【情人節系列】《我男友撞左嘢？》: 九

「Uncle , Auntie 不如我返去等電話啦！都唔阻你地咁耐啦。」

見到佢地咁擔心嘅樣我咩都幫唔到，留喺度都冇用。

不如去搵下小燁啲朋友～

話唔定有其他線索～

『咁好啦，妳自己都要小心。大家保持聯絡。』世伯好溫柔咁講





我點頭示意就帶住小燁啲嘢離開。

冇幾耐，電話響～

邊個嚟？ 9XXX XXXX？！！

唔通係頭先個偵探？

唔會掛，連Office 都冇？





"小姐，你好？我係KC 偵探社打返過嚟架。"係頭先果把聲女仔聲

今次個背景靜左好多～

「你係啊敏？」

"吓～請問你點知我個名架？"驚訝聲

「頭先有人叫你收錢嘛！！」忍唔住要窒下佢





咁嘅小細節都冇留意到，仲話偵探！

可靠性真係…………

"哈哈… 真係唔好意思！不如約個時間上嚟傾傾，另外講埋啲細節。"

「今日下晝得唔得？」

"冇問題， 我地喺旺角啫。"

「咁五點啦，有冇咩要準備？」

真係未搵過偵探，要帶咩都唔知！

"Er.... 帶對象嘅資料就得啦！"語氣尤疑不定





佢連基本嘅自信都冇～

仲要靠佢幫手？

到底得唔得架？