【情人節系列】《我男友撞左嘢？》: 十三

『Boss 你冇事嘛？』啊敏拍我一下。

啲霧氣消失晒，Mika 仲企喺度呆左嘅！？

「喂！Mika」

佢好疑惑咁望住我『頭先你………都係冇嘢啦。都係入正題啦。』

一定係有啲嘢，不過佢唔肯講。





呢啲係我偵探嘅直覺～

「冇問題，聽妳講想搵人喎。唔知妳有冇帶埋佢啲資料嚟呢？」既然佢唔講唯有入正題。

跟住落嚟都係佢講自己搵到啲咩線索有咩資料咁，另外就係傾下啲收費。

『總之錢就唔係問題，越快搵到佢越好。』MiKa仍然好霸氣。

我滿有自信話「放心交俾我地KC 偵探社啦。我地一定會搵返妳男友。」





講完之後，女神聲都唔出就離開左。

佢正背面都係咁正，真係唔捨得佢咁快走。

『Boss , 你面色好差！係咪唔舒服？』敏好溫柔咁講。

「我地聽日出發搵料，妳準備下。」

總係覺得今次唔會純搵人咁簡單，一時間又講唔到有咩問題！





諗諗下啊敏又話『但係聽日要交assignment 喎。我唔得呀。』

「放心我會幫妳安排。」

搵人做信差啫，冇難度～

「係呢，妳頭先有冇見到啲咩？」我嘗試問。

『唔明！ 』

妖，又呢句～

算數，頭先九成心理作用啫～

『Boss 咁聽日去邊？』





「大帽山！」

Mika俾嘅資料大多同大帽山有關，話唔定由佢個終點搵返轉頭會有啲咩線索。

偵探直覺話果度係關鍵～

我將啲資料交俾啊敏影印之後就離開左office，約左啊婷係唔遲到得。

唔係實俾佢黑我面～