黃鼠狼特務Agent of Weasel(搬家原故,本站停止更新): 章二十:CATCH ME IF YOU CAN

                   ------------------黃鼠狼特務Agent of Weasel-----------------------------

                    ----------------------- 章二十:CATCH ME IF YOU CAN------------------------


幾個學生站在校門,等待目標的來臨.
「喂?你就係秦世樂同學?」他們問.
「我係.」
「知唔知今日係Miss Lam最後一日教書?」
「知道.」




    其中一個拿出雞蛋向秦世樂擲向:「去死啦人渣!!向Miss道歉啊呀!!!!!!!」
 秦世樂沈默站住,任由他們謾罵.

      男廁裡.
 秦世樂抹洗臉上的蛋黃漿.
「衫上面都有D.」顏影寒洗著手說.
「唔該.」
「D人係咁㗎喇,個腦生屎嘅.」
「喺記者會度阻止我嘅人係你,綽號霜寒,特務編號Z896978.」秦世樂説.
「......你點知道係我.」




「從性格知道,仲有....唔該哂...我依家清醒喇,唔會再比仇恨蒙蔽我嘅理智.」
「咁就好喇~」顏影寒微笑說:「睇嚟我嗰一踢都幾有效喎~」
「哈哈哈哈.....」

--------------------------------------------------------------------------------------
   一見到馮佩妮,秦世樂便把她拉到一旁去.
「做乜喎.」
「你究竟想點?」
「互相利用,唔好咩?」
「睇嚟你仲未明白.」秦世樂苦笑道:​「你地係銀龍嘅人,我先唔需要你地幫忙,多謝哂.」





      此時,秦世樂書包裡的平板電腦響了.他掏出一看,是來自方計程的郵件.

'' I KNOW YOU KID ''

「方計程明明已經死左,點解......」秦世樂盯住電腦的前置鏡頭説:「究竟係邊個....」
​「秦世樂,我知你一向係電腦白痴.」馮佩妮說:​「你識得將對方嘅位置搵出嚟?」
「我....」秦世樂也不得不承認自己這個缺陷,無奈地把電腦交給馮佩妮.

     馮佩妮跟秦世樂回到鼠洞,接駁電腦查出寄件人的IP位址,再查出經緯座標,發送郵件的那台電腦確實位置是在羅彌索教堂.
「貓捉老鼠嘅遊戲開始喇—————————」

-------------------------------------------------------------------------------------------------------------
      秦世樂一腳踢開教堂大門,叫附在門上的塵埃也飛散出來.
「咁大塵嘅??」馮佩妮掩住口鼻說.




「呢間教堂荒廢左好多年,正好俾方計程作為佢嘅匿藏點.」秦世樂提起手槍説.
     
     教堂牆上掛了一個十字架,而演講臺上放置了一本殘舊的聖經,卻有最近被翻閱過的痕跡.
 大禮堂右側走廊盡頭有一個房間.
「佢可能就喺入面.」秦世樂握住門柄慢慢推.
      房間裡只見到三台電腦和一堆監控畫面.
「呢D....」馮佩妮從畫面中見到高照中學,秦世樂的家,甚至連鼠洞也被監察著.
「所有嘢...都喺入面.....」秦世樂打開電腦,關於黃鼠狼的所有文件資料,特務名單,任務紀錄也在內:「只有方計程先可以知道呢D,咪住...」
「有發現?」馮佩妮轉向他問.
「呢個係對方設嘅局.」秦世樂深知自己犯下了一個錯誤————————————
      警笛聲漸漸響亮:「入面嘅犯人聽住!!!你地已經被警方包圍,放低武器束手就擒!!!!」

-------------------------------------------------------------------------------------------
    午膳時間,潘志祥趕快的離開課室跑下樓梯.而他不知道黃虹已跟在後方.
「小虹!食唔食譚仔?」她的跟班朱玉兒說.




​「我...有事做..Miss Leung搵我補默文言金句.」黃虹騙她説.
​「唔緊要丫,我等埋你!」朱玉兒又說.
​「唔係呢!我冇溫書要搞好耐㗎!」
​「文言金句啫~你得嘅!」
​「吓..」
​「嚟丫一齊食丫!」
​「朱玉兒你好喇喎!!!你算係老幾呀!?睇下你成舊豬西咁!!平時我肯同你出去食係想利用你襯托我㗎咋!!死開啦你!!!」
     此話一出,她們隨即成為全場焦點.
​「真...真係..?」
​「係呀死開啦!!」黃虹推開崩潰的朱玉兒,逕自離開了.

​「嘩,好hurt人啫.」耳機裡的顏影寒道.
​「我都唔想...但係冇計,佢就係咁煩.」黃虹說.

    潘志祥走到商場後樓梯約見一個男的.




​「係佢,黃寶然.」黃虹認得他.
​「唔係呀嘛呢條係麻煩友嚟喎....」顏影寒說:​「佢知唔知道我地嘅身份?」
​「唔肯定,不過應該未知.」
      黃寶然伸出手掌,要求線人費.
​「佢發現嘅究竟係秦世樂定係我地?」
​「問題係點解佢會知我地係高照中學嘅...」黃虹擔憂的説.

----------------------------------------------------------------------------------------------
​「睇嚟我地好受歡迎喎~」馮佩妮説.
​「電腦入面D嘢一旦比警方發現嘅話,一切就完喇....」秦世樂盯住電腦説:「即使刪除入面所有File嘅話都冇用,警察都可以搵返出嚟.」
​「你唔係想...」
​​「要徹底咁毀滅證據.」秦世樂決定了————————

​「未知對方有幾多人,大家要小心D!」在破門前,隊長提醒隊員說.
​「Yes Sir!!」




​「GoGoGo!!!」隊長破門而入.

​「我地有三分鐘時間逃脫.」秦世樂把身上的兩把小刀交給馮佩妮:​「呢對刀俾你,我得一把槍.」
​「咁樣已經足夠~」馮佩妮往空揮出小刀再接回.
      他們步出房間,跑到花園的柱後等候著.
​「嚟喇.」秦世樂飛出擊斃一個警員,再躲到另一條柱後.

​    「砰砰————砰———」雙方駁火起來.

「你同韓傲清有冇試過咁樣?」秦世樂再擊中一個.
「仲洗問,家常便飯啦~」馮佩妮説.
「我都係.」

​「啊呀呀!」秦世樂被打中右肩,他跑到盆栽躲避.警員卻把盆栽一個個的擊碎,秦世樂拿出彈夾換上朝他的大腿和手臂連發兩槍.他趁機閃出朝他頭顱來記膝擊,抓住右方的手腕一扭把他扯到身前作人肉盾牌.
     「砰————砰砰砰————」秦世樂把死屍拋前撞倒一個警員.

      馮佩妮握住小刀一端,看準角度擲出,小刀從牆壁反彈刺中一個警員.她衝出再把另一個前踢擊倒.
 
​「警察原來咁廢咋~?」馮佩妮笑言.
​「小心!!」秦世樂見到有人正瞄準馮佩妮,便把他擊斃.
​「好彩有你....」馮佩妮有驚無險的說.
「剩返唔係好多時間,動作要快.」秦世樂撿起地上的配槍.
​     
    經過走廊的路上,他們見一個便殺一個.

「要出去嘅話,過左我嗰關先.」一個警員握緊拳頭道.
「好.」秦世樂回應說.
     警員使勁發出上勾拳,秦世樂左手接招,右腳踢擊他的左軟肋.警員抓住秦世樂的手腕,並快速掏出手扣把他扣在長椅上.
「屌你老味!」秦世樂吐糟道.
「仲有我!!」馮佩妮飛刀擲向,背部中刀的警員拔出小刀,馮佩妮肶肘他的太陽穴,跳起左一腿叫他退後三分.馮佩妮再朝他的耳窩揍向,警員卻使出破刀手踿腿把她跘倒,失去重心的馮佩妮被他緊緊抓住,她拿出另一把小刀插向對方的肩部,肘擊打走他.警員轉身察看傷口後,不忿的抓住馮佩妮的雙手,想扭斷她的前臂.
「啊啊呀!!!落地獄啦!!」馮佩妮放鬆右手的小刀到腳尖上,再起腳把小刀刺進警員的腹部裡,她再握住刀柄狠狠插到更深.
     最後一個警員也被幹掉了.
 馮佩妮從他身上找出鎖匙,解開秦世樂的手扣.他們拼命往大門衝出去,不過幾秒,炸彈便引爆了.
  
    「轟轟隆——————————」整個教堂被炸至倒榻.

「如果遲幾秒嘅話我地就.....」馮佩妮不敢想象那畫面.
   平板電腦響起,是來自方計程的郵件.
   
     '' IS IT FUN ? ''

   秦世樂瞪住電腦螢幕,按下回覆,打了幾個英文字.
             '' I WILL FIND YOU ''——————————