女神從Online Game走出來了: 18 想給你做飯
「主人，起身啦。」今天我也是很早便起來了
因為今天也不用上班，所以我一早起來便清潔一下屋子，抹抹塵，掃掃地。再來便刷牙洗面，做早餐。
看著主人的睡相，很安心很幸福的樣子。我也感到放鬆下來了．．．如果將來的日子可以每天這樣過，我真的不想回到那個虛構的世界了。
「．．．唔？咁早嘅？今日唔駛返工喎．．．」主人醒來了
「已經唔早啦，我整好左早餐啦。有主人最鍾意食嘅果醬熱香餅同牛奶炒蛋！」替主人做早餐真的很愉快
「妳煮嘢愈來愈好食．．．已經突破左界限．．．」主人每次都吃得津津有味
「主人鍾意就好啦！」我每天早上最喜歡便是這樣看著主人
主人沒有回答我，可能是因為太美味了。
「主人呀，我煮得好食啲，定係出去食好食啲？」我好奇問
「緊係妳煮嘅好食啦！其實食過妳煮嘅嘢，我都唔係咁想出街食．．．但係我又唔想日日都要妳煮飯咁辛苦，所以先成日出街食啫。」主人說
「原來主人咁鍾意食架？咁以後每一餐我都煮比主人食呀！我唔會覺得辛苦呀！」我很高興主人喜歡我煮的食物
「唔．．．又唔駛日日嘅．．．諗起都辛苦．．．」主人樣子為難說
「陣間我地去買餸囉！主人想食咩？」我問
「無所謂，我食咩都得。」主人說
「．．．不如整香草意粉咯！」我說
「好呀，點解嘅？」主人問
「因為係主人第一樣教我煮，同埋一齊煮既嘢食囉！」我說
「．．．咁我地今晚一齊整？」主人問
「好呀！！」跟主人一起煮飯是很開心的！
我們一起到附近買食材，很快便把要買的都買齊，我也迫不及待想回家煮飯了，看著主人這幾天好像有些心事似的，我真的很想他快點恢復過來！我可以為他做的就只有這些，只要主人喜歡，再多的東西我都可以煮！
回到家裡，我們便開始準備材料煮飯。還記得第一次跟主人下廚，我把手切傷了．．．主人還緊張得立即用口把傷口處理著．．．這也是命中注定的吧！我真的很想永遠跟隨著主人。
「．．．做咩又呆左望住我？」主人問
「．．．因為主人集中精神做一樣嘅時候，真係好有型．．．」我說
「係咩．．．」主人好像有點面紅了
我要全心全意，煮最好的給主人吃！
「．．．其實點解妳可以煮得咁好食？用嘅料又一樣，做法又一樣．．．」主人吃得很高興說
「我都係跟住主人教同埋書教咁煮咋．．．可能係天份啦！好食就要食多啲！」我笑著說並再倒一些意粉給主人
「每日都有咁好嘅嘢食，我覺得會有報應．．．」主人笑說
「主人鍾意，以後我都會為主人煮飯．．．」我鼓氣勇氣說出心底話
「真係食到牙較軟．．．如果可以日日食都真係唔錯。」主人說
「．．．可以呀，我會永遠喺主人身邊！」我這樣說，主人會明白吧！
主人看了我一眼，但他沒有說話，只是繼續吃．．．主人難道不明白我的意思？要再說明白一點嗎？但是．．．這很不好意思啊．．．想成為主人的伴侶這種說話．．．
「係呢，返工幾日，慣唔慣呀？」主人問
「．．．無問題呀，大家都對我好好。而且淨係幫主人打文件，都唔算難呀，英文都識多左好多字。」我說，主人怎麼突然問這個？
「咁咪好囉。」主人說
「我會努力幫主人手，減輕主人既壓力！我會永遠支持主人！」我說
「．．．嗯。」主人好像心情還是不太好
「．．．主人係咪有咩事唔開心．．．」我忍不住要問了
「．．．無咩事呀。」主人說
「主人．．．」我愈來愈擔心了
「．．．洗碗啦。」主人說
我們清理好碗碟便開始洗碗。看著主人的側面，我的心跳也變得快了．．．主人怎麼可以每一個動靜都這麼吸引著我．．．要怎樣才可以讓主人也喜歡我呢？真的很想主人擁抱著我．．．像上次我走失了，主人找到我時緊緊地擁抱我一般．．．
「伊語．．．」主人突然喚著我的名字
「係！」我說
主人想了一下說：「．．．都係無嘢啦。」
究竟是怎麼了？主人到底在想甚麼？
呆呆的我怎麼會想到答案．．．我不斷想啊想，突然失手把碟子掉在地上打破了！
「呀！」我嚇了一跳
「妳無事呀嘛？」主人很緊張
「無事．．．對唔住呀．．．我又論盡啦．．．」我怎麼又在幫倒忙了．．．
我立刻蹲在地上收拾破碟．．．
「我嚟啦，好利架．．．會界親手架．．．」主人也蹲下來說
「．．．對唔住．．．主人比我執啦．．．我唔想成日淨係麻煩主人．．．」我想哭出來了
主人用一種好像在內心掙扎甚麼的眼神看著我．．．
「呀！」我又弄傷手了！
「哎呀．．．都話架啦．．．等我嚟啦．．．妳快啲整粒治療水晶啦．．．」主人說著，兩三下就把破碟收拾好
我吃過水晶，終於忍不住哭出來了．．．
「做咩喊呀．．．？」主人緊張問
「我．．．我一直都想好好幫到主人．．．但係每次我都只係比到麻煩主人．．．真係好無用．．．我一直都盡力保持笑容，因為我想主人日日都開心，唔想因為我自己嘅心情影響到主人．．．我其實．．．真係好鍾意主人．．．我已經深深愛上左主人啦．．．好想主人眼中有我，好想主人鍾意我，好想主人覺得我有用，覺得我好．．．想日日煮飯比主人食，日日叫主人起身．．．想主人幸福咁笑．．．」我終於把心底話說出來了
主人甚麼也沒有說，然後便突然哭了出來，更緊緊地擁抱著我！這難道是天堂？我真的如願以償？
主人哽咽說：「妳講嘅嘢，我都好想可以發生．．．」
主人的意思．．．他也喜歡我啊！！