我和阿瑜非一般的兄妹情: FB短文(1)

某次，Ｍ記再次推出十八件麥樂雞餐，我和阿瑜身為Ｍ記的頭號粉絲，終於按捺不住要一嘗四款新醬的滋味。然而，在一個假日的中午，我和阿瑜便前往附近的Ｍ記。
 
「哎呀，十八件咁多，都唔知食唔食得哂添？」阿瑜一邊走，一邊擔心地道。
 
「驚食唔哂呀？咁咪叫返六件囉～」我這句是逗她的，因為如果只是點六件的話，就不能把四款醬全試了，所以阿瑜是絕對不會妥協的。但我偏偏就是裝出一副真有此算的樣子。
 
「吓！？唔呀！我想試哂啲醬呀～」阿瑜緊張地叫道。
 
「哈哈～咁你就咪話驚食唔哂啦～你點都要叫哩個餐咖啦～」我不禁笑道。
 


「咁我驚哂嘢呀麻……」阿瑜扁扁咀道。
 
「得啦得啦～有我包底，一定食得哂，行快兩步啦～」語畢，我便牽著阿瑜加緊腳步。
 
當日的Ｍ記算不上滿座，但人流亦不少，我和阿瑜找了一個頗為角落的位置，我便前到櫃檯點餐。我捧著盛著十八件麥樂雞餐的餐盤返回坐位，阿瑜望見四款麥樂雞醬，急不及待便搶著打開。
 
「哇，阿妹…點解哩個…好似屎咁嘅…」沒錯，阿瑜第一個打開的就是那個什麼咖哩醬…
 
「乜嘢呀！邊到似呀，阿哥好核突囉！！」阿瑜打了我的手臀一下，白眼了我一下便繼續打開其他麥樂雞醬。
 


此時，我突然想起了有一個朋友曾對我問過的問題，於是我便向阿瑜認真地問道：「阿妹，我想問下你一樣嘢呀。」
 
「咩呀？」阿瑜抬起頭來，望見我認真的樣子，稍為遲疑了一下，然後應道。
 
「你情願食屎味嘅咖哩，定係咖哩味嘅屎呀？」我提出了當年我那個朋友對我問的問題。
 
「咦！仲講！好核突呀～仲以為阿哥你想問啲咩添…」阿瑜還是被這條問題逗笑了。
 
「你答咗我先啦～」我繼續追問道。
 


「有咩分別喎…」阿瑜強忍笑容問道。
 
「緊係有啦，屎味嘅咖哩同咖哩味嘅屎喎～你諗真啲啦～」我應道。
 
阿瑜真的認真地想了一想，然後應道：「我諗我會揀屎味嘅咖哩～」
 
「吓？點解呀？咁咪即係食屎！？」我笑著說。
 
「咁…咁…我當係食啲好苦嘅咖哩姐，我都係食緊咖哩呀！」阿瑜反駁道。
 
「你又知屎係苦嘅？你食過咩？哈哈哈～」我哈哈大笑，尤其望著阿瑜那急著解釋的樣子，便更笑得不可交加，使身邊的食客們都不其然將目光投到我們處，可是我們毫不察覺。
 
「！！！！」阿瑜沒說什麼，就是在我手臀狠狠地掐了一把發洩怒氣。
 
「痛痛痛～唔食屎味嘅咖哩～」我指一指那咖哩醬接著說：「食咖哩味嘅屎啦～哈哈～」


 
阿瑜聽到後，便更加用力地掐，而我反而笑得更加開懷……
 
「我唔食哩隻醬啦！！比你講到咁核突！！」阿瑜拿起一件麥樂雞，沾往其餘的麥樂雞醬。
 
「我講下笑姐～哈哈～」我望見阿瑜沾醬的方法，立時叫道：「哇！你做咩呀～？」
 
阿瑜先是呆一呆，然後馬上意會到事情，傻笑了一下。其實是剛才阿瑜把咬了一口的麥樂雞，再沾多一次醬。
 
「咩…咩喎～你…你嫌棄我…咩？」阿瑜勉強地找出藉口反駁。
 
老實說，我當然不會嫌棄，因為平時我倆都會分享食物，但是偏偏望見這種行為，就是有點兒那個…使我不想再沾那款醬了…
 
「唔…唔係～阿妹，你出到去唔好咁呀～唔係咁禮貌咖咁樣。」我亦藉詞說道。
 


阿瑜神色中透出一絲狡猾，似是打著什麼鬼主意……
 
突然，阿瑜雙手拿起了兩件麥樂雞各咬了一口，再沾到其餘兩款麥樂雞醬，然後偷笑。
 
「喂！」這下來得太突然，我來不及阻止阿瑜的奸計。
 
「哎呀～唔小心點咗添～」阿瑜奸計得逞，臉上自然更加得意地道「阿哥，個個咩屎味嘅咖哩留返比你啦，哈哈～」
 
「係咖哩味嘅屎呀～哈哈」聽見阿瑜把兩樣調亂了，使我不禁笑道。
 
「點記得咁多喎！咁核突！」阿瑜應道。
 
結果，這次我真的只沾一款麥樂雞醬，而望見阿瑜的笑容，這一款醬汁亦好像變得特別好吃……而現在，明明我可以獨自全沾，卻只剩下酸澀的味道……