我和阿瑜非一般的兄妹情: 後記—阿瑜

跟哥哥失聯後的阿瑜，沒有太大驚訝，或者她的心裡亦早有準備，但是心裡仍受著沉重的打擊。望著wtapp對話的一個灰剔，她知道哥哥根本不會讀到她所發的信息，但是亦然會對這個空號發信息，取得一絲安慰……
 
wtapp對話（節錄）：
 
阿瑜：阿哥　做咩你幾日都唔on嘅？　電話又打唔通
 
阿瑜（數日後）：做咩無啦啦唔見咗人咖！　我憎死你呀！
 
阿瑜（十數日後）：對唔住呀　我發脾氣　阿哥唔好嬲我啦　快啲搵返我啦
 


阿瑜（一個月後）：阿哥　你就快生日啦　你再唔搵返我　我就嚟搵你咖啦
 
阿瑜（一個多月後）：科大好大呀　個海景好靚呀　你係個到讀書一定好舒服咖啦　生日快樂！
 
阿瑜（三個多月後）：今晚好凍　個熊仔都好凍　我唔要熊仔啦　阿哥你返嚟啦　得唔得呀…？
 
阿瑜（半年後）：我今日贏咗歌唱比賽呀　係咪好叻呢？
 
阿瑜（一年後）：就快考dse啦　我終於明白阿哥個陣係點緊張法啦　哈哈～
 


阿瑜（一年半後）：阿哥　你好耐都無返過屋企啦　乜你唔掛住我咩？　我就一啲都唔掛住你啦　哈哈～
 
阿瑜（兩年後）：我得咗啦！　阿哥估下我入咗咩？　係科大呀　嘻嘻～
 
兩年後的阿瑜，成長了不少，但仍保持著一份稚氣。這天是第一天入宿，阿瑜在房間執拾物品時，不禁再次打開錢包，望著藏在錢包內的照片，從傷感中勉強透得一絲微笑，這張相片在陽光下拍攝，女的笑得非常燦爛，而男的表情卻極為奇怪……
 
阿瑜將科大的學生證放入錢包，露出堅定的眼神，決意出發尋回失去的笑容。