＜愛情走甜>我打開臉書，決定在朋友群內尋找曾經暗戀的對象⋯⋯: 1.6

重遇(二)

大約過了十秒Dead Air後…

「係你？四…眼龜？」

「係…係呀！係我…士巴拿！我好開心你仲記得我。你好嗎？」

「我…我梗係記得你啦！哈！小學時代你咁出名…咦？係喎！你點解咁犀利可以揾到我架？」





「你係Facebook有寫係邊間公司到做嘛！我咪揾到你攞！係呀！我想約你出來食餐飯聚下舊…點睇先？」

「哦？食飯？冇問題！幾時幾點先？」

「咁我打鐵趁熱啦！就今日Lunch啦！如果唔得今晚放工先食都得！」

「吓？咁急？唔好意思呀！咁啱今日Lunch我去見個客…至於今晚我就佳人有約啦…」

「哦？唔緊要…唔緊要…咁不如你俾個時間我！」





「等我睇睇先…不如後日晚食好嗎？」

「冇問題！就後晚啦！你俾個電話號碼我，其他野whatssap到講啦！」

「OK！9234 5678」

「9…2345678 ！好！咁我唔阻你做野先啦…拜拜！」

「OK！Bye Bye! 」





電話斷線後…

(嘩！嚇死我啦…嚇死我啦…好彩頭先係電話到佢睇唔到我呢個咁緊張嘅死人樣姐…仲緊張個去見工面試…)

(後日見面！咁都好嘅…等我都有D時間可以準備下…快D加返佢入Whatssap先…Ok！搞掂…咦！佢個名…Stella Wong？咁奇怪嘅！)

(咦？咪住先…我今日仲傻仔到請左假添…仲有時間！襯老細未返，拿拿林返公司先…)

「喂…Mandy姐！又係我明仔呀！我呢…突然間冇事啦，我趕緊黎公司啦…你…你應該未同老細講我請病假架可？」

「亞仔你終於醒覺啦？我啱啱正想打電話架啦…點知俾你快一步！好啦…你快D返黎先講啦…」

「收到！Mandy姐！」

忙碌了一日，終於可以放工鬆一鬆…我自自然拿起手機，第一時間看一看士巴拿Whatssap我，答案當然是沒有…於是我走入去看一看她最後上線的時間…居然發現她正在＂輸入中＂





喜出望外的我當然傻更更在等待著她的訊息…