亦都走左，食飯個時諗起佢笑個樣，我就會含住春咁笑一到食飯一到笑，我班朋友就問我『喂，咸濕仔掛住人地啊？做咩唔問人地拎電話』 

我苦笑咁講『咪玩啦，我呢條肥毒撚點問人拎電話啊？唔好話拎電話，同佢對望既機會都無啦。。。』 

食完飲完，望望個鐘都差唔多一點三十分，我地學校就要一點四十二分返到學校，所以就坐多陣咁囉，坐左五分鐘左右，啊明就話『喂，去買糖啦不如』 

我地四個就話『你快撚啲啦，好地地食乜撚野糖姐』 

我地因為買糖既關係，由一早可以輕輕鬆鬆行返去變到依加要急急腳行返去，諗住食飽慢慢行散下步，就係因為啊明買糖既關係搞到我地趕頭趕命，好似小六去中學註冊遲一分鐘都會取消資格咁樣，因為我地遲到就要留堂，留堂就要面對千六字既文章仲要填格仔，所以我地諗左十秒鐘，決定跑返去，我都唔知幾耐無跑步，但呢一刻好似爆發左小宇宙咁樣，係咁鳩沖總之就係要跑唔可以停，憑著呢一個信念，我堅決咁樣跑到去學校門口，到左學校門口之後就好似拎左金牌咁。。。。 





最後兩堂，話就話我今日好有動力，唔知點解我見到岩岩個位姐姐就一直諗住佢，我試過集中精神上堂，但腦海持續浮現佢甜美既笑容，呢兩堂係我上左成個星期最難捱既堂課，因為依加係連堂我有咩小動作，都會比人笑足兩堂，所以我要忍絕對要死忍。 

到左最後個堂，啊俊，啊明同啊奇突然彈出句『喂，啊B頭先條女幾正啊何』 

發緊白日夢未清醒既時候比佢地引一引我自己淫笑咁樣講『真係好拎正。。佢個笑容根本就殺死人』 

中文老師就拍枱同我講『B哥啊，條女真係咁正咩出黎分享下』 

呢個中文老師姓王，係一個女老師，係另外我尊重既老師，因為佢口才好好，EQ都幾高唯一既缺點，就係成日講是非，所以佢都有一個花名叫是非王，佢都唔介意人地叫佢呢個名既 





於是，我就話『無啊是非王，你聽錯左啦』 

點知啊俊，啊奇同啊明呢個三個仆街係咁爆。。。 

搞到成班笑左我死毒撚成堂