黃鼠狼特務Agent of Weasel(搬家原故,本站停止更新): 章二十九:是裂縫還是繫繩?
------------------黃鼠狼特務Agent of Weasel-----------------------------
-----------------------章二十九:是裂縫還是繫繩?------------------------
「昨日下午八時,香港發生一宗極度殘酷嘅屠殺案,一名戴住面罩嘅男子闖進赤柱監獄將獄內囚犯以及警員全數殺害.相信事件為針對被判入獄嘅仁見聯前副主席周乙丙而作案.行政長官梁頌英發出聲明,因事件可能涉及港獨分子參與,故要求警方全力追緝兇徒落網.」電視播放著關於秦世樂的新聞:「宜家警方會向我地交代最新情況.」
畫面轉播警方記者會的現場情況:「自從陶警司殉職一事之後,唔開心嘅事就陸續咁發生.教堂爆炸,更多嘅警員殉職.到左最近又發生左D咁嘅事,實在令大家人心惶惶.經過警方一連串調查,我地列出左一份嫌疑犯名單.」説罷,投影片上出現了秦世樂,黃虹,顏影寒,馮佩妮,韓傲清,馮鍵和羅妙晴的通緝照.
「上面顯示呢幾名年約16至18歲嘅中國籍人士,係就讀聖母會高照中學嘅學生,同時亦係一個稱為''黃鼠狼''嘅疑似地下反動組織嘅成員.此組織並懷疑與天幕事件有密切關係.」
「我地已經成為全民公敵......」顏影寒道.
「櫃員機攝錄鏡頭,CCTV,交通監控錄像,交易紀錄....搵極都搵唔到秦世樂嘅蹤影.」馮鍵放下滑鼠把電腦椅轉向眾人.
顏影寒跟馮鍵説:「不如你hack入警方嘅人臉辨識系統.」
「唔好,秦世樂咁做係唔想連累我地...無謂打草驚蛇.」韓傲清說.
「所以就要眼白白睇住秦世樂比人捉走?」顏影寒有許不快.
「梗係唔係.」馮佩妮也説:「我相信秦世樂唔會咁容易比人捉到.」
「只係怕佢自己一個唔知會再做乜事...」韓傲清道.
「虹!出句聲啦!」顏影寒希望黃虹支持他的看法,一如以往地被冷漠對待.
大家也對即將發生的第二次天幕計劃毫無頭緖.既不知道漁夫教主是誰,也不清楚教主的目的是甚麼,秦世樂又失去蹤影...
「睇下我地...」馮佩妮看見大家若有所失的樣子:「一盤散沙咁....仲可以叫做一team人咩...?」
他們都不禁面面相覷.
「咁樣樣.....絕對唔可以叫做一team人.」羅妙晴憶起范葛威說過的話:「范sir講過,敵人最想見到嘅就係我地放棄同恐懼嘅模樣,佢地最想嘅就係將我地同化.作為人,我地絕對...絕對唔可以比任何情緒支配到...」
這時,門邊傳來秦世樂的聲音:「反而,我地要支配情緒.先唔會中到敵人嘅計謀.無論如何,為公義發聲.....係人嘅義務.」他望望大家,也向黃虹瞧一眼.
「我返嚟,係唔想俾機會漁夫乘虛而入.」秦世樂說:「要打要罵,隨便你地....」
「困喺入面嘅囚犯,佢地都有自己嘅親人,父母,等待佢地改過自新重投社會.周乙丙都一樣....」顏影寒眼神針對著秦世樂.
「難道我冇親人!!??當時因為我冇殺死李昌華,范探員離開左!!!!因為我冇殺死周乙丙,我媽媽佢都離開左!!!!!罪人唔值得有寬恕嘅機會!!同樣地,D囚犯當中冇一個係無辜!!今日你放過佢地,聽日就會輪到其他人受害!!!生存價值係零嘅低等物種冇資格生存落去......」秦世樂的兇悍模樣把顏影寒震懾了.
「連同秦俊郎都一樣.」秦世樂模樣上的兇悍漸漸消去,取而代之的是無神的表情.
「有人接近緊我地!!!」馮鍵忽然大叫,螢幕上顯示有個身穿紅色西裝的男人正靠近安全屋.
「應該係跟蹤秦世樂先搵到嚟....」韓傲清説.
秦世樂完全察覺不了剛才被跟蹤.
「紅色西裝.....係佢地...」羅妙晴意識到危機的來臨—————————
----------------------------------------------------------------------------------------------------------------------------------------
紅色西裝男在門前止步,嘴角露出陰險的笑容————————張牙舞爪準備擒獲屋裡的獵物.
他前踢踢開大門,面前卻空無一人———————
「小朋友.....哥哥要嚟捉你地喇~」他踢翻電腦桌,急不及待要把匿藏的人抓出來.
「啊啊啊呀呀呀!!!!!」藏著已久的霜寒和馮佩妮撲出夾擊西裝男,西裝男兩掌格檔他們的棍和刀,再搶去長棍擊走霜寒,格住馮佩妮每招攻擊.霓虹女撲出前滾翻,與馮佩妮一同朝西裝男的左右軟肋使出勾踢.秦世樂從後撲出右肘擊他的後腦,霜寒馬上奪回長棍躍起朝他的前腦揮棍.可是西裝男似乎沒有一分痛楚.
「霜寒,霓虹女~你知道我係邊個嗎~?」西裝男道:「我係你地嘅死神~」
「乜係咩~?咁我地都好有緣份,可以俾機會我親手殺你.」霓虹女説:「將活生生嘅你變成冷冰冰嘅屍體,都唔係一件難事.」
「哼!你地打得贏我先算!!!」西裝男鐵砂掌打霜寒的胸膛,左肘擊向秦世樂,馮妮把刀扔給秦世樂,秦世樂接下再朝西裝男的心口位刺向,對方雙掌夾住收腹.秦世樂放棄小刀,以橫削掌朝對方的太陽穴襲去,他卻抓住秦世樂的手,猛力一拉扯甩他的手臼,勁踢他的腋下.羅妙晴撲出以風衣勒住西裝男的頸,再由霜寒使用下劈劈擊他的喉嚨.韓傲清繼而撲出揍向,西裝男左前臂格檔,轉以掌捏住他的拳,羅妙晴拋出風衣擾亂西裝男的視線,狠狠朝他的膝蓋踢擊打算讓他的雙腳廢掉,可是仍然不能對他造成任何傷害.
「輪到我喇~」西裝男掌擊韓傲清和羅妙晴,叫他們抱住胸口倒地.
「傲清你冇事嘛!!?」馮佩妮小刀刺向西裝男的胸口,被打走後她再倒拿小刀劃斬,西裝男從容不迫的使出鐵砂掌把她擊倒.
霜寒和霓虹女肩膀靠肩膀,一起應付西裝男.
「佢體格咁強硬,試下用嗰招睇下得唔得.」霓虹女擺出虎鶴雙形拳.
西裝男嘴角微微戚起,不把他們放在眼內.
「好!」霜寒長棍刺向西裝男的軟肋,西裝男以掌在軟肋前擋住,另一隻手鐵砂掌擊向霜寒,霓虹女迅速抓住他的手腕使出水浪拋鎚.
西裝男吐口口水,說:「想打斷我關節?太天真喇~」
霜寒把長棍從西裝男的掌前抽回,刺向他胸前,在接觸到心口位的那瞬間,把他心臟凍結———————
在後面的羅妙晴踢擊西裝男的膝蓋後窩,破壞他的平衡力,再用風衣勒住他的頸:「傲清!! Is your turn!!!」
「去死啊呀呀呀!!!!!!」韓傲清一個箭步衝去右直拳朝西裝男的心口位擊向.西裝男察覺到他左拳蠢蠢欲動,似乎是個假動作,便右掌打向.誰料韓傲清並沒有轉以左拳攻擊,而是保持右直拳爆擊他被凍結的心口位————————
「啊呀!!!!!!」被擊中破綻的西裝男握著心口位哀號.
羅妙晴道:「頭先秦世樂同你過招嘅時候,我已經發現你特別注意喺心口位嘅防守.估計你嘅弱點就喺呢個部位.」説罷,她拿槍指住西裝男的太陽穴.
「派你嚟刺殺我地嘅係邊個!!!!講!!」
西裝男嘴角流著鮮血,擺出一副嘲笑的樣子:「果然,你發覺唔到~」
頓時,羅妙晴內臟出血,身體如撕裂一般.
「你對Katy做過D咩!!!」馮佩妮,韓傲清,霜寒,秦世樂和霓虹女五人一同對西裝男攻擊,卻紛紛被擊退.
西裝男提起掌,預備給他們幹掉——————
「啊呀!!!」馮鍵抬起電腦擲向他,卻作不了任何傷害.
「多管閒事....」西裝男迫近手無寸鐵的馮鍵,鐵砂掌擊碎他的心臟.
「馮鍵!!!!!!!!」霜寒見著馮鍵的屍體躺在他眼前:「啊呀呀呀!!!!!!!!!!!」
「輪到你地~」西裝男轉身走向其餘的人.
「你地走呀!!!!!」羅妙晴竭盡最後力氣抓住西裝男的軀體不讓他前進:「記住......善用你地嘅強大!!」
「我唔會掉低Katy你唔理㗎!!!」馮佩妮不想扔下羅妙晴.
「走呀!!!!!走呀!!!!!!」羅妙晴撕叫著.
西裝男肘擊擺脫羅妙晴,給予她最後一擊————————
------------------------------------------------------------------------------------------------------------
5C課室內,人人也圍著余閃的手機看,上面播放著關於秦世樂他們被通緝的新聞報導,而網民的言論似乎也針對著高照中學的學生.
「真係.....佢地?」盧振當感覺螢幕上的同學似乎不太熟悉.
「雖然我有少少唔妥馮佩妮,但係....」陳宏道.
「始終唔覺得佢係呢D人?」鍾柏根道.
「嗯...」
「好難講,睇落秦世樂好似好乖仔咁,又點諗到佢會殺人?」伍莊正說:「更何況係馮佩妮呢個有黑社會背景嘅人?」
「呢段係要綫新聞嚟㗎!唔好人講乜你就信好唔好??」吳廷發感到不是味兒.
「事實擺在眼前,平平凡凡一間中學嘅課室入面竟然潛伏左幾個臥底,事情一定唔簡單.」
「屌你咪智障啦伍莊正!!我地一班同學嚟㗎!!咁都唔信!!」吳廷發罵道.
「就係因為一班同學,利用左我地咁耐,佢地更加要向我地交代臥底嘅事.」盧振當説.
「交代?點撚樣交代呀?」秦嘉鴻乾笑一下:「用個腦諗下啦......」
「每個人都有自己嘅秘密,冇任何人有權力同資格要求佢地向任何人交代.你講到自己咁撚道德,難道你又會向大家交代你嘅一切??」陳宏盯住盧振當道.
「依家係班友出事影衰學校!!累到我地每個同學比人鬧呀!!!知唔知道因為天幕事件,香港已經失去左好多??」余閃說.
「得,唔駛再講.」陳宏說:「道不同不相為謀,請你地離開呢個班房.」
雙方相互給予厭惡的眼神,在課室分道揚鑣.
「我地唔可以眼白白睇住自己同學俾人嫁禍.」秦嘉鴻跟餘下的同學說:「要利用網絡嘅力量,為佢地平反.」
「要說服到網民企喺你地嗰邊係一件難事.」Mr.Lee跟Ms.Chan走了進來:「仲可能要負上沈重嘅代價.」
他們躊躇不定,迷惘的對望大家.
Ms.Chan掏起粉筆,在黑板上寫了''公義''兩字,並圈了起來——————
「讀過ERS嘅,應該明白我地需要一個公義嘅社會.」她說:「即使方式唔同,但係目標都係一樣,係為左公義.」
「依家我地所熟悉嘅同學被加上左莫須有嘅罪名.....」Mr.Lee語重心長的道:「無論你地點樣決定,我同Ms.Chan都會撐你地,因為我地係你地嘅班主任.」
經過一番話後,大家的眼神不再迷惘,換來的是滿滿的衝勁—————————
然而課室外面,麥烈寧聽到了他們的對話.
「一班無知嘅垃圾....哼....」他撥撥自己的髮型,毫無顧忌的拿打火機點燃捲煙,邊抽煙邊打開書包把書本文具逐一摧毀:「王者唔需要無用之物.」
從樓梯走到地層,他更把書包扔到垃圾桶裡,脫下校服扔向注視他的學生:「送俾你地.」接著就走出校門,不再回來.