女神從Online Game走出來了: 25 去拍照吧

今天我打算到沖印店把這段時間跟伊語一起拍的照片沖印出來。雖然這段時間不長，但原來也已經有數百張的照片了。現在我們坐在電腦前看看到底影我們都拍了些甚麼．．．
 
 
「原來我地影左咁多相架．．．睇嚟要揀下先．．．」我有點驚訝
 
「點解要曬出嚟嘅？」伊語問
 
「．．．其實我想整本相簿，咁我就可以永遠咁保存住我地一齊嘅回憶。」我說
 
「主人好奸呀！我又要！」伊語繞住我的手臂說




 
「好呀，咁我地宜家揀左相先。」我說
 
 
我們續張續張看，把想沖印的都記下來。
 
 
「依張咪第一次買衫嗰日影嘅！我著住主人啲衫，件衫大到都睇唔到條褲．．．」伊語說
 
「我仲記得嗰日買內衣底褲，搞到我幾尷尬．．．」我笑說




 
「依張係我縮細左呀！原來主人個角度睇係咁樣．．．」伊語說
 
「拎去曬唔知會唔會嚇親人．．．」我轉到下一張相續說：「呀！依張係我至愛！」
 
「嘻．．．我記得，依張係玩滑浪飛船！我地兩個都濕晒！」伊語笑說
 
「哈哈，我嗰陣無話妳知，其實我好想錫妳．．．」我說
 
「點解嘅？」伊語問




 
「因為全身濕晒嘅妳．．．好有吸引力．．．好性感．．．」我說
 
 
伊語沒有回答，不過她又面紅紅地用一個輕微責備的表情看著我．．．
 
 
「依張我都好鍾意，嗰日Cosplay Event妳比人誤會係cosplayer帶左上台．．．」我說
 
「嗰次我真係好驚架．．．不過我好鍾意條裙同狐狸耳仔仲有狐狸尾．．．」伊語說
 
「唔．．．依張都好想曬出嚟．．．但又怕尷尬．．．」我轉到下一張說
 
「依張咪我啱啱訓醒影嘅．．．主人鍾意？」伊語面紅倚著我說
 




「緊係鍾意啦！」我說
 
「主人鍾意就要曬！」伊語抱著我說
 
「我諗曬相舖啲人睇到啲相實嚇死．．．」我說
 
「話時話．．．我地都無合照嘅．．．」伊語說
 
「又好似係喎．．．唔係妳揸機就我揸機．．．唔怕，我地試下自拍！」我說著，便拿起手機抱著伊語肩膀自拍
 
伊語看著手機失望說：「．．．唔好睇嘅．．．」
 
「唔．．．自拍係咁上下．．．不如出去影囉？」我說
 
「好呀！！」伊語興奮說




 
 
雖然說去拍照，但難道現在才找攝影師嗎？還是隨便在街上找人替我們拍？唔．．．
 
 
．．．．．．
 
 
「有得影啦！好緊張呀！」伊語興奮地說
 
「好，望住鏡頭．．．」我說
 
 
閃光燈一閃，照片就拍完了．．．我們離開照相機．．．途人都用一副奇怪的眼神看著我們．．．的確，兩個人在照證件相的照相機自拍．．．是很可笑．．．
 




 
「好似好單調．．．」伊語看著照片扁著嘴巴說
 
「．．．係咁上下架啦．．．」我無奈說
 
「如果有啲影相機係有背景嘅就好啦。」伊語袋起照片說
 
「．．．背景．．．係喎！．．．有貼紙相架嘛．．．頂我痴咩線比幾廿蚊影證件相．．．」我真的是傻了
 
 
我們走到附近商場，把要沖印的照片檔案交給沖印店便去找貼紙相機。果然很輕易便找到拍貼紙相的店舖，而且這裡有很多款式！
 
 
「哇！好多呀！仲有咁多背景揀！」伊語很興奮
 




「好，咁我地盡情咁影啦！」我笑說
 
 
我們幾乎每一台貼紙相機都拍一張，雖然這花了些錢，但是我們都玩得很愉快。看著我們的戰利品，我覺得這全部都值得。
 
 
「好啦，影埋依部我地就去食嘢先。」我說
 
「知道主人！．．．依個背景好好呀！」伊語很愉快
 
 
我們選好了，便擺起動作．．．但是好像可以想到的動作都擺過了．．．
 
 
「好似來來去去都係嗰幾個動作．．．主人有無諗到啲得意嘅動作？」伊語繞著我說
 
「．．．唔．．．考起我．．．早知拎幾本《JOJO》出嚟參考．．．」我說
 
「．．．我諗到啦！」伊語好像想到甚麼
 
 
她按下了拍照的按鈕，貼紙相機開始倒數．．．此時伊語舉起雙手，她竟然在鏡頭前使用火焰球！！
 
 
「白痴！！依度有消防花灑架！！！」我立即喝上她
 
 
但為時已晚！警鐘立即響起，消防花灑也立即噴水！就在我們都被淋濕了的同時，貼紙相機把我們拍了．．．
 
 
「點解會咁嘅？？點算呀主人！」伊語急得快哭了
 
 
我立即探頭看出去，店員和其他顧客都跑了！
 
 
「我地都走啦！比差佬捉到就麻煩啦！」我捉著伊語說
 
「咁．．．咁張相呢．．．」伊語說
 
「由佢啦張相！．．．唔係喎．．．差佬嚟到睇到張相，都係死嗰喎．．．」這下問題大了
 
「．．．最衰都係我啦．．．又累事啦．．．」伊語垂下耳朵又想哭了．．．
 
「唯有等張相出啦，希望差佬嚟之前有啦．．．」我說
 
 
我們只有等待．．．．．．片刻之後，相終於曬出來了！太好了！我立即袋好相片並打算逃走，此時剛好警察和消防員都到了！！怎麼辦！
 
 
「裡面仲有無人呀？」不知道是誰在大叫，相信是消防員吧．．．
 
「點算呀．．．」伊語緊張說
 
「．．．．．．有啦！閃空術！」我說
 
「係喎！好！！」伊語立即施法！
 
 
ZOOM的一聲，伊語便立即消失了！這是我第一次在這個距離肉眼看著閃空術的施法過程．．．真厲害．．．．．．
 
 
．．．．．．
 
 
那我呢．．．？．．．伊語啊！怎麼只閃自己啊！！！
 
 
「．．．先生你無事呀嘛！！？」一個消防員衝進來說
 
「．．．無．．．．．．」我無奈說
 
 
消防員把我帶出店舖，果然伊語就站在一旁不知所措．．．
 
 
「主人！！對唔住呀．．．」伊語跑過來抱著我
 
「你地頭先係咪喺入面？知唔知發生咩事？」一個警察問
 
「呀．．．唔知喎．．．」我說
 
「．．．你喺入面都唔知？」警察問
 
「．．．．．．就咁嘅，我地聽到警鐘響，花灑又噴水喎，咪驚囉．．．我女朋友仲驚到跑左去，咁我又唔知出面咩事．．．咪唔敢四圍走．．．匿在喺貼紙相機度囉．．．我咩都唔知架阿sir．．．」我說
 
「．．．咁好啦，使唔使幫你地call白車？」警察說
 
「啊！唔使啦唔使啦，我地無事，係咁啦，byebye！」我立即拖著伊語走了．．．
 
 
．．．．．．
 
 
「好好玩呀！嚇死我啦頭先！」伊語笑著說
 
「．．．嗯．．．」把我掉下了還笑．．．
 
「對唔住呀主人．．．」伊語一邊用紙巾幫我抹著說
 
「我要狠狠咁懲罰妳！」我說著，立即緊緊抱著伊語熱吻著
 
「．．．唔．．．主人好衰架．．．」伊語滿面通紅說
 
「好啦，原諒妳啦！」我說
 
「．．．主人以後要多啲罰我．．．．．．」伊語低下頭面紅得更厲害說，嗚呀！
 
 
我們回到沖印店取回相片，果然店員都用一個可疑的表情看著我們．．．不過幸好店員剛好都是女性，我可不想讓別的男人看到伊語的睡衣性感照．．．雖然現在我承受著一些眼神的攻擊．．．
 
我們拿著相片和剛買的相簿到附近吃晚飯。
 
 
「啲相影得好靚呀．．．」伊語看著照片說
 
「雖然電腦都有back up 啲相，但係始終都係有本實物揸手有安全感啲．．．」我把照片一張一張放入相簿說
 
「唔知．．．我消失嘅時候，可唔可以帶埋本相簿走呢．．．」伊語說
 
「．．．實得嘅。」我還能說甚麼
 
「多謝主人．．．」伊語又想哭了
 
「唔好喊啦．．．喊包嚟嘅妳．．．」我苦笑說
 
「我先唔係喊包！」伊語笑中有淚
 
 
吃完飯，我們決定到海邊走走再回家。可以的話，我們想時間停下來．．．永遠不會到明天．．．
 
 
「夜晚嘅海風好舒服．．．我好鍾意海嘅味道．．．」伊語撥著頭髮看著海說
 
「我都好鍾意，會咩煩惱都無晒。」我說
 
 
伊語沒有說話，只是緊緊地抱著我，把頭埋在我的胸口．．．我也緊緊抱著她．．．
 
 
「先生．．．你地介唔介意比我影張相？」一個拿著相機的男人走過來
 
「你係？」我說
 
「啊，我係喺依頭幫人影相嘅。見到你地．．．我忍唔住想幫你地影．．．我唔收你地錢，你地比我影好嗎？唔使等架，我部機係即影即有嚟架。」他說
 
「．．．好呀。」我說
 
 
我們靠在一起讓他拍照，他拍了三張。兩張給我們，一張他自己收藏．．．我們道謝後，他便離開了。
 
 
「．．．影左成日，依張影得最靚。」伊語說
 
 
的確，這一張是最充滿感情的．．．淚著眼的伊語，更惹人憐愛。或許，我們的眼神已經把我們的愛意毫不保留地表現出來了。