黃鼠狼特務Agent of Weasel(搬家原故,本站停止更新): 章三十一:灰色黑曜石

「跟住出場嘅係連勝十場,人稱「終結者」嘅犬臂!!!!!」
   全場傳出歡呼聲,迎接犬臂登場.

    男子藏好袋𥚃的針孔攝錄機,才從人群中穿插到後台——————————他盡量靠近門邊偷拍裡面交易的情況.
「喂!細路!!你喺度做乜呀!?」守衛發現了他的舉動:「你偷拍!!??」
   後面追來三個守衛,敗露的他馬上逃跑,從後巷跑向行人路,卻被抓個正著.

「影完就想拍拍籮柚走人??」守衛把他扔到地上痛打.

    韓傲清飛膝撃走守衛,右肘擊他的喉嚨,再一記前蹬叫他倒地.




 餘下兩個同時襲來,霜寒雙手握棍擋拳,卡住左邊的前臂左膝擊他的肘關節,讓韓傲清旋風腿擊倒,再一棍揮向右邊那個.   
   男子慌慌張張的爬起來:「多...多謝你地...你地係..黃鼠狼?」
「單人匹馬闖入去攞料,你好大勇氣.」韓傲清瞧瞧男子的衣著打扮,似乎是個記者.
「係...係...」
「下次自己小心D.」霜寒提點兩句,便跟韓傲清轉身離去.
「等....等陣呀!!」

「做咩?」
     男子拿出攝錄機:「D相會幫到你地㗎!好快D市民就會信任返你地!!」
「你頭先冒險入去偷拍,就係為左幫我地洗脫污名?」霜寒問.




「我知道咁樣幫唔到你地D乜嘢.....至少..可以為你地出少少力!!」
「白費心機總好過乜都唔做...」霜寒被男子的行為感動了:「你係邊間媒體嘅記者,咩名?」
「我叫做康競民,唔係記者,係前民黨嘅成員.」
    霜寒和韓傲清對望一眼,他們也猜不到面前的小伙子會是個政客.
「我地黨相信你地係無辜,好希望可以將真相傳達俾市民!」男子說:「你地願意幫我地嗎?」
「唔係咁好呱,我地係通緝犯,唔方便幫你地.」韓傲清道.
「我就唔係咁睇.」霜寒跟韓傲清說:「前民黨有好多支持者,政黨嘅力量相信可以幫到我地.況且.....我欣賞呢個人嘅態度,勇敢,熱血.」
「真係?」
「我要搵搵其他人商討下,始終唔係我一個人話哂事.」霜寒說.
     男子點點頭:「好!!我等你消息!!」





---------------------------------------------------------------------------------------------------------
「請問康競民你​決定支持疑似反動組織黃鼠狼,呢個係咪真㗎??」
​「前民黨一直都唔主張港獨,你唔認為咁樣係違背你地嘅理念咩??」
    
    康競民舉起手掌,示意記者停下追問.
​「冇錯,我認為你地口中呢個疑似反動組織,係無辜嘅!今日起我會盡我所能去證明我嘅觀點係正確嘅,相信我男朋友都會支持我呢個決定,多謝記者朋友關心.」康競民走向六人車,他男朋友已經等到睡著了.
​「喂~邦邦,醒喇~」康競民溫柔撫摸男朋友的臉.
​「競....競競..」邦邦醒來.
​「Sorry丫~我有事遲左少少,我地錫返當和數丫~」康競民輕吻邦邦.

     公路上.
   康競民一眼也沒有望過邦邦.
​「車我去旺角,我想買定D攝影器材.」
​「哦.」邦邦扭扭軚盤,從彌敦道轉進快富街:「競競,你唔擔心黃鼠狼會連累到你咩?我怕你有生命危險呀....」




「你識功夫㗎嘛唔係咩?就由你嚟保護我.」康競民仰望天空:「依家網民嘅立場開始偏向相信黃鼠狼,我要食住呢個勢上位.過程....難免會有損傷,不過都值得.仲有,call吳導演,我想同佢傾下,計劃拍一部關於黃鼠狼嘅政治電影,男主角.....就搵你做.」


                         ------------------黃鼠狼特務Agent of Weasel-----------------------------

                          -----------------------章三十一:灰色黑曜石------------------------


---------------------------------------------------------------------------------------------------------
    霓虹女揭揭窗簾窺看,確保他們的位置不被發現.
「自從將所有情報upload上網之後,支持我地嘅網民多左好多.」秦世樂望著電腦螢幕道:「但係仲未有足夠證據可以證明麥烈寧嘅身份.同劉三鴻唔同,好難預測到佢嘅下一步行動.」
「麥烈寧正喺酒店度同一個人會面.」霜寒從酒店的CCTV發現麥烈寧的蹤影.
「放大畫面,睇清楚咩樣.」
「wait a minute.」霜寒把攝像畫面拉近:「係黎定國....」
「麥烈寧想統治香港....首先做嘅係拉攏政府官員支持佢.」秦世樂想了又想:「唔會....佢唔係愚蠢嘅人,唔會咁做.從前被體制拋棄嘅我.....今日爬上體制嘅頂鋒...」




「今個禮拜五,就係反恐怖主義法首讀二讀....」馮佩妮說.
「天幕計劃......漁夫.....反恐法.....黎定國.....麥烈寧......」秦世樂把一切連結起來:「麥烈寧打算用政治消滅我地,我地就用政治反撃!!」

「我地有命逃出呢度先講.....有兩部EU車泊埋嚟.」韓傲清窺到有兩支衝鋒隊走入建築物,腳步十分急速.
「同佢地正面衝突對我地絕無益處.呢度係十二樓......佢地上嚟嘅話大概只需一分四十二秒.」霓虹女望向懸掛在窗外的廣告燈箱:「我地動作要快————————」

---------------------------------------------------------------------------------------------------------------
       對面大樓天台上.
   黑曜放下箱子,開始組裝他的AS50狙擊步槍.
「我已經就位,隨時可以開槍.」説這話的同時,他把最後一個部件裝好——————————
     
    韓傲清把玻璃窗打碎,眾人踏上廣告燈箱,一個接一個的從燈箱摔到另一棟唐樓單位.
「啊呀呀!!!你地唔好埋嚟呀!!!唔好埋嚟啊呀!!!!」原本在教孫女做功課的伯伯被嚇壞了.
「你地係黃鼠狼....嗰班反動份子!!!!!」伯伯認出了他們.
   秦世樂沒有多餘時間理會伯伯,打算拉開鐵閘,門卻被鎖住了.




「鎖匙.」他向伯伯遞出手掌.
    伯伯抱緊孫女,給秦世樂一個厭惡的眼神——————————

     另一邊箱————黑曜閉起左眼,右眼瞄準著目標,隨時可以扣動板機.

「我話....鎖匙!!」秦世樂舉起手槍指住伯伯的頭顱,伯伯安撫著受驚的孫女.

     「砰————」外面傳來了槍聲,馮佩妮從窗口看到有一個警員倒地,她用眼神告訴同伴,事態更嚴重了.
「我話鎖匙啊呀!!!」在秦世樂威迫之下,伯伯依然不為所動.
「秦世樂!!唔好呀!!!」韓傲清勸道.
「伯伯!求你啦!!」馮佩妮不願看到悲劇發生.

「後生仔....咁多嘢唔做偏偏要做埋D傷天害理嘅事!!!我唔會將鎖匙俾你地!!!」伯伯毫不懼怕,固執得很.
「既然係咁我就成全你...」秦世樂準備開槍,霜寒則擋在前面.





「我地黃鼠狼成立嘅目的係保護市民,毋忘初衷呀...秦世樂.....」霜寒這番話,勾起了秦世樂的回憶.
     最初是因為逃過法律制裁,秦世樂才成為特務.''初衷''的概念,對他來説還是十分模糊...

「初衷​......」

    見警察即將追至,霓虹女拿起霜寒背上的凍結棒,往空一揮變成長棍,把鐵閘冰封再用拳頭擊碎————————
      韓傲清按住秦世樂的手,讓槍口移開.

「我地應該盡快走.」霓虹女道.
​     秦世樂冷靜下來,望著受驚的兩爺孫:「對唔住.......」,便跟著其他人逃離.
​「佢地走左喇!冇事喇冇事喇!」伯伯輕拍孫女:​「佢地......未必係壞人.....」

    前來支援的警察以衝鋒車作掩護,跟天台上的黑曜搏火.
 黑曜利用環境優勢轉移位置,殺他們一個措手不及.
​      「砰————」又一個給擊斃了.黑曜瞬間移動槍枝朝車門邊的那個擊斃.其餘的見況躲在車後,不敢輕舉妄動.
    數個警員偷偷溜進黑曜身處的建築物,打算正面對付他.
  為了引出目標,黑曜掏出手裡劍呈弧線投擲,狠狠刺中車後一個警員的大動脈———————

   有警察悲憤的撲出嘗試為同僚報復,待他們子彈用光之時,黑曜架起槍也把他們幹掉.
  不遠處駛來一輛飛虎隊專用吉普車,黑曜換上特製子彈,瞄準住駕駛人員,慢慢拉近.
​       「砰————」吉普車失控奔馳,撞上停泊的衝鋒車,避不及的只能活生生撞死.黑曜迅速補上子彈再擊斃多幾個.
     天台門口跑出了幾個警員,黑曜放下狙擊步槍雙手擲出手裡劍刺中距離最近的兩肩,奪去配槍給一個的腹部開槍,拿槍枝敲打又一個的頭顱,蹬腿讓他從高處墮下.
​「停喺度!!!」警員用槍枝指住黑曜的後腦,他只好跪在地.束手就擒.

    為安全起見,秦世樂,霓虹女,霜寒,馮佩妮和韓傲清決定各自擺脫追捕,約定四十分鐘後在新界一所荒廢村校集合.

-----------------------------------------------------------------------------------------------------------
      黑曜呆在盤問室,沉默不語.
「Sir,條友問極都唔肯出聲......」警員打開門,讓上司進來.
​「返出去先,等我處理.」警官道.
​​「Yes sir.」

    門被輕輕關上,並鎖緊.
​「你係要唔出聲?」
​     警官走到黑曜前,捏緊他的眼球:​「講呀仆街!!!!!」

「啊呀呀!!!!」
​「放手!!!我講!!!!!!」
​「Z484823!!呢個係我嘅特務編號!!!」
     警官鬆開染血的雙手:​「終於肯講喇咩??你條仆街.......」
​「仲有狄灼,狄光欣,李祿榮,皮佳螢.....都係同我地一伙人.」黑曜迫不得已,把他們供出來—————————
「有唔少伙記就係因為你地而死....」警官抓起黑曜:「呢D係你應得嘅!!!!!!」
    他以拳腳宣洩憤怒,把黑曜打至半死.

。。。。。。。。。。。。。。。。。。。。。。。。。。。。。。
「 曜!你唔好成日咁cool啦,咁靚仔要笑下先似陽光男丫嘛~ 」 是綻螢的聲音.
「係呢~笑多D啦! 」又來一把男聲,是翡綠:「由今日開始我地就係同伴,好值得開心喎~」
「成日笑十足傻仔咁...我先唔會.除非喺另一個平行時空嘅王礽曜先會係陽光男.」黑曜倔強的道.
   
      可是跟他們一起的時候,他總能感覺到一份從未擁有的安全感.
   這些記憶,他從沒忘記過.在實驗室那場戰鬥中也是一樣.....

     在秦世樂等人跟劉三鴻戰鬥的時候,他架起AS50狙擊步槍,換上特製子彈,瞄準劉三鴻的頭顱——————————
「喂!」羅妙晴出現在黑曜背後:「你喺度做乜嘢~?」
黑曜放下槍枝,掏出手裡劍擲向,羅妙晴以風衣接住把手裡劍扔回去.黑曜看準位置,出手接回劍.
​「黑曜,我睇得出你唔係真心想幫劉三鴻.你眼界咁好,頭先明明大把機會殺死我地.」羅妙晴道.
​    黑曜沉靜一會兒,道:​「我唔會殺你地,盡量.」
​「我應該當你係敵人,定係朋友?」羅妙晴道.
​「......我唔知.」黑曜說.

。。。。。。。。。。。。。。。。。。。。。。。。。。。
    警官重拳擊打黑曜的下顎,他吐著鮮血,不得反抗.
「條友任你地處置,只要唔出人命就得.」警官把黑曜留給下屬,自己卻站在門口把風.