軼事 : "冬菇亭" ......: 聚腳點 : 懷舊 + 港式

在外工作接近兩年
很懷念傳統港式早餐
某週末早上到了其中一家碩果僅存的大排檔 

大排檔位於想當年屋村新市鎮的冬菇亭
鋅鐵皮蓋頂 , 彷彿重返鐵皮屋時代
金屬結構的樑或柱 , 貼滿了手寫字條菜單
樑與樑之間拉起一根尼龍繩或鐵線 , 便把餐牌掛得滿滿的
螢光紅 , 螢光橙 , 螢光黃 , 螢光綠 的旗幟標籤琳琅滿目 , 
表面裱上了一層膠紙 , 內裡所有字都是用粗粗的白板筆寫成




字體粗幼不一 , 筆跡迴異 ,
也不知道換了多少經營者 / 伙計 / 廚子... 經歷了多少輩... 出自多少人手筆......

" 傳統的港式 , 一貫的地道 "
(只看裝潢 , 便該收錄到文化遺產的名冊上 ;
 與現在開得成行成市的 仿古 , 仿懷舊的港式茶餐有著不一樣的風味)

想到現今時勢，
呢間嘢可能都唔捱得耐喇
所以近年每次返港 , 都經常到訪幫襯 





同枱食客 . . 算我的 婆婆的出席率最高 ,
公公和我媽叮噹馬頭 .. 位居次席 (因為公公婆婆住在附近 , 步程10分鐘左右吧)
有時候也會見到阿姨和舅父
可算是小型家庭聚會的落腳點

早餐 :
沙嗲牛肉米粉，
腸仔煎雙蛋(太陽蛋)配牛油方包，
熱奶茶（仲係有耳杯）**好港式地，奶茶係可以加大既** 





法蘭西多士 , 生炸雞肶 , 夠鑊氣乾炒牛河 ... 都係我常o既

其實仲有車仔面 , 燒味 ,
隔離早茶市有1盅2件 , 晚市係小菜 , 炸乳鴿 , 自助火鍋 , 糖水......
(sorry .. 我唔係寫食評)

這家港式大排檔茶餐廳 ,
基本上係一般茶記食得到o既 , 呢度都會有
"兜亂" , "多飯" , "少油" , "走油" , "分湯上" ...... 一般都有求必應


後記 :
大排檔 / 冬菇亭 買少見少 , 有機會便帶小朋友多去幾遍   : )
大家不妨推薦介紹一下 .. 懷緬一番也好 , 公諸同好也可 ,




算是一種集體回憶吧 !