【歷史書上既三國你都好信既!】: 第一章

凌晨三點，張宇軒仲係到對住部電腦做緊野。隻手係keyboard飛舞既同時，口裹都不忙加反幾句粗口。「屌，睇死你個八號都係掛唔過朝早架啦，戇鳩鳩生勾勾，又話今晚12點九號，3點10號，天文台根撚本就係比李嘉誠收買左！唔係又點會係三個鐘內由十號跌返落八號！？」
 
「真係屌你，今日我23歲牛一都要幫你班律師搞乜春文件！唉，神早唔撚讀歷史啦！讀完出黎乞食！」張宇軒伸一伸懶腰，暫時停低手上既工作。
 
「蓬！」
 
「嘩屌做乜鳩！？」張宇軒比突如其來既巨響嚇左一大跳。佢舉目橫掃全屋，最終鎖定發出巨響既元兇就係一隻早已有啲鬆脫既窗，依家既佢係八號風球底下吹得左搖右擺，就黎散架咁既樣。「唉，村屋乜都爛，又要搵包租婆黎整。」
 
張宇軒伸手將隻窗拉返入黎，但係隻窗好似偏偏同佢玩野咁，愈吹就愈離得佢遠。身高只係得一 米七既張宇軒，伸到盡隻手都係拉唔到隻窗返黎。張宇軒咬一咬牙，諗起平時係公司受到既委屈，依家連屋企隻窗都玩鳩佢，當下就狠起心黎，成個人企出窗邊！
 




但係都未站得住腳，再次伸手出去扯住隻窗時，張宇軒就感覺到有一股強風將佢往半空中扯！ 都未反應得切去搵啲野捉住就已經成個人向前跌！
 
「喂喂喂屌！！！！！八號風球都無咁撚大風下話！！！」
 
只見佢瘦弱既身影係空中無力地飄浮，好快，就掩沒左係暗黑既繁空入邊。