【情人節系列】《我男友撞左嘢？》: 十九

「妳真係啊敏？」

突然之間腦海裏面衝入左好多屬於啊敏嘅感覺同記憶。一時間我都反應唔到過嚟，淨係將目光停留喺佢身上。

「對唔住，我以後會好好對妳……」

『哈………』

"你唔係有啊婷嘅咩？想一王二后？"





呢把係啊敏嘅聲，仲要好直接咁傳入我腦入面。

「我會同佢講清楚。」

"你呢啲咁嘅男人，見一個愛一個。"

語氣充滿住鄙視味道～

今次係男聲？





『你要證明？得冇問題，我幫你同啊婷講清楚。』啊敏笑住講。

周圍嘅空間冇晒顏色，眼前只見到啊敏同佢身後一個人。

到底佢係邊個？背影睇嚟佢同我應該差唔多年紀，而且仲有啲瘦。

個腦話我知所有事都係佢搞出嚟！！只要捉住佢，一切都會回復正常。

滴答……滴答……





唔洗兩秒我已經捉住左佢，周圍都變返正常？

藍色嘅天空，冇霧氣包圍嘅黃竹洋村。

佢對住我笑，有種莫名其妙心寒～

啊敏用緊我部電話同人講嘢！？

『啊Sam 話唔再鐘意你，而家同左我一齊啦，bye bye。』啊敏講完之後就對我奸笑。

將部電話拋返俾我。記錄顯示頭先佢係同啊婷講嘢，仲講左成十五分鐘。

"好好享受呢五秒"男聲道。

1…2…3…4…5





整個世界再一次充滿霧氣，啊敏同個男仔都消失左。

我失控咁大叫「喂！到底發生左咩事呀？點解要咁對我。」

"你有命上到山頂嘅，咪話你知囉。唔知你個好女朋友會唔會嚟救你呢？"

呢刻我分唔到佢到底講緊我邊個女朋友～

啊敏？啊婷？定係……？

"俾多個提示你，你呢個女朋友幾靚架。不過點都好，你要為自己過去負上責任。"

把聲消失左之後，我決定要照佢講上山頂，因為我根本冇選擇權。





後面冇退路？

一個深不見底嘅大坑，仲要見唔到對面。

"點解你要咁狠心，咁對我？"

又一把女聲傳入我個腦，好哀怨～

霧氣間出現左把聲嘅主人，佢係啊敏？

唔係，呢把聲係佢～

「妳係……，對唔住。」

鎗聲～





Sam 篇完～