人渣誠自傳: 12.
「乜撚野車隊啊?」阿浩問。
「搞下笑姐，諗住扮下頭文字D。」我派下膠姐。
「我想識下女仔，你係咪可以幫幫手...介紹下咁?」我再說。
「終於都想媾女喇咩?咁啦，唔急既，我地慢慢黎，聽日返學再傾。」
「哦，好。」講完，我地cut左線。
收線之後，我去左沖涼，我想洗走既唔係身上既汗臭味，而係身上既「毒」氣。
我唔要再做毒撚!!!
沖完涼之後，我打開手機，見到阿浩whatsapp我。打開，係一個網站。我禁入去睇，原來，係高登。
個次，係我第一次正正式式咁接觸高登。
我打開睇，係感情台既一個po，好似叫做媾女心態。入面條友講到話媾女，最緊要既係心態，唔好覺得媾條女既時候，對方就高你一等。
睇完之後，係好奇心驅使底下，我又禁左去其他po度睇下。
當時我即刻覺得高登真係高深莫測，每個人講野都好有point，完全係生活上既寫照。雖然，有時我都唔明佢地up乜春...
但個日開始，我對高登產生左興趣。之後，我先決定係高登po文，但都係後話。
原本一睇書就訓既我，居然可以睇完一段段既文字。我先知道，媾女依一門學問，好有趣。如果媾女係一科選修科，我一定讀，仲會好撚勤奮。
睇左成晚高登之後，自覺學識左唔少野既我，期待將來可以運用返所學既技巧，成為一位專業既玩家。
我未試過咁期待第二日既來臨。
我要同你講再見喇，毒撚誠。
等到長都頸埋，終於都到第二日。
放午膳既時候，鐘聲一響，我馬上飛奔上揾隔離班既浩仔。
「喂，點啊，媾得女未啊?」
「你同我定啦，我聽晚約左一大班女去唱K。到時，你跟埋我去，包你媾到女。」阿浩堅定地說。
見佢咁淡定，我諗都應該信得過既...
啊屌!!!咪撚住先!!!!!
「咪住，唱K!?」
「係啊，Neway啊，有咩問題啊?」阿浩問。
「喂大佬，我毒撚黎架咋，你叫我係一班唔識既女面前唱歌!?」
「再加上...」我細細聲講。
「加上咩啊?」
「我未去過唱K。」
做左十幾年人，聽就成日聽人地講，但我真係未唱過K。我身邊識既人都係毒撚，若然係你啊，斷估你都唔會約班毒撚去唱K掛?
「唔撚係掛你，咁大個人都未唱過K。」阿浩瞪大雙眼。
「...今日放學之後，你有冇約女啊?」我問。
「冇既，做乜咁問?」
「一係咁啦，放學你陪我唱一次K先啦。」我動議。
「乜撚野話!?」
「我係話，叫你放學陪我去唱一次K啊?」我重複一次。
「屌，我夠聽到落。」
「咁又係你叫我講多次既...」
「你係咪gay架?兩個男既走去唱K。」
「唔係啊...咁我驚第一次去，乜都唔洗，會係啲囡囡面前柒...」屌，毒在骨子裡。
可能阿浩見我個樣咁慘，佢居然，應承左。
「唉屌，怕撚左你喇...」阿浩擰一擰頭。
「即係肯啊?」我問。
「係啊屌你，煩過我條女啊。」阿浩不耐煩咁講。
「所以我一直都話，浩仔係最好既。」
就係咁，一直去到放學，我就同左浩仔兩個人走去Neway。
「喂，放學練唔練波啊?」臨放學，振威問我。
係喎，一時間都醒唔起，原來今日要練波。
媾女，定籃球?
當時既我，揀左媾女。
「唔喇，我約左人..」
「吓，約左邊個啊?明明今日應承左光頭鉅架喎，你唔係走數下話。」振良說。
「唔係啊，我約左浩仔...」
「屌你啊，你揾個仆街仔!?」唉，我都估到佢咁既反應。
振威咁多年黎，都覺得係浩仔背叛左我地...
我冇出到聲，走左去揾浩仔，振威亦冇留住我。我一早都估到大概會係咁，但我唔後悔，因為我預左做玩家依條路，一定唔好走。
嗯，我冇後悔。
至少當時冇...
我等到浩仔放學之後，我地兩個一齊行去火車站附近既Neway。
成件事，好GAY。
一路上，我就一齊聽浩仔講野，內容大概就係關於佢食過既女，當中有趣既經歷，同埋，分享下佢平時點媾女。
「其實你平時點媾女架?」我問。
「拿，老老豆豆，出面啲女呢，其實一見我銀包就開始濕架喇，基本上都唔洗我追。」浩仔說。
「吓，咁你會唔會真係比錢佢地架?」我再問。
「上過床個啲，唔多唔少都會比。」
嘩，咁同叫雞有咩分別啊!?
「原則上係差唔多既，但其實差好遠。」
「何出此言啊浩兄。」
「你諗下，你叫雞屌個啲女，係真係雞黎。我屌個啲，係學生妹黎，嚴格上黎講，佢地係為左我做雞，點同呢。」
仆你個街丫，又幾有道理喎。
「仲有啊，到時啊，你唔好見有咁多女就驚啊。記住，淡定有錢淨。放膽啲!」
「好。」我回應。
傾左陣，我地終於去到目的地。浩仔幫我搞左張會員卡之後，有個靚女姐姐帶左我地入房。
心諗，屌，咁咋?我覺得真係好哂錢，比幾十蚊真係得唱歌再加兩杯雜果賓治。點解唔返屋企對住個花灑唱呢?硬係要哂錢黎依度唱，真係諗極都諗唔明。
「喂，你識唱咩歌架?唔計Eason。」浩仔攞左搖控，問。
「有，好想大聲說喜歡你。」我答。
「好..想..大..聲..說..喜..歡..你..，喂冇既?咩歌黎架?」
「吓，灌籃高手主題曲喎，你唔記得喇咩?」
「屌你，唔係日文歌黎架咩!?」
「係啊，我識唱架，君が好きだと叫びたい~」依家諗返都得啖笑。
「啤~~~~~~」阿浩比我吹到啤一聲。
「做咩啊，冇架咩?」我仲on鳩鳩咁問。
「好心你就咪再聽個啲日文歌啦，好q毒啊。」
咩毒啊，不知幾熱血。
「拿，依幾首個個唱K都會點架喇，你試下跟住唱啦。」佢揀左幾首柏豪啊，Dear June之類既歌。
屌，完全唔係奕迅個皮。
之後，浩仔再教我點禁制點歌啊，點開咪啊，同連wifi。
「教就教哂你喇，聽日放膽啲，唔好怯，怯，你就輸成世。」時候都差不多，係時候要走。
講真，我都係冇乜信心。
係一班陌生人，仲要係一大堆囡囡面前一展歌喉，老實講，我好驚柒。
好驚走音，班人會笑我唱得難聽，但我又廢事同浩仔講，如果唔係佢又會話我毒。
「唔得，我唔可以再毒落去。」我同自己講。
「拿，比個你喇，唔知你會唔會用得着，當係護身符啦。」阿浩遞上一個粉紅色包裝既野。
我諗，應該係安全套。
「唔該哂你喎今日。」
「屌，講呢啲!」當時仲好興依句。
去到第二晚，我gel到個頭行一行。着返之前張彥琪帶我買既衫，不過，今次我去見既唔係Heidi，而係其他女。啊唔係，係女s。
起初我以為自己冇收獲。點知...
依一晚，我將會遇到既女仔，就係出現係我生命中第三個既女仔。
Cherry─玩世不恭既SP