黃鼠狼特務Agent of Weasel(搬家原故,本站停止更新): 章三:如何描述我的過去?

                     -------------------黃鼠狼特務Agent of Weasel-----------------------------

                       ----------------------- 章三:如何描述我的過去?--------------------------


「交通吿呀!仲有邊個未交!?」Mr.Lee叫嚷著.
「一俾我地發現邊個冇交嘅話就知死!!」輪到Ms.Chan了.

合稱「陳年老李」的兩位班主任,時常在唱雙簧,誓要我們交通告交表交回條簽好名讀書溫書做功課交功課寫手冊咪打機咪拍拖咪沈迷上網咪留書喺櫃桶咪蝦同學,仲有要專心上堂尊敬師長同學間互助互愛孝順父母關心社會同埋要睇多D報紙英文書新聞上堂唔好畫畫唱歌Beat-Box瞓教去廁所同做其他科嘅功課,膠樽要放入回收箱因為要環保等等等等才肯罷休,雖然煩但未算是壞老師.
   




「伍莊正!!!!又係你唔交嗱!?」Ms.Chan狠狠盯住伍莊正.
「oh....sorry..係我冇交.........」伍莊正立馬從書包抽出通告遞上. 
余閃偷笑了.
「伍莊正~有心事咁喎~做乜丫?」余閃問.
「mmmm.......師妹問我呢....我有冇打飛機........」伍莊正低著頭細聲說.
「咁.....你點答?」
「梗係話冇啦.....跟住佢話我唔老實,嬲左我呀.........」
「然後呢?」
「我即刻老實答話有!!點知師妹又話我好核突好噁心呀.......」
「屌!!咁撚伏嘅.....」




「余閃!!!你唔准再咁話我嘅蔡慧BB!!!!!」
「得得得.....」
「秦世樂你點睇?蔡慧BB呢D叫可愛係咪!?」伍莊正又問我.
「係係........」我敷衍的回應他.

-------------------------------------------------------------------------------------------------------------------------------------
       我拿出推理小說看看,別認為我是甚麼文青,只是因為閱讀報告需要,才會勉強看書.
 「咦!東野圭吾喎~」顏影寒從後出現,看看進展:「話說我都想做警察㗎~睇!!我又型又壯!!好有可能係警隊嘅明日之星~」

顏影寒,校園男神,DreamChaser的主唱,擁有廣闊的人脈關係,為失聯特務的可能性是90%.




      他又掀起衣袖,展示他的老鼠仔:「睇下,我大唔大隻先~」
「大隻,好大隻丫.直頭可以入飛虎隊㖭啦.」我敷衍地答他.
「喂秦世樂你晏晝係咪去鳶田食?」黃虹走來問.
       一定又是想給印了........
「係......」我答.
「太好喇!不如又一齊食丫!?」
「吓......我要問余..」為了余閃和我的錢包著想,我打算拒絕.
「唔洗問喇!!一齊食啦!!!!!」黃虹說罷轉身,不讓我有拒絕的空間......
「又想掠人水喇佢...」顏影寒嘲道.
「請問又關你乜事?」黃虹不忿的轉身:「我想給多個印啫,就叫掠人水?」
「到依家你都係咁,仲越嚟越嚴重㖭!收兵收到成支軍隊咁,做你男朋友真係好陰公!!!!」顏影寒再嘲道.
「我唔想同你呢D人嘈,收線.」黃虹再不埋會他.
「收咪收囉.....」顏影寒冷說.

       女神和男神總是不能融洽相處,這是定律.





 ---------------------------------------------------------------------------------------------
     一輪又一輪的課堂後,便是體育課了.今日是學期考試,為了拼出掌上壓和Sit-up的最佳成績,更衣室已經有幾個壯丁在熱身,其實即使他們不熱身也能有不錯的成績,根本是人生勝利組;而坐在旁邊百無聊頼的,也是一些已經放棄今次考試的放棄治療組.而我,當然是屬於放棄治療組吧......

    「你地邊個想考先?」卓sir一見我們便問.
    「丫sir,我想考先.」劉三鴻自告奮勇.
    劉三鴻,5C班男班長.學業成績是高照中學數一數二的.同時,他也是銀龍的成員,為失聯特務的可能性是70%.
    「97!98!99!100!!!!!勁呀!!!!!佢一分鐘做左100下掌上壓呀!!!」陳宏見到劉三鴻的表現巴不得驚嘆起來.
    「喂劉三鴻你破左全校紀錄啊呀呀!!!!!之前最多都只係80下咋!!!」鍾柏根又說.
    「恭喜您,你已經為我地高照創下左新紀錄,下年再加油!」卓sir跟劉三鴻鼓勵道,劉三鴻爬起來後坐在一旁休息.
    卓sir見沒有人出來,便問:「你地冇人想下一個考?」.平日主動的顏影寒現在卻不敢出來,是不想被拿作跟劉三鴻比較吧.
    「真係冇!?」卓sir再問.個個不是低頭便是偷笑.
    「既然係咁........秦世樂!!出嚟考!!!!」卓sir把我叫出來.
    「我唔想考先呀丫sir........」我道.
    「快D喇!!!!!」




    「好好好好好.....」我趕忙出來,又是時間表演了,今次我也要保持最佳紀錄--------一下.
    我做了一下掌上壓,便立即裝作疲累趴下來:「丫sir我唔得喇....」
    旁邊的男生也笑起來,紛紛對我的表現冷嘲熱諷一番.
    「哈哈仲廢過伍莊正喎~伍莊正起碼有11下~」余閃拍拍伍莊正的肩膀,此時伍莊正面露一些不快,嘴裡似是啐啐念著一些粗口.
    戲肉到了,我爬起來,雙手抱著大腿大叫:「抽筋啊呀呀!!!!!!!」
    卓sir見況,叫我躺在地上休息:「都叫你做多D運動㗎啦...身體差成咁,郁兩下就抽筋點算呀第日!?」

   若非為了任務,我需要假裝弱小嗎?作為特務,我每隔一天也會做500下掌上壓,200次引體上升,舉300次啞鈴.100下掌上壓對我而言簡直易如反掌,但在這裡,我卻要成為一個連一下掌上壓也應付不到的廢男........
  
   不過起碼,我現在比從前未當特務時生活得更有尊嚴和自信.

   七年前,仍在讀小學的我,成績強差人意兼內向,一直被視作霸凌的對象.即使放學到家中,也要面對發瘋的爛父親,他只愛對我和我媽大打出手.沒有其他人願意對我有一分的關懷,只當作我是有情緒問題的麻煩小孩.
   接踵而來的屈辱抑壓成一道一道的怨恨.某天,父親洞悉了我媽打算帶我遠走的計劃,一怒之下衝進廚房拿起菜刀———————出於守護,我阻止並把他殺掉.
   
     在被拘捕之時,范探員出現,把不利的證據除去,並讓另一個替死鬼替我受罪.





   經過我媽和范探員談論後,范探員帶我離開香港,到中國各地進行訓練,教我情緒操控,截拳道,柔道,空手道和槍法等特務技能,別的學生在讀死書的同時,我則在一年間由一個懦弱,無自信的男生,脫變成一個比以前強大的我.然後,我便被派入高照中學,展開臥底生涯.
  
    還記得在峨眉山練武的那一次,被派至跟兩個學徒對打,我急於出擊,反而自亂陣腳,被看出破綻,敗北.當晚我惱羞成怒,自己跑了到山頭坐,范探員卻走了過來.
    「仲係到唔服氣?」范探員坐在我旁邊.
    「你當初唔應該救我出嚟!!!!我根本就冇能力去做嗰D乜鬼特務!!!!!!!我只係件死垃圾嚟嫁咋!!!!!!!!你放返我出..」
    「放返你去繼續咁落去?」
    「冇錯!!!我頂唔順喇!!!!!你要搵人做特務嘅話就搵第二個啦!!!!!!!!!」
    「老實講,你先係至有潛質做特務嘅細路...」
    「你唔好再吹大D!?.....」
    「依家成條街都係D樂觀主義者,佢地好鐘意叫人樂觀去睇個世界,會做好多冇用嘅事嚟打算改變世界,相反你唔同呀秦世樂!!!你經歷過家庭暴力仲比人欺凌過,你好清楚呢個世界嘅黑暗並唔係單靠所謂樂觀就可以解決到㗎!!!!要對抗強權嘅話,你呢種人就最好,夠實際唔會離地.」
    「但係我.....連基本招式都練唔好.」
    「你依家只係嚟左一個月就話自己唔得?悲觀係好,但係太悲觀嘅話你只會一世都冇出息,你想做個廢人咩?一係咁!如果過多兩個月你仲練唔好基本招式,我放你落山!!!」
    「我........」
    「秦世樂,其實你係想練落去嘅!係咪?」




    「真係乜都俾你講中哂.....係..我仲想留喺度........」我明白只要我下山,就代表了放棄人生.
    范探員遞出右拳:「我應承你,我會將你打造成一個專業特務,俾我一年時間.」
    「哼......」我也掏出左拳,跟他拳碰約定.
     
    果然一年後,我成為了一個特務.沒有范探員的栽培,今日的我可能還活在陰影之下苟且偷生.