＜愛情走甜>我打開臉書，決定在朋友群內尋找曾經暗戀的對象⋯⋯: 1.4

禮物

原來當真正掛念一個人的時候是這般痛苦的，我就像一個傻瓜般，三刻五時走進她們的臉書看有沒有更新！當然她們並不知道已經有一個變態佬全程窺探她們臉書上的一舉一動…

這一個星期是我這輩子中最難捱的七天，每一天她們都會上載旅行的生活照，每一天她們都會得到朋友們的祝福！而我呢？簡直是痛苦的煎熬！尤其看見那個Raymond親吻著士巴拿扮到超級幸福快樂的甜蜜照，我不其然咆?一聲，一拳打在堅硬的牆壁上。這時我的涙水已經分不清是因為手上的痛楚，還是因為是內心的痛苦而除除滴下來…

這種感覺真的令人很難受，我理智告訴我要及早抽身！不然便會墮入萬劫不復，不能自拔的境地，正當我這樣想的時候，我這時居然看到一張是Raymond的背包拉鍊上有一隻公仔飾物，而正正是因為這隻公仔，我決定沉倫下去…

「拿！四眼龜…生日快樂呀！送俾你架！唔好話我刻薄你啦…就…就當上次整傷你賠罪嘅禮物啦！」





「哦？你又知我今日生日嘅？咩黎架？你又有咁好死嘅？」

「低B仔！你唔記得第一日上堂嗰時，Miss朱叫我地介紹自己，你個低能仔居然連自己幾年幾月幾日出世，甚至自己得一百三十八CM身高都講出黎！真係唔怕醜！呢份禮物係唔係唔要先？慳返！攞返黎！」

「咩咩咩…送左俾人嘅野可以攞返架咩？你咪埋黎呀！」

「張志明！王詠娜 你地兩個做乜？聽唔到上堂鬧鐘聲咩？快D返番自己位！」

「哦！Miss 朱…」





「死人四眼龜！！憎死你！」

急不及待的我回到自己的座位馬上打開花紙，原來是一隻戴藍色眼罩，叫做Leo的忍者龜毛公仔…

「士巴拿！多…多謝你呀！你點知我最鐘意係Leo架？」

「唔話你知！係秘密…」

「唓！」





我從回憶中醒過來，看著Raymond背包那個Leo，正正就是當年士巴拿送給我的Leo，完全是一模一樣。我這時不禁大叫一聲：

「士巴拿！士巴拿！你䆒竟係咩意思？」