我的死鬼老婆: 第二十五節

「好，既然係咁，我要你十年既陽壽，即係話要救你太太，你就要早死十年！」嚴國旋說。
 
在場的人聽了嚴國旋的說話之後無不大吃一驚。
 
十年的時間，對於一個人來說有多重要？人生有幾多個十年？如果一個人有七十歲命的話，以我現在三十歲來說，扣減了那十年之後，我還有三十年的時間。
 
思前想後，用十年的陽壽去換取回若珍的魂魄，其實這是一個極為吸引的方案。
 
「旋哥！堅定留呀？你講笑定講真架？之前你打鬼仔，送我落陰間地府都得，嗰時你都冇咁既要求，點解你而家要佢十年命？」天佑說。
 




「天佑，呢十年命唔係我要，係用黎疏通下面既官架，我要佢十年命把鬼咩！」嚴國旋一臉無奈的說。
 
司徒月也走到嚴國旋的前方說：「仲有冇其他辦法呀？十年命呀旋哥！好彩既話就話有得減壽十年，唔好彩既可能你施完法，阿曦就即刻減壽死左啦！」
 
嚴國旋搖一搖頭：「呢個真係一個最後既一個方法啦，接下來你要諗既就係你覺得你既太太程若珍值唔值得你用十年命既時間黎救返佢！」
 
「阿曦，不如算啦！你老婆生前都對你唔住，你唔值得咁樣為佢架！」司徒月極力的勸阻著我。
 
我思考了片刻，想起若珍和我在一起時的一點一滴，我們的第一次約會，我們的婚禮，她給我生活上所有的驚喜……….
 




雙眼再一次不受控的流下淚來。
 
愛情沒有計算，我們也不能因為自己的付出，而要求對方給予同等的回報，我只知道我愛若珍，不管她之前幹了什麼，我對她的愛也從來沒有變過。
 
我站起身，對著嚴國旋說：「冇問題，旋哥，我接受減壽十年既要求！」
 
其他人聽到我的回覆之後，除了嚇了一驚之外，根本不知道能夠說些什麼。
 
「啪！啪！」突然之間，天佑在拍起掌來。
 




「阿曦，我敬重你係一個有情有義既人，我唔知你之前有冇諗過或者記唔記得，旋哥問左師公之後，同你講左一句說話，你仲記唔記得？」天佑說。
 
「記得，師公話若珍既魂魄灰飛煙滅係因為我…….」
 
「我估計事情發展係咁，你個朋友阿俊因為怕阿健會爆出佢既秘密，所以殺左阿健，咁下一步你地估下佢會做咩？」
 
「下一步咪上去搵阿曦囉！」司徒月說。
 
「阿俊既然殺左阿健同若珍，咁佢上黎會唔會打算殺埋你？因為你話已經有捉拿兇手既辦法…….」天佑說。
 
「所以若珍知道阿俊想殺我，而殺左阿俊？之前旋哥唔係話鬼係殺唔到人咩？」我望著旋哥說。
 
嚴國旋想了一想說：「鬼唔可以直接咁去殺人，但係如果因為救你而犧牲自己咁又同講法……..」
 
謎題終於被解開了，如果我們的推斷沒有錯，若珍是因為識破了阿俊想殺我，而犧牲自己去阻止阿俊，或許冥冥中自有主宰，我還記得那時候本應戴在手中的戒指突然之間脫下，可能那時候正代表若珍的魂魄已經不在我的身邊，而悄悄地離我而去。




 
我不禁再一次流下淚來，那是感動的眼淚，死去的若珍因為要救自己而落得如此下場，我很感動，同時亦慨嘆自己對於若珍的愛曾經付出了多少。
 
我沒有陪若珍過生日。
我因為工作而忽視若珍。
我對若珍許下的承諾，沒有實現過。
 
愛？或許，我最愛只有自私的自己………