【情人節系列】《我男友撞左嘢？》: 回憶:2

呢度係！！

大堂落地玻璃外面係一幅金色既圖畫。每一粒沙都閃閃發光，仲有就係海平面上既晚霞～

呢度真係好靚～

就喺我睇緊外面果陣，耳邊傳來旋律～

Fly me to the moon to ……





雖然我未聽過呢首歌，但係俾人一種好舒服好放鬆既感覺。

就好似跟住首歌個主角慢慢咁飄～

飄到去寧靜既月亮，同自己鐘意既人互相依靠，一齊回望繁忙既地面。

呢個時候小燁慢慢咁行近我向我伸出右手！！

著左suit既佢，成個唔同晒～





『Mika, may I？』

Wonder world hold my hand……

周圍仲好多貓貓，仲有就係配上柔和既燈光～

成個環境都好浪漫～

話語再唔能夠表達我內心喜悅，只識得伸手作為回應。





就係咁，我俾小燁拖住去舞池中間～

跳緊舞既每一對慢慢退去場邊，俾我同小燁喺佢地身邊行過。

「點解佢地都會嚟既？」

場上不乏我同小燁既好朋友～

榮總同佢個秘書～

都手拖住手啦，仲成日話冇嘢！！

啊禧同丹丹～

雖然身高係有啲差距，不過佢地眼中只有對方。真係好羨慕好幸福。





『就係為左見證住我地呢一刻。你睇下！』

係飛揚同啊月，仲有子霖啊晴！！

以前聽飛揚講啊月既嘢就多啦，真人都係第一次見炸。真係好白好靚，配上全黑既連身裙顯得佢有種淒美感。

絕對唔可以俾小燁見到佢～

子霖同啊晴就抱住三隻貓仔，都係算啦唔好阻住佢地兩個。話晒啊晴專登為左子霖而返嚟。

俾佢地sweet 下先～

「見證咩？」我問。





我塊面都紅晒啦，周圍咁多人！冇理由要我主動掛～

In wonder world I love you……

『Mika 由而家開始俾我好好照顧妳。無論點我都會對妳不離不棄！ 呢個係我對妳一生既承諾。』

呢個時候有隻貓貓跳上嚟，口裏面係一支玫瑰花。

場上既大燈慢慢咁向我聚焦，全場都靜晒等我回應～

滴……滴……滴

時間好似停左咁，而我個心就跳得好快。腦裏面全部都係"應承佢啦，應承佢啦"，不過又講唔出口…… 真係好緊張！

「咩喎～而家求婚咩？做咩搞到咁多人喺度？人地想唔應承你都唔得啦！！」





緊張到我個身係咁郁，咩儀態都冇啦～

『咁細聲，我聽唔到囉！』小燁佢喺我耳邊講。

咦！ 佢係都要人講架喎～

『不過今次應該係我主動啦，Mika 做我女朋友好嗎？唔好離開我！』

呢下真係開心到流眼淚，我淨係猛力咁點頭回應。

一粒聲都出唔到～

世界就好似得返我同小燁，對望再加上寧靜環境～





我地嘴唇就輕輕咁貼上～