【情人節系列】《我男友撞左嘢？》: 二十五

今日天氣特別好，就係個天藍到連雲都冇啲果隻。

死啦～

完全唔記得搽防曬，返到去實黑晒～

啊賢喺個袋度搵左支嘢俾我『都知妳心急實唔記得帶架。快啲搽啦，落車果個位都幾曬下！』

估唔到佢都幾細心～





我點一點頭，尷尷尬尬咁伸手接過啊賢既防曬霜。

心裏面對啊賢感覺係好左嘅，不過我已經有小燁啦。

落車後，我地就徙步咁行上山。為既係唔好錯過任何小燁啊Sam 留低嘅線索。

不過啊Sam 係咪同小燁條路一樣呢？

反而個女人全程粒聲都唔出，就好似有好多嘢諗緊。





『啊婷，飲啲水先。啊Sam 佢唔會有事架，話晒佢都係個偵探嚟。』

出聲嘅係啊賢，佢個feel 唔同晒。

對我地又會咁溫柔體貼？

個女人手捉住十字架型嘅頸鏈『你地見唔見到？』

『見到咩？』啊賢話 。





「係囉！？」

個女人指住上山嘅路仲好似好驚咁～

但係我地就咩都見唔到，唯一特别嘅係山頂有啲霧。

平日都係咁架啦～

婷大叫『佢行緊過嚟呀！！』

我同啊賢對望再望向前面～

「明明就係乜嘢都冇，係……係越來越大霧？」我疑惑問。

『呀！唔好過嚟呀呀呀呀呀呀……』個女人尖叫完就暈左。





『喂喂喂喂！ 啊婷妳點呀？』

「……」

『冇計啦咁，扶佢過隔離休息。我報警先啦！』我儘量保持冷靜。

啊賢好熟練咁抱起佢去牆邊。

"電話暫時未能接通"

冇理由喎，我明明係打999！？

通話記錄都係咁寫，點會未能接通架？





試下打俾啊賢～

"Mika, 妳唔係報警咩？打俾我做咩？"

啊賢疑惑咁望住我～

「999唔通！！」

『冇可能！！』

喺佢試完之後，面上就掛住兩個字"驚訝"

『咁……我地都唔係行左好遠啫。等我返轉頭睇下有冇人幫到手啦！反正妳有咩事都可以搵到我…』

講完佢就向落山方向行～





五分鐘後，佢就返嚟。

「咁快就搵到救兵？」

佢垂頭喪氣咁『冇回頭路，後面變左個大坑。深到見唔到底，望唔到對面果隻～』