【情人節系列】《我男友撞左嘢？》: 二十八

"Sam 你自己睇清楚！佢跟從來冇放低過ex 。為左佢，你真係願意犠牲自己咩？"

啊敏揮一揮手將啊Sam 放出嚟～

『願意，因為我愛佢！』佢用肯定目光望向個女仔『我願意用自己既生命換佢返嚟，只要佢冇事，你地想我點都可以！』

周圍霧氣開始消散～

個女仔雙手掩住自己雙眼"到底有我有咩及唔上佢？點解果陣你要玩我？點解…點……"





『對唔住，以後就等我陪住妳。作為少少補償。我只有一個條件，就係放過啊婷啊敏。』啊Sam 攬實個女仔～

"好！不過我要佢地死喺呢度，仲要你親自郁手！！"

佢示意啊Sam 執起地上小燁把匕首。

我望住訓喺地下既啊賢再大叫「既然係你地既事，點解要拖埋我地入嚟？關我地咩事呀？」

啊Sam冇理過我，執起把刀對我同啊賢目露凶光！！





「小燁！！對不起，我失約了！」

我合上雙眼去迎接自己最後一刻～

滴……滴……滴……

幾秒過後，我仍然未感覺到自己身上有任何痛楚。

唔通死前係唔會有任何感覺既？





『妳應承過我無論如何都唔可以傷害Mika 架！點解妳要咁做？』

呢把聲係！！？？

聽到呢一句，下意識望下到底係邊個！

小燁把聲，竟然喺啊賢度傳出嚟！？