黃鼠狼特務Agent of Weasel(搬家原故,本站停止更新): 章一:危機從未消失

     昔日,手無寸鐵的學生要獨對強權.
   今日,手執利刃的他們又會如何選擇?
面對扭曲的世界,你會選擇相信希望,堅守信念奉行正義?  亦或是擁抱絕望,不顧一切....以暴易暴?

   這個,是關於抉擇的故事.
   這個,是關於特務的故事.....

2015年2月11日,「天幕事件」發生當日——————

 一架直升機劃過天際,在高廈的上空盤旋.




    駕駛著直升機的,是Harry.
「Harry,冇你幫手,我地唔會嚟到呢度.」范sir跟他說.
「我絕對唔會忘記范sir你嘅大恩~」Harry説.
「我準備hack入大樓嘅CCTV,減低你地被發現嘅可能性.」耳機裡傳來宅聰的聲音,他留在特勤車裡面,負責技術支援.
「你地準備好未?」Harry望向後方,少年已經穿上裝備,打開艙門,狂風撲面而來————————
   Harry把直升機升到合適的高度,好讓他們自由落體.

    范sir也穿上裝備,站到少年身旁:「倒數4....3....2...」

「1.」




   兩個人影從高空劃過——————————到一定高度時,便打開降落傘,飄降到高廈的天台花園上.
「弊喇....我遇到麻煩...」Harry發現遠處有輛戰機正朝直升機飛向,在天台花園的兩人也看到了.

     「轟隆隆——————」直升機被飛彈炸毀————————

   范sir和少年只能看著直升機墜毀到地面爆炸.
「發...發生乜事....」宅聰大概猜到發生了甚麼事:「丫哥佢....」
「Harry....殉左職.」范sir如實的說.
    少年憤慨地掏出手槍,卻被范sir阻止了.
「冷靜D,我地嚟嘅目標,難道你唔記得左?」范sir道.





   少年緩緩放回手槍,瞧向這個被煙霧籠罩的城市,塗炭生靈.毀壞的建築物,瀕死的傷者,人人活在惶恐之中.

    宅聰呆滯的望住和哥哥的合照,淚水奪眶而出.

「我地嘅使命,唔係為左保護市民咩...?」少年對自己所做的感到疑惑.
「當然,不過玄先生係黃鼠狼嘅主要資金來源,佢死咗嘅話,黃鼠狼就好難再運作落去.」范sir拍拍他的肩膀:「世樂,行啦.」
    秦世樂只好轉身離開.

------------------------------------------------------------------------------------------------------------------------------
    人質被綁住手腳,恐怖分子正在錄影片段,向市民進行直播.
「同我聽住!!今日起!呢個城市就屬於我地新星集團!!!喺呢度,有特首,仲有咁多名高官!!一個鐘之後,就係處決嘅時候!!!」歹徒用手上持住的AKM突擊步槍,點點特首的頭顱.

    在門口看守的那個歹徒,突然被從後掩住嘴巴,用刀刺穿後腦,是秦世樂.范sir從背包掏出牆角槍,右拐槍頭從門罅凸出,兩人從螢幕觀察房間裡的情況.
「玄先生似乎唔喺呢度....」秦世樂看不見目標.




「宅聰,你嗰邊點.」范sir也看不到.
   宅聰從螢幕中找尋目標的蹤影:「睇緊....玄先生喺52樓5號房.你地行動要快D,佢應該匿唔到幾耐.」
「既然係咁,我地都冇必要理呢度班狗官,祝佢地好運.」秦世樂為他的SIG Sauer P230JP裝上消音器,幹掉守在樓梯旁那兩個人,跟隨范sir從樓梯走下去————————

     52樓5號房,玄先生手腳被綁,由五個大漢看守住.還有一個女的坐在椅上,她皮膚黝黑,臉上具有混血兒的特徵.秦世樂一眼便認出了她,是蔡慧.
「你想點?」玄先生表面看似冷靜,心裡卻無比焦急.他試圖解開繩子,卻屢次屢敗.
「將所有黃鼠狼嘅情報交出嚟....如果你唔想死嘅話.」蔡慧説.
「哈哈....我做得呢行,就預左有死嘅一日.」玄探員盯住她:「你威脅唔到我.」
「唔怕死,都怕痛呱?」蔡慧輕笑一下,在掌心把病毒匯聚成一道灰色球:「由我自行研製嘅新型病毒,唔知改咩名好呢~?既然你係第一個實驗對象,不如就叫玄死病毒丫!」

「停手.」秦世樂現身,舉槍指向她的太陽穴.
「激氣.....」蔡慧朝他送記病毒波,趁機逃去——————秦世樂欲追上,卻被五個大漢擋住去路.他右前臂格住送來的拳頭,上勾拳揍那大漢的下顎,重踢再開槍幹掉.第二個大漢直拳襲來,秦世樂順勢來記過肩摔把他狠狠摔在地上,開槍幹掉.

   在秦世樂拼殺之時,范sir解開玄先生身上的繩子,把他扶起.
「太好喇...我仲以為自己死緊...」玄先生鬆了一口氣.




​「咁多年兄弟,我又點會俾你死?」范sir為他進行簡單的包扎.
「佢一個人搞唔搞得掂㗎?」玄先生眼看秦世樂被抓住痛打,不禁替他擔心.
「呢方面,我從未擔心過~」范sir說此話的同時,秦世樂已把敵人消除掉.
「我地會將你送去安全地點,唔駛擔心.」秦世樂邊替換彈匣邊走在前面,由范sir扶著玄探員行走.

「兩點鐘方向.」宅聰提醒道.
   秦世樂立即朝該方向撃殺了一個敵人.
​「十一點鐘.」
   秦世樂再擊殺一個——————又殺來了兩個敵人,秦世樂朝他們的腳踝連發兩槍,再扭斷他們的頸骨————————

----------------------------------------------------------------------------------------------------------------------------------
 大樓地層,敵人埋伏在升降機前,預備把秦世樂等人擒獲.升降機從52樓落下,預料三十秒左右便到達地層.

    43樓,





    35樓,

    12樓,
   
  到達地層—————————門打開,卻空無一人.

      秦世樂和范sir把玄先生扶到天橋底,避開敵人的追殺.
「呢個地方比較安全,佢地唔會發現到.」范sir觀察外面的情況.
​「救...救命呀!!」外面有個小女孩,左腿被瓦礫壓住不能爬出來.孤立無援.
    范sir注意到秦世樂的舉動:「世樂....唔可以....你一出去,我地就會俾人發現.」
「救命呀!!!」響亮的叫聲引起了歹徒的注意,並向小女孩的方向走向:「原來仲有死剩種~」
     秦世樂看著歹徒的相貌,是多麼的猙獰:「我嘅使命,係保護市民.」
「唔可以!!秦世樂!!」

「再見喇~」歹徒拿出衝鋒槍,瞄準小女孩——————————





      「嘭———————」

 歹徒中了致命一槍,倒地死去.
「小妹妹,你會冇事㗎.」秦世樂搬走壓在小女孩腳上的瓦礫,幸好只是擦傷:「快D離開呢度,知道冇?」
「知道.」小女孩堅強地站起來,一腐一拐的離開此處.

     「嘭砰砰——————」秦世樂和范sir躲到瓦礫後,跟敵方搏火.

「嘻嘻,搵到你喇~」蔡慧走到玄先生背後,朝他使出病毒波————————
「玄先生!!!」范sir發現的時候,玄先生已經在病毒的折磨中,痛苦死去.
    蔡慧露出陰險的笑容,從旁離開.
  范sir望著那具屍體,低頭陷入沉思.
「對唔住,范sir.但係....我冇後悔過做呢個決定.」秦世樂道.
「世樂,有一件事...我一直冇同你講.黃鼠狼特務,除左我,你,Harry同宅聰之外,仲有失聯嘅特務.」
「失...失聯?」
     范sir掏出USB,交到秦世樂手中:「入面有失聯特務嘅檔案,但係有90%嘅內容遺失左.」
「剩返嘅10%,係唯一線索.」秦世樂緊緊握住手心上的USB.
「敵人太過強大,我地需要集結一齊,先有機會摧毀佢地.世樂,我需要你嘅幫忙.」范sir瞧瞧這個曾經繁華的國際之都,一日內便變得不堪入目.

  在這天,連名號響遍江湖的社團紅棍''奇南道清哥''也得躲起來.女友挨在他肩膀,呆望地上一具具的屍體.

    城市的另一邊,少女騎著粉紅色機車闖向敵方佔領的據點,與以長棍作武器的少年一同殺敵——————————少年施展一身好棍法,格住敵人攻擊,以長棍支撐身體給對方來記重踢.少女踢牆跳到敵人的後方手刀砍向頸椎,右側又殺來了直拳,她抓住對方手臂一扭,使出水浪拋鎚——————
「冇事喇!大家唔駛怕!!」少年安慰受驚的市民,發現自己也受了傷.
         「轟轟隆——————」有更多敵人來了.
  兩人掏出槍枝,肩並肩跟敵人拼殺.

    在高處,一個披著白色風衣的人,睹著一切發生——————————


                     -------------------黃鼠狼特務Agent of Weasel-----------------------------

                       ----------------------- 章一:危機從未消失--------------------------


/////////////////////////////////////////////////////////////////////////////////////////////////////////////
   2015年5月4日,天幕事件後三個月.這個城市慢慢從恐怖襲擊的傷痛中復原起來.

     從范探員口中,我得知黃鼠狼原來有失聯的特務.

 USB裡剩下的10%情報內,記錄了部分失聯特務的特務編號:   S374568   Z153385   Z896978   S049261  

可是單單只靠這些數字,我根本難以查出甚麼來.
  
   此時此刻,我身處位於大食地的聖母會高照中學,繼續飾演學生的角色.
      我一邊吃着小食部難吃的包裝三文治,一邊觀察著周遭學生的行為舉止.他們每一個,也有機會是失聯特務.
「同我死開!!!」洪勇哲展示拳頭,把旁邊座位的男孩嚇走,他又在霸凌別人了.1996年出世,由小學開始已經開始霸凌別人,自以為有肥大的身軀便可以橫行霸道,實際上對武功一竅不通,生存價值是零.
「對.....對唔住呀......」男孩連忙低頭認錯,我看不下去了,選擇起身離開.畢竟洪勇哲家境複雜,得罪到他對自己沒有任何好處.除非,殺了他.

------------------------------------------------------------------------------------------------------
「秦世樂!! 」教數學的謝易偉點了功課簿後,發現我又欠交功課了.
「丫sir.......俾34秒我.」我趕快地用30秒在功課簿亂畫一通再放上教師桌上,反正他也放棄了我這個數學白痴.
「做得咁快嘅? 」坐在後方的盧振當望着我說.
「超!條友亂做梗係快喇,咁簡單都唔識做,正一死垃圾~ 」坐在盧振當旁邊的陳宏鄙視地笑説.
「 咁又係喎!哼!!!成績咁差都入到C班,咩料呀......」盧振當也跟著笑了.
      他們真的認為我聽不到嗎...........
  謝sir望著我說:「秦世樂你成績再係咁差我怕你下年會留班喎,你唔係唔知留班會點呀嘛?唔會再有活動可以參加,一日唔准去多過一次廁所,請病假事假都記你大過,每日晏晝都要企喺學校門口對住牆食飯,逢小息都要同其他留班嘅人一齊掛住一塊寫住『我是留級生』嘅木牌示眾,仲有....」
「哦.」我答.
「你.......你冇得救㗎喇....你咁嘅態度,注定失敗.」謝sir冷説:「讀唔好書,只會成為為害社會嘅人.你好好反省下啦.」

    聖母會高照中學曾經是間鼓勵學生多元發展,尋覓夢想的學校.可是天幕事件後,社會變得非常敏感,認為成績表現與將來會否成為罪犯有一定的關係.成績好的,會被視為未來社會棟樑,享有比普通學生高的特權.而成績遜色的,就會被忽略,輕視.可能是因為這樣的氣氛,洪勇哲才會比從前更霸道吧.

-------------------------------------------------------------------------------------------------------------------------------------
「叮噹叮噹~」萬眾期待的午飯時間到了,同學們如喪狗般衝向樓下.
 一個身影跑了下來,是余閃.1998年出生,IT男,熱愛籃球.大家一樣散懶,又是邊緣人,比較容易溝通,曾經學過一些武術.為失聯特務的可能性是45%.
「喂樂哥打算食乜?」余閃問我.
「不如去食鳶田?」他跟伍莊正説:「伍莊正你一唔一齊食?」
伍莊正,毒男一個,似乎很討厭同班的顏影寒.為失聯特務的可能性是20%.
「唔好喇~廢時阻住你溝師妹啦靚仔~」余閃笑著向伍莊正説.
 伍莊正立刻臉紅,一定是想起他暗戀的中四師妹,蔡慧吧.

     蔡慧,菲裔香港人.除了知道她是擁有異能的殺手之外,我對她便一無所知.我也不知道該如何跟伍莊正説這個殘酷的真相.

「係喎伍莊正今日約左師妹去食飯喎~係咪表白呀?」我也笑說.
「表白呢家嘢....遲D先啦.....」伍莊正還未鼓起勇氣.
   「咁我地兩個毒撚自己去食囉~啊.....好hehe呀........」余閃張大嘴巴說.

      鳶田裡,我和余閃找了卡位坐.
 忽然兩個女生分別閃了在我和余閃身旁坐,是馮佩妮還有黃虹.
「你地應該唔介意我地搭檯㗎可? 」平日無視我的黃虹竟然主動找來,無事不登三寶殿,一定......是有目的....
「都已經坐左過嚟...仲有得介意咩....」余閃吐糟道.
「你即係話我地霸道喇係唔係?」馮佩妮盯住余閃問.
「唔係唔係唔係唔係唔係!!!!!!」余閃慌張的道.
   馮佩妮,1999年出世,外表清純,內裡MK,因為男友是社團''銀龍''的紅棍,綽號''奇南道清哥''的韓傲清,很多人也不敢惹她,因為有機會是潛入銀龍作臥底,為失聯特務的可能性是70%.而黃虹,1997年出世,校園女神,娘娘.性格忽冷忽熱,難以觸摸.為失聯特務的可能性是15%.
「喂余閃,叫多個凱撒沙律丫~橫掂多60蚊可以吸多個印.」黃虹果然是為了優惠而來.
   余閃面有難色:「吓........要成76蚊喎個沙律!」
「嚟丫~我想食丫.」黃虹嘟起嘴道.
「呀......好..好啦..」余閃見到黃虹撒嬌時的樣子後投降了,果然.......余閃對著黃虹的攻勢是把持不住的,中四開始余閃就已經對黃虹有意思了,但一直不敢表白.平日地理堂他也愛偷看黃虹,猜度她的胸圍顏色.

「伍莊正喎~」馮佩妮見到伍莊正與蔡慧在外面經過.
​「佢兩個拍拖?」黃虹問.
​「係伍莊正想追人地啫~」余閃笑説:​「係一見鐘情.」
​「嗯.....」
  
    我叫的那個豬頸肉烏冬來了,馮佩妮見到立刻搶了過去吐一口口水下去:「俾我食先~」,我忍,畢竟也忍了她兩年.......
「喂!」
「做乜.」
「攞銀包嚟呀~!!」
「咪挽啦,我窮L嚟㗎...」 
「你夠撚膽話唔好?知唔知我條仔係?」
   我只好掏出錢包給她.......
「嘩屌!!!有成6000蚊喎!!!!!咁有米嘅!!??」她興奮的取走當中一百元:「今晚晚餐有著落lo~」

------------------------------------------------------------------
   回到學校.
一如以往地,余閃跑到籃球場跟隊,馮佩妮和黃虹就在一旁聊天.
   
  約定時間到了,我步進廁所,走到盡頭的廁格關上門,面向內藏面部掃描器的牆上,在確認了我的身份後,地台化身成升降台,慢慢下降—————
       隨後,到了建於學校地底的小型基地「鼠洞」.
「喂食件Pizza先喇~」宅聰打開pizza盒,裡面只有一塊pizza.....
「我屌!!頭先已經冇食嘢喇........一塊pizza仔點夠飽喎......」我吐糟著.
「好快D食完快D做嘢喇,宅聰,乜環境呀你嗰邊?」從房間走出的范探員問.
「我已經入侵左歡日樺峯嘅閉路電視系統喇,秦世樂你今晚就可以上去.」宅聰道.
「好.」我答.

    「黃鼠狼」由三個男人,范葛威,方計程和孫耀洋合作成立,獨立運行的秘密組織.成立宗旨是在暗處保護人民,對抗所有潛在危機.
   後來因為意見分歧,黃鼠狼分裂成三邊運行;由范葛威帶領的N小隊,方計程帶領的Z小隊,和孫耀洋帶領的S小隊.

     而我則屬於N小隊,特務編號:N456603.