[自傳]有冇巴絲一樣覺得自己好平凡: [4]

嗰陣個chairman咁岩識得我, 所以我就順利成章地做左com喇, 不過都係d二打六。

隔左無耐就要同對面嘅com開會, 我仲記得個陣係10月, 我地就幾丁友約左喺城大嘅canteen開。

其實真係幾尷尬, 幾個細路著住校服喺度唔知做乜。

由於我地喺一個sir嘅關係所以我地喺早到左的 , 到嗰陣我依然得個驚字。

好喇, 講到呢度跟據日本純愛片嘅定律喺呢個時候就會有一個發晒光嘅女神行入唻之後就呆望住我。





哈,都係ff少陣.…..行入唻嘅只喺一班好普通嘅女仔, 而個會喺我零參與之下好順利地完結。

之後我又回復返我平淡嘅生活, 直到一個月之後。
話咁快又一個月, 到左service嘅第一日喇。

因為我係com嘅關喺所以就早左好多番到去執頭執尾,

執完之後我就自己柄埋一二面坐喺度沉思下笛卡兒嘅哲學命題。

好快男男女女就陸續唻到, 不過都喺好似摩西分紅海咁, 男有男坐女有女傾。





而我? 當然依然瑟縮一角諗野, 喺呢一刻, 我覺得自己係一個浪子。

當我喺度觀察環境嘅時候, 就突然有個發晒光頭髮好飄逸嘅女神行左入唻……哈咪傻啦。

其實就喺有一個女仔, 我第一眼就覺得佢好特別, 特別細粒。

人齊就當然開始呢個破冰遊戲啦, 呢part我相信都唔洗多講。

例牌地完左之後大家都喺不為所動, 好啦咁就分組啦。





好好彩地我分到同我個fd一組, 所以我地兩個就喺度高談闊論冇理過我地同組d女孩子。

之後我先發現原來頭先好細粒個個女仔係同我同組, 個陣我唔知點解自己會係咁偷望佢, 真喺唔知自己做緊啲乜。