黃鼠狼特務Agent of Weasel(搬家原故,本站停止更新): 章九:烏黑白布(上)

                 -------------------黃鼠狼特務Agent of Weasel-----------------------------

                       ----------------------- 章九:烏黑白布(上)--------------------------


七點半,今晚宅聰的媽媽邀請了我們到他們家裡食飯.
「睇嚟個耳機都整唔返㗎喇...要買多個.....」宅聰把被掐成碎片的藍芽耳機丟進垃圾桶裡.
「唉要點同范sir解釋呀?.....你都知佢好著緊呢D錢銀問題㗎啦....」我咬住薯條説.

「有計咩?咪又係要俾錢買多部....」范探員從廁所走出來.




「對唔住...」我減慢了咬薯條的動作.
「我都冇怪到你.」范探員又說:「講返重點.」
宅聰把電腦搬向范探員面前:「秦世樂想將戴鯨亨部腦入面D嘢copy哂到手指度,但係部腦唔允許佢咁做,呢D係秦世樂影底嘅相.」
「Good,咁我之前叫你搞嘅嘢呢?」范探員說.
「我已經揀左唐日同私呑善款嘅黑材料擺左上網,相信聽日全香港人都會知道唐日同D衰嘢.」宅聰說.
在廚房預備晚飯的伯母一直也在八卦我們的對話:「咦?點解唔公開條友參與販毒嘅黑材料呢?呢個唔係更加有殺傷力咩?」
「丫媽~你唔明㗎喇!!」宅聰對着廚房説.
「喂丫聰快D過嚟幫我洗下D枸杞!今晚有枸杞湯飲呀!!」
「唔呀我要打Call of Duty呀!!!」宅聰説.
「過嚟幫我手呀!!!」




「知喇....」宅聰閃了過去.

「出唔出去走廊吹下風?」范探員問我.

----------------------------------------------------------------------------------------
「就算搞掂左唐日同同周乙丙,仲有陶陸偉呢個麻煩友......」我望著窗外風景説.
「扯埋佢落馬又如何?頂替佢嘅咪又係黑警....」范探員嘆道.

一個正在扔垃圾的老伯聽到後立即走了過來:「乜嘢黑警咁難聽呀!!?警察維持我地社會安寧,趕走哂班恐怖份子,係香港嘅光榮!你地D垃圾個腦生屎㗎!?天幕事件咪就係你地班激進分子搞出嚟㗎囉!!」
面對老伯的挑釁,我平和地回應:「伯伯,天幕事件會發生最大原因係你地班愚民太溫馴,對所有唔公義嘅事都選擇容忍,先至助長惡勢力出現.」




「你個廢青做乜做人做到咁偏激!!??有得食有得瞓仲喺度怨唔感恩!!??就係因為年青人偏激,恐怖份子先出現!!」
「真係好笑....我地年輕一代只要出句聲就會比人話偏激...事實上,唔係我地偏激,係你地太溫馴暏.」
「香港有今時今日都係靠我地去建設㗎!!!!你地後生嘅享受嘅一切都要多謝我地!!!!你地反而唔好好讀書出嚟搞亂香港!!??」老伯激動的指責我.
我瞧瞧老伯:「伯伯,你退休之前做乜工?」
「小巴司機!!」
「你只係一個小巴司機,你同我講你建設社會???如果你有讀好書你就唔撚洗做小巴佬啦!!!仲有!!我地做乜撚嘢要多謝你地???唔通你地嗰時打工係為左社會??你地冇糧出㗎咩??你地D上一代可唔可以唔好再成日強調自己有幾好偉大??真正偉大嘅人係唔撚會好似你地咁自以為是㗎!!!」我吐出不快.
「仆街啦死廢青!!」老伯破口大罵,幾乎心臟病發.
「好可惜,你嘅生存價值係零.」
「秦世樂唔好再同佢嘈喇...呢個丫伯有心臟病㗎...」范探員拉我到另一邊,避開老伯.

​「做乜呢排你好似有D燥嘅?」范探員問我.
​「係咩?」
​「如果因為做特務而覺得好大壓力,你可以唔做格,我唔介意.」
​「我唔做嘅話黃鼠狼就只有你同宅聰,冇咗我就更加難對付李昌華佢地.」
​「當初其實係我自私,自把自為將你訓練成特務,仲將你捲入政治.你係有權決定你嘅將來㗎,畢竟你都唔應該將特務視為終身職業...」范探員樣子有點內疚.




​「你唔想阻止嗰班人任意妄為咩?」
​「相比起對付佢地,我覺得守護一個年輕人嘅心靈更加重要.當面對太多衝擊嘅時候,人就會越來越黑暗......秦世樂我怕你有朝一日會變得越來越殘暴....」
​「我相信我自己.......唔會變成咁嘅人.我會一直行呢條路...直至再冇能力為止.」
​「嗯........你決定啦....」
​
------------------------------------------------------------------------------------------
      兩日後,仁見聯的會議室裏.
​​​「近日網上流傳一份針對立法會議員唐日同涉嫌私呑善款嘅文件,內容指出唐日同以及另外數位人士一直都同一間慈善機構勾結,將每次嘅善款瓜分.唐日同接受本台記者訪問嘅時候指,自己一向憑良心做人,絕對唔會做出呢D事,並對自己備受無理指控感到可笑.相信今次善款風波對即將參選區議員嘅唐日同會帶嚟不良影響.要綫電視記者盤采玲報導.」
     周乙丙高興地關掉電視:「做得好!!睇嚟今次唐日同個老嘢大鑊喇哈哈!」
「然後你打算點做?」我揭揭百葉簾,提防隔牆有耳.
「我會喺會議度以副主席嘅身份對佢作出彈劾,但係呢單嘢似乎對佢殺傷力唔大喎,你地搵唔到其他再爆D嘅黑材料咩?」周乙丙掏出尖㡳紙杯裝水飲.
「冇,搵唔到.」
「算...橫掂唐日同遲早都會落馬!」周乙丙把紙杯掉進垃圾桶.

     「咚咚——」外面有人找周乙丙,是他的秘書:「周生,記者已經喺樓下等你喇!」




「唔該哂Sandy~」周乙丙整理領帶後準備走.
范探員見況問:「做乜?」
「我要...做一件好事~」周乙丙滿有自信地說.

范探員望着周乙丙的背影,喃喃自語道:「只要係同你有關嘅,都唔荒係好事...」
「秦世樂,做嘢喇.」他又說.
「係.」我目光移向垃圾桶去——————————

//////////////////////////////////////////////////////////////////////////////////////
   仁見聯總部樓下,聚集了許多記者,他們一見到周乙丙便一窩蜂衝去.
「周乙丙,請問你對仁見聯主席涉嫌私呑捐款有乜睇法丫?」
「你會唔會相信呢件事係真嘅?」

「講真,當我知道左呢件事之後我都唔信,但係依家有哂證據.....我..我冇得唔信........」周乙丙神情感觸,還流下眼涙:「唐...唐日同係我嘅前輩,我一路都好尊重佢..但係估唔到.......前....前輩原來係個咁嘅人...佢竟然一直利用香港人嘅憐憫嚟為非作歹!!我....我真係對佢好失望!!對唔住.....可唔可以俾D時間我收拾情緒?」
         他抹抺淚水後繼續説:「經過今次件事之後,我發現...仁見聯已經變質喇.不過身為副主席嘅我仍然有機會改變呢一切,我喺時候要踏出更遠喇!我依家要對全港市民承諾!我會好好咁做好我嘅選舉工程,一旦我有幸成為區議員嘅話,我會好好咁監督區內嘅商業活動,盡我所能打擊貪污!!」




「支持周乙丙!!支持周乙丙!!」大樓外站滿了周乙丙的支持者.
「多謝大家嘅愛戴!!!我唔會愧對市民㗎!!」

「咁好演技,直頭可以攞視帝.」宅聰在對面的特勤車裡看著.

------------------------------------------------------------------------------------------------------------------
    夜間時分,唐日同在家中陪家人一起看笑片,畫面中一個鄉巴佬到城裏的趣事也叫他們哄堂大笑.
「叮噹~」
「爺爺門鐘響喇!!!」
「爺爺睇下係邊個先~會唔會係Elsa嚟搵你呢~?Let it go~Let it go~」唐日同走去開門看看,門前的是個穿著西裝的男人.
「你係?」
「唐日同議員你好,我叫范葛威,係一個執業律師.」范葛威説:「我嚟係為左...同你傾下關於黑材料嘅事......」
「咩話?....」
    唐日同望望在客廳笑得正高興的家人:「我諗,我地去第二度傾會比較好.」