黃鼠狼特務Agent of Weasel(搬家原故,本站停止更新): 章十八:荏苒中的絕唱
2009年2月3日.
「伯母,為左你嘅安全,你要離開香港,避去第二度生活.我已經幫你book左後日飛去泰國嘅機票,呢度係少少生活費.」范葛威道.
「我都知道...我留喺香港會為個仔帶來麻煩..」
「媽...你要走?」 當年還只是九歲的秦俊郎聽到後面目難堪.
范葛威又說:「我都唔想你地母子分離,但係依家俊郎佢惹上左麻煩,俾個新身份你地係最好選擇.」
「我明白.」母親跟秦俊郎説:「俊郎,以後要記得好好生存落去,凡事聽哂范探員話,知唔知丫?」
「唔...唔...唔好走啊!!!媽!!」秦俊郎哭到涕淚俱下.
「我地要幫俊郎起個新名.」范葛威説.
「唔要新名啊呀!!!!我唔要新名啊呀!!!!!」
母親蹲下來,摸摸秦俊郎的頭:「俊郎,乖.等你大個左,成熟左,獨當一面之後,媽媽會嚟搵你㗎!」
「真係嘅?」
「當然啦,媽媽幾時有呃過你喎?我同你約定!媽媽將來會嚟搵你,但係你要喺呢段時間內成為一個出色嘅特務!!好唔好?」母親遞出一隻尾指.
「嗯.....」秦俊郎雖然不太願意,但也只好跟她勾手指約定.
約定過後,母親為秦俊郎起了一個新名字:秦世樂——————————
她説,這名字的意思是指希望兒子往後會在這個世界活得快樂.
------------------黃鼠狼特務Agent of Weasel-----------------------------
----------------------- 章十八:荏苒中的絕唱--------------------------
兩日後,機場閘口位處.范葛威陪同著秦俊郎送走了母親.
「由依家開始,你就唔再係叫秦俊郎,唔再係柏勤小學嘅學生.....唔再係殺人犯.我會開始訓練你逐步逐步成為一個特務.之後嘅日子入面,我會帶你到中國內地暫時避一避風頭.」范葛威又道:「秦世樂.....預備好扭轉你嘅人生未?」
「做特務....係咪要變到冷酷無情先得?」
「答案係相反,特務需要嘅正正就係情感,我地並唔係政府操控嘅殺人機器,而係為自由,公義而戰,有血有肉嘅人類.一旦失去左情感,失去左對不公嘅憤怒,對自由嘅渴望,對勝利嘅喜悅,我地已經唔再係人類.」范葛威說.
秦俊郎遙望遠方,內心不禁感到彷徨.
范葛威開始帶秦世樂遊走中國各地,經過一年的訓練後,秦世樂回到香港,正式開展他的特務生涯————————
「世樂,同你介紹,呢個叫楊澤聰,精通電腦嘅奇人.上年會考衰左之後一直搵唔到嘢做,跟住我就搵埋佢過嚟喇.」范葛威向秦世樂介紹楊澤聰.
「Hey~你就係殺左人嗰個秦俊郎~?」楊澤聰托起眼鏡説.
「你講乜撚嘢話?」秦世樂不滿的問.
「哈哈...條友就係咁口不擇言㗎喇,你唔好介意~」范葛威笑著對秦世樂説:「宅聰會為我們提供電腦上嘅技術支援,係個好重要嘅位置.」
「Sor囉,我唔係幾鐘意呢條友.」秦世樂見到楊澤聰那毒男的模樣,想一拳揍去.
深夜的校園裡,秦世樂穿著黑衣開展他的第一個任務,就是潛入校務處盜取高照中學所有學生老師的資料.
「世樂,記住行動要極為迅速,腳步聲要細D,唔好俾保安發現到.」耳機裡的范葛威提醒他道.
「真係要入去??俾人發現就死梗㗎喇!!!」藏在牆邊的秦世樂緊張得心驚肉顫.
「唔係咁冇膽呀嘛秦世樂?」楊澤聰嘲道.
「屌你食屎啦!!你試下同我交換位置睇下你仲會唔會咁講!!」
「食屎嗰個係你呱?哈哈...」
巡邏的保安剛剛走過校務處,秦世樂遲疑了半分鐘才敢溜進去.
「一支箭閃去啦,速戰速決!」楊澤聰說.
「咪撚嘈住我啦屌!!」秦世樂找到了學校準備寄送至教育局的信件.
保安似乎聽到有聲音,回到校務處一照.秦世樂縮在桌下,掩着鼻子,以免呼吸聲出賣他.保安一步一步走近,秦世樂的心跳越來越急促.
忽然 保安停下了腳步.
「發...發現唔到?」楊澤聰道.
保安照到一團黑黑的東西,但因為視力退化的關係,他未肯定眼前這是不是一個人:「係咪有人喺到?」
「秦世樂,keep住唔郁唔出聲....你咁細粒仲要縮埋一舊佢可能會以為係背囊.....」范葛威道.
「有冇人喺到?」保安再問:「定係....我睇錯?好似係背囊喎....」
''係丫係丫你有睇錯快D走啦我就嚟頂唔順喇!!''秦世樂快要窒息了.
「唉.....年紀大又老花...他媽的都係退休算喇冇謂獻世...」保安還是走了.
「呼——」秦世樂鬆一口氣的爬回出來.
「個智障保安真係認為你係背囊....哈哈哈!!」楊澤聰覺得難以置信.
「哈哈...講得冇錯佢真係智障㗎!!」
「秦世樂,恭喜你完成左你嘅first mission~」范葛威替他高興的說.
「嗱畢業之後唔好再叫我食屎喇~」楊澤聰笑言.
「屌~食屎啦你!~」秦世樂也笑說.
「哈哈哈哈~」
認識到知己好友的那段時間,是秦世樂人生中最快樂的一段回憶.
可是....好景不常...
人始終也要回歸現實....
秦世樂睜開雙眼,從回憶中甦醒過來.海浪拍打岸邊的聲音十分響亮,他意識到,自己正身處海灘上.
-------------------------------------------------------------------------------------------------------------------
「打死佢!!打死佢!!打死佢!!」群眾歡呼著,為台上的南亞裔拳手打氣.
韓傲清從侍應的盤上拿起一支酒:「嗰兩個係乜人?」
「南亞裔嗰個綽號叫殺神蠍子,而另一個就叫做血鋸.」手下説:「做乜事呀清哥,你平時都唔多理呢D嘢格?」
「突然,有興趣啫.」韓傲清今日來是另有目的,他留意到觀眾席上有三個穿著西裝的男人貌似在討論台上的拳手,其中一個手上還握住文件袋.
殺神蠍子單手捉起頭破血流的血鋸,猛勁地把他撻在水泥造的圍欄上重拳暴毆.群眾還看得十分開心.
半身不遂的血鋸屢次嘗試爬起來也失敗,全場隨即傳出喝倒采聲.殺神蠍子踏上圍欄上,給予他最後一擊.
「啪嘞——————」血鋸胸前肋骨瞬間碎裂.
「再打!!再打!!」群眾再度叫囂著.
殺神蠍子舉起勝利的手勢,一腳踩著血鋸胸前,此時的他應該已經因為碎骨刺進心臟而死亡.
得到全場掌聲的殺神蠍子囂張氣焰地搶走一支酒灌飲.在他享受榮耀之際,一個身影從台上跳了下來,是霓虹女.
「有客到喎.」吸煙男人説.
「係黃鼠狼嘅人.」韓傲清覺得她有點眼熟.
殺神蠍子好奇地望著霓虹女:「邊位呀你!??小妹妹!!!」
「好好飲埋呢支酒,以後冇機會飲㗎喇.」霓虹女道.
全場馬上傳出輕視的恥笑聲.
「不知所謂!!!想死就嚟啦!!」殺神蠍子把飲完的酒瓶擲碎.
殺神蠍子先右直拳揮出,霓虹女擺拳格住,一掌拍擊耳根,她再捉住揍來的拳頭,扭轉來招水浪拋槌廢了對方的左手,迅速地手刀切擊他的右手踝和喉核.殺神蠍子跑上圍欄上想以幹掉血鋸的招式來幹掉霓虹女,在他身子擲向的一刻,霓虹女勾拳揮上把他門牙也打碎了——————————
全場也呆了.
霓虹女拿出針筒採集殺神蠍子的血液樣本:「鍵,我搞掂喇.」
「OKOK~等我睇下~血液入面的確混有毒蛇彩虹.」耳機裡的馮鍵細看着她傳送來的樣本説.
「麻煩唒.」霓虹女把目光移向三個西裝男人,感到危機的他們二話不說便逃走.霓虹女追去,卻被同場的健壯女拳手擋住.
「身手唔錯丫~你邊瓣㗎?」女拳手問.
霓虹女笑了一聲,準備跟她決戰.
那三個西裝男人從樓梯走出後巷,有部私家車已在等待他們.
韓傲清追出來把車門踢回,拳揍左方的西裝男,另外兩個慌張的往街口跑去,韓傲清一推垃圾桶便把他們跘倒.
「唔好殺...殺我呀!...」司機從車上走出來.
韓傲清奪走西裝男緊緊握住的文件袋.
文件上有實驗對象服用毒蛇彩虹後的表現報告.
「毒蛇彩虹....點解會出現喺度.....講!!係邊個叫你咁做嘅!!!」韓傲清抓住司機問.
「講講...講...講左出去我會死㗎!!」司機恐懼的說.
女拳手抬起霓虹女將她擲至牆上,霓虹女轉身雙拳送上,可是女拳手的身體卻毫不疼痛.
「論力量,你未夠班~」女拳手掐著霓虹女的脖子,推她下地:「我細細個開始打拳已經鍛鍊到周身肌肉,而你?」
「咪忘記你都一樣係女人.」霓虹女説.
「咩話?」
霓虹女抽腿插撃女拳手的下陰,在女拳手因痛楚而分散注意力時她再直拳揍向腹部,把拳頭轉成掌,用陰力把女拳手撃倒.
「論溫柔,你未夠班.」霓虹女奚落她説.
韓傲清朝司機不斷施拳,他也不願透露半點消息.
「再唔講嘅話咪怪我殺左你!!!」
「我講!!我講!!但係你可以扮唔知道嗎!?」
「快撚D啦!!!」
「死鬥!!係死鬥負責!!!表現優秀嘅實驗對象會比人洗腦,永遠為組織賣命!!」
「我係咪都係實驗對象!!??」
「名....名單入面....的確有你嘅名....」
「.........」韓傲清放下司機,扒在牆邊.他沒有想過他一直予以信任的戴鯨亨會利用他.
「天幕計劃,係漁夫嘅把戲.」霓虹女走出來說.
「漁夫?....」
「戴鯨亨背後,有個叫漁夫嘅組織操縱住一切.」
「點解要同我講,我唔係你地黃鼠狼嘅敵人咩.」
「你唔似係會為主人賣命嘅狗奴.」霓虹女説:「就當我做好心,等你唔駛再比人蒙在鼓裏.」
「不過係有代價嘅,係唔係?」韓傲清說.
「不愧係奇南道清哥.....作為代價,我希望你,可以幫我做一件事.」她道.