我和阿瑜非一般的兄妹情: 外傳３—少女間的約定

長洲二日一夜之旅完結不久，周芷彤如常地來到公園，探望和養飼那神秘的啡色花貓……
 
「你淨返嘅時間真係唔多啦，你應該開始感覺到你身體有啲唔同咖啦……」那花貓道。
 
「嗯…」周芷彤淡淡地道。
 
「你係時候要離開佢地咖啦，比佢地知得太多佢地會好危險，而且你唔可以比人發現你嘅軀體，唔係嘅……」那花貓又道。
 
「我明咖啦…」周芷彤低頭應道。
 


「芷彤姐姐！！你係到啦！！」阿瑜亦如常地來到公園探望花貓。
 
「係呀阿瑜～」周芷彤微笑應道。
 
她們兩人蹲著默默地望著花貓的食相，片刻，周芷彤突然開口問道：「係呢，阿瑜～你之前咪話你哥哥唔肯讀書，你唔知點算嘅…我諗到個辦法。」
 
「吓？係咩辦法呀，芷彤姐姐？」阿瑜馬上抬頭望著周芷彤問道，似乎非常期待那個辦法。
 
「講比你聽都得，但係如果成功嘅…你要比我做一件事…」周芷彤淡淡地說道。
 


阿瑜聽到後覺得奇怪，到底什麼事要由我來批准呢……
 
「喔，咁係咩辦法呀？」阿瑜仍然問道，如果有助哥哥改善成績，批准什麼的大概亦沒問題吧。
 
「阿瑜，你歌唱比賽要打入決賽，之後要係咁同你阿哥講好想佢可以係台下睇你表演，之後再串通老師，要佢考成點點點先比佢走一陣堂睇你表演，我諗佢為咗你應該會肯讀書。」周芷彤說出辦法來。
 
「咁真係得咩？」阿瑜半信半疑問道。
 
「如果得嘅，你就要比我做一件事啦喎…」周芷彤說道，而且臉上有點紅。
 


「係咩事呀，芷彤姐姐？」阿瑜問道。
 
「比…比我同你阿哥表白…」周芷彤顫抖地說道，表現得十分害羞。
 
「吓…」阿瑜感到大大的錯愕，沒想到周芷彤竟然會喜歡…我亦沒權阻止人家表白吧…「無… 無問題…」
 
「多謝…」周芷彤冷冰冰地應道。
 
「如果無咩…我…我走先啦…拜拜…」阿瑜似乎還有點接受不了。
 
「拜拜…」周芷彤微微揮手道別。
 
「點解你做啲嘢可以同一開始諗嘅差咁遠，真係唔明！」那花貓待阿瑜走遠了便說道。
 
「我都唔知…」周芷彤低頭苦笑。